Հա

Ազգային

22/01/2017 - 08:35

«Հայրենիք»-ի խմբագրական.- «Փայլան…փայլք եւ պատիժ»

Յունուար 12-ին, Թուրքիոյ խորհրդարանին մէջ սահմանադրական փոփոխութիւններու վերաբերեալ նախագիծի քննարկումին ընթացքին, ականատես եղանք հրմշտուքի եւ թոհուբոհի զանազան հոսանքներու պատկանող երեսփոխաններու միջեւ ծագած սուր վիճաբանութեան առթիւ:

Յունուար 12-ին, Թուրքիոյ խորհրդարանին մէջ սահմանադրական փոփոխութիւններու վերաբերեալ նախագիծի քննարկումին ընթացքին, ականատես եղանք հրմշտուքի եւ թոհուբոհի զանազան հոսանքներու պատկանող երեսփոխաններու միջեւ ծագած սուր վիճաբանութեան առթիւ:

Զարմանալին այն է թէ, հազիւ 24 ժամ ետք, յաջորդ օրն իսկ, այդ միեւնոյն խնդրահարոյց տիպարներուն մեծ մասը, այս անգամ միասնաբար կը բողոքէին ու կը «քարկոծէին» քրտամէտ Ժողովուրդներու ժողովրդավարական կուսակցութեան անդամ, խորհրդարանի հայազգի երեսփոխան Կարօ Փայլանը, որ ամէնայն ինքնավստահութեամբ, եւ առանց որեւէ կեղծիքի եւ բարդոյթի, սահմանադրական փոփոխութիւններու վերաբերեալ նախագիծի քննարկումին ընթացքին, մանրամասնօրէն եւ փաստագրական տեղեկութիւններ փոխանցելով անդրադարձած էր Հայոց Ցեղասպանութեան մասին, նշելով թէ հայութիւնը քսան առ հարիւր համեմատութեամբ բնակչութիւն մը կը կազմէր, եւ այսօր այդ թիւը այնպիսի ահաւոր անկում մը կրած է որ, հազիւ ջնջին թիւ մը մնացած է:

Համընդհանուր պատկերը ներկայացնելու համար, Փայլան նշեց թէ հայերու կողքին, այլ փոքրամասնութիւններ ալ՝ յոյներ, հրեաներ եւ ասորիներ ենթարկուած են միեւնոյն ճակատագրին:

Բնականաբար սպասելի էր, որ իշխող եւ Էրդողանի հովանիին տակ գտնուող իսլամական «Արդարութիւն եւ Բարգաւաճում» կուսակցութեան եւ Ազգայնական շարժում կուսակցութեան երեսփոխանները միասնաբար միջամտէին: Սակայն դժբախտաբար այդ դժգոհ ազգայնամոլներուն միացան նաեւ ընդդիմադիր Հանրապետական ժողովուրդի կուսակցութեան ներկայացուցիչները եւ նոյնքան նախատինքով քննադատեցին Փայլանը: …Նախատինք մը, որ կը կատարուէր Հրանտ Դինքի ահաբեկչութեան տասնամեակի սեմին:

Ահաւասիկ ուռճացման մակարդակի հասած ուրացման գործելաձեւ մը…ոճ մը, որ կը ներկայացնէ իսկական պատկերը, Թուրքիոյ քաղաքական բեմահարթակէն ներս:

Երբ խումբ մը երեսփոխաններ դահլիճէն կը պոռան թէ այս հողերուն վրայ Ցեղասպանութիւն չէ եղած, եւ դեռ աւելին խորհրդարանի ամպիոնէն կարելի չէ քննադատել, իրականութիւնը յայտնել եւ արդարութիւնը պահանջել եւ դեռ աւելի նմանօրինակ արտայայտութիւններ ծանրօրէն կը հարուածեն թուրք ժողովուրդն ու Ապտիւլ Համիտի հետեւորդները, այդ ժամանակ յստակ է թէ ո՞ւր հասած է ժողովրդավարութիւնը:

Յամառօրէն կառչած արդարութեան, Փայլան յարգելով կանոնները, դիմեց խորհրդարանի օրուան նախագահին որպէսզի տէր դառնայ կացութեան եւ կատարէ տեղին միջամտութիւն: Սակայն, հոս ալ ձայն բարբառոյ յանապատի եւ ընդհակառակը՝ այլ առիթ մը՝ բարբարոսային արտայայտութիւններու:

Խորհրդարանի նախագահն ալ իր մեղսակցութիւնը դրոշմած էր, Փայլանին ազդարարելով թէ պէտք է ուշադիր դառնալ եւ չվիրաւորել թուրք ազգը…:

Պատմութիւնը կը կրկնուէր…մանաւանդ որ Փայլան նշած էր, թէ Թուրքիոյ մէջ սահմանադրութեան անդրանիկ օրինակը կազմուած է հայերու կողմէ, սակայն օրին իշխանութիւնները սկսած էին կատարել անտեղի փոփոխութիւններ եւ բանաձեւել միայն թուրքերու շահերէն բխող սահմանադրութեան օրէնքներ:

Դեռ աւելին, եզրափակելու համար այս զաւեշտը՝ Ցեղասպանութիւն բառի գործածութեան համար՝ Ազգային ժողովը պատժեց Փայլանը, երեք նիստերով, իսկ աւելի ահաւոր ու քստմնելի որոշումը այն է թէ որոշուած է ատենագրութիւններէն ջնջել Փայլանի այն բոլոր խօսքերը… Հայոց Ցեղասպանութեան մասին:

«Հայրենիք»

 

 

Յարակից լուրեր

  • «Հրապարակային կրոնափոխութիւնը կեղծ էր». Փայլանն արձագանգել է
    «Հրապարակային կրոնափոխութիւնը կեղծ էր». Փայլանն արձագանգել է

    Թուրքիայում մայիսի 12-ին հեռուստահաղորդումներից մէկի ժամանակ 13-ամեայ հայ Արթուրի կրօնափոխութեան լուրերը չեն համապատասխանում իրականութեանը: Այս մասին յայտնել է Թուրքիայի Ազգային մեծ ժողովի պատգամաւոր Կարօ Փայլանը, որը հանդիպել է Արթուրի մօր հետ:

  • Շեշտուեցաւ Արցախին յաւելեալ աջակցութիւն ապահովելու կարեւորութիւնը
    Շեշտուեցաւ Արցախին յաւելեալ աջակցութիւն ապահովելու կարեւորութիւնը

    Մինչ Միացեալ Նահանգներու Ծերակոյտին եւ Ներկայացուցիչներու տան յանձնախումբերը 2020 տարեշրջանի ամավարկի մանրամասնութիւնները կը վերջնականացնեն, Ամերիկայի Հայ Դատի յանձնախումբի ներկայացուցիչները, ընկերակցութեամբ Արեւելեան թեմի առաջնորդ Անուշաւան արք. Դանիէլեանի, շարք մը քոնկրեսականներու հետ խորհրդակցութիւններ ունեցան Հայաստանի եւ Արցախի Հանրապետութիւններուն ամերիկեան յաւելեալ աջակցութիւն ապահովելու, Միացեալ Նահանգներու եւ Հայաստանի միջեւ ռազմավարական համագործակցութիւնը սերտացնելու եւ Հայոց Ցեղասպանութիւնը ճանչնալու եւ յիշատակելու պատեհ քաղաքականութիւն մը որդեգրելու նպատակով։

  • Մեր առանցքային նպատակը Թուրքիայի կողմից Ցեղասպանութեան ճանաչումն է
    Մեր առանցքային նպատակը Թուրքիայի կողմից Ցեղասպանութեան ճանաչումն է

    Հայոց Ցեղասպանութեան 104-րդ տարելիցի կապակցութեամբ «Ապառաժ»-ը զրուցել է ՀՅԴ Եւրոպայի Հայ Դատի գրասենեակի հաղորդակցութեան պատասխանատու Յարութ Շիրինեանի հետ:

  • Արաբական աշխարհում Հայ Դատին նպաստող ալիք է բարձրացել
    Արաբական աշխարհում Հայ Դատին նպաստող ալիք է բարձրացել

    Հայոց Ցեղասպանութեան հարցը վերջերս Միջին Արեւելքի երկրներում առաւել շատ է շօշափւում: Այդ ուղղութեամբ տարւող աշխատանքների, ինչպէս նաեւ Միջին Արեւելքում Թուրքիայի ազդեցութեան կապակցութեամբ «Ապառաժ»-ը զրուցել է ՀՅԴ Միջին Արեւելքի Հայ Դատի գրասենեակի պատասխանատու Վեռա Եակուբեանի հետ:

  • Թուրքիան վախենում է արդարադատութիւնից
    Թուրքիան վախենում է արդարադատութիւնից

    «Առաջին լրատւական»-ի հետ զրոյցում խօսելով Իտալիայի եւ Պորտուգալիայի խորհրդարանների կողմից ընդունւած բանաձեւերի մասին՝ ԱՄՆ Հայ Դատի յանձնախմբի գործադիր տնօրէն Արամ Համբարեանը ընդգծեց, որ ամէն մի նոր երկրի կողմից Հայոց Ցեղասպանութեան ճանաչումով Թուրքիան գնալով աւելի է մեկուսանում:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։