Հա

Ազգային

06/11/2016 - 10:50

ՀՅԴ Հարաւային Ամերիկայի 76-րդ Շրջանային ժողովի յայտարարութիւնը

Հայ Յեղափոխական Դաշնակցութեան Հարաւային Ամերիկայի կազմակերպութեան 76-րդ Շրջանային ժողովը տեղի ունեցաւ Բուէնոս Այրէսի մէջ հոկտեմբեր 28-30, 2016-ին: Ժողովին իրենց մասնակցութիւնը բերին կուսակցութեան Արգենտինայի, Ուրուգւայի եւ Բրազիլիայի մարմիններէն ընտրւած պատգամաւորները եւ ՀՅԴ Բիւրոյի ներկայացուցիչը, որոնք քննեցին ազգային, համայնքային եւ կազմակերպական ոլորտներուն մէջ օրակարգային հիմնախնդիրը եւ առին համապատասխան որոշումներ՝ գործունէութեան յաջորդ ժամանակաշրջանին համար:

Հայ Յեղափոխական Դաշնակցութեան Հարաւային Ամերիկայի կազմակերպութեան 76-րդ Շրջանային ժողովը տեղի ունեցաւ Բուէնոս Այրէսի մէջ հոկտեմբեր 28-30, 2016-ին: Ժողովին իրենց մասնակցութիւնը բերին կուսակցութեան Արգենտինայի, Ուրուգւայի եւ Բրազիլիայի մարմիններէն ընտրւած պատգամաւորները եւ ՀՅԴ Բիւրոյի ներկայացուցիչը, որոնք քննեցին ազգային, համայնքային եւ կազմակերպական ոլորտներուն մէջ օրակարգային հիմնախնդիրը եւ առին համապատասխան որոշումներ՝ գործունէութեան յաջորդ ժամանակաշրջանին համար:
Այդ որոշումներու հիման վրայ, ՀՅԴ Հարաւային Ամերիկայի կազմակերպութիւնը յանուն իր շարքերուն, գաղափարակից կազմակերպութիւններուն եւ համակիր զանգւածին այսու կը յայտարարէ.

 

Ա- Անվերապահ եւ ամբողջական զօրակցութիւն՝ Հայաստանի Հանրապետութեան անվտանգութեան, տնտեսական զարգացման, ինչպէս նաեւ ժողովրդավար կարգերը ամրապնդող եւ հասարակական արդարութեան հաստատման հեռանկարով իրականալիք համակարգային փոփոխութեանց գործընթացին:

 

Բ- Հաստատական յանձնառութիւն՝ Արցախի հիմնախնդրի խաղաղ եւ արդար լուծումին եւ Լեռնային Ղարաբաղի Հանրապետութեան անկախութեան միջազգայնօրէն ճանաչման ճիգերուն:

 

Գ- Հարաւամերիկեան տարածաշրջանին մէջ գործադիր, օրէնսդիր եւ արդարադատական իշխանութիւններու մակարդակով ճանաչում գտած Հայոց Ցեղասպանութեան պահանջատիրական պայքարը արդարահատոյցի հանգրւանի անցումի ամրագրումը:

 

Դ- Կը հաստատէ, որ Հարաւային Ամերիկայի մէջ հասակ առնող հայորդիներու չորրորդ սերունդին հիմնախնդիրն է հայեցի դաստիարակութեան արդիականացումը, եւ հայրենի հայութեան թէ Սփիւռքի այլ համայնքներու հետ մնայուն կապի խորացումը:

 

Ե- Կողջունէ տարածաշրջանի մէջ հայ համայնքներու համարկումը տեղական քաղաքական կեանքին որպէս լիիրաւ քաղաքացի ի խնդիր ժողովրդավարութեան, մշակութային բազմազանութեան, մարդկային եւ հասարակական իրաւունքներու պաշտպանութեան եւ փոխհանդուրժողականութեան արժէքներու ամրապնդման, ինչպէս նաեւ Հայաստանի հետ հարաւամերիկեան երկիրներու յարաբերութիւններու սերտացման:

 

Զ- Ձեռք կերկարէ տարածաշրջանի հայ համայնքներու մէջ գործող պատմական կուսակցութիւններու տեղական կազմակեպութեանց եւ շարքերուն, քաղաքական այլ ուժերուն, կրօնական, հասարակական, մշակութային եւ բարեսիրական բոլոր հաստատութիւններուն՝ բարձր արժեւորելով համայնական մարտահրաւէրներու դիմագրաւման համար համայնքային միասնականութիւնն ու համագործակցութիւնը:

 

Է- Կը դիմէ տարածաշրջանի հայ ծագումով բոլոր անհատներուն ձեռք բերելու Հայաստանի Հանրապետութեան քաղաքացիութիւն:

 

Ը- Ահազանգ կը հնչեցնէ սիրիահայութեան ապրած գոյութենական ճգնաժամին նկատմամբ եւ Հարաւային Ամերիկայի հայութեան կոչ կուղղէ թափ տալու մարդասիրական օժանդակութեան ծրագիրներուն:
Արցախեան հերոսամարտով սկսած եւ անկախ պետականութեան ծնունդով ամրագրւած հայ ժողովուրդի պատմական գործընթացը մտած է նոր հանգրւան: Մարտահրաւէրները շատ են տակաւին, բայց անցնող քսանհինգ տարիներու սխրանքներն ու Սփիւռք-Հայրենիք միասնականութիւնը մեծագոյն գրաւականն են անոր յաղթական առաջընթացին դէպի Ազատ, Անկախ եւ Միացեալ Հայաստան:

 

Բուէնոս Այրէս,
30 հոկտեմբերի 2016

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։