Հա

Ազգային

Հինգշաբթի, 09 Մարտի 2017 12:50

Լոյս է տեսել Լիբանանի «Ազդակ» օրաթերթի 90­-ամեայ յոբելեանի բացառիկ համարը

Լոյս է տեսել Լիբանանի «Ազդակ» օրաթերթի 90-­ամեայ յոբելեանի բացառիկ համարը: Այս մասին «Արմենպրես»­-ին տեղեկացրեց Լիբանանի «Ազդակ» օրաթերթի գլխաւոր խմբագիր Շահան Գանտահարեանը:

«alikonline.ir» - Լոյս է տեսել Լիբանանի «Ազդակ» օրաթերթի 90-­ամեայ յոբելեանի բացառիկ համարը: Այս մասին «Արմենպրես»­-ին տեղեկացրեց Լիբանանի «Ազդակ» օրաթերթի գլխաւոր խմբագիր Շահան Գանտահարեանը:

Շուրջ 450 էջից բաղկացած բացառիկ համարը ներկայացնում է պարբերականի պատմութիւնը, անցած ուղին: Ամսագրում զետեղևած են ՀՀ, Արցախի Հանրապետութեան նախագահների, ՀՀ սփիւռքի նախարարի, հայ եկեղեցու հոգեւոր պետերի եւ այլ նշանաւոր գործիչների ուղերձները: «Մարտի 8­-ի երեկոյեան թերթերը տպարանից դուրս բերեցինք, բաւական տպաւորիչ համար է ստացւել: Կան հարցազրոյցներ, ուղերձներ, յուշագրութիւններ, վերլուծութիւններ: Ներկայացրել ենք հարցազրոյցներ թերթի գլխաւոր խմբագիրների հետ, ներկայացրել ենք նաեւ այն մարդկանց ցանկը, որոնք 90 տարւայ ընթացքում եղել են տնօրէններ, գլխաւոր խմբագիրներ, զբաղեցրել են այլ պաշտօններ: Շուրջ 500 անուն է ստացւել»,-­ ասաց Շահան Գանտահարեանը:

Բացառիկ համարն իր ընթերցողներին է ներկայացնում «Ազդակ»-­ի անցած ուղու չերեւացող հատւածը: Մասնաւորապէս, աշխատակիցների մարդկային փոխյարաբերութիւնները, դժւարին, վտանգաւոր ժամանակաշրջանում խնդիրների յաղթահարմանն ուղղւած քայլերը: Այդ ամէնը յաջողւել է ամփոփել եւ պատրաստի տեսքով ներկայացնել ամիսների ընթացքում: Շահան Գանտահարեանը նշեց, որ այս բացառիկ համարն իր նպաստ կը բերի սփիւռքահայ մամուլի պատմութիւնը գրի առնելու գործին:

«Այս 90 տարւայ ընթացքում «Ազդակ»-ի գլխաւոր ձեռքբերումներից մէկն այն կարեւոր գործառոյթներն են` ուղղւած հայապահպանութեանը, արեւմտահայերէնի պահպանմանն ու զարգացմանը, այդ գործում երիտասարդութեան ներգրաւմանը, պրոֆեսիոնալ լրատւութիւն հաղորդելուն թէ՛ Լիբանանի, թէ՛ հայկական աշխարհի իրադարձութիւնների մասին: Այլ կերպ ասած այն հսկայական նիւթերի շտեմարան է»,­- յաւելեց նա:

Շահան Գանտահարեանը տեղեկացրեց, որ շուտով վերջնական կաւարտւի թերթի 90­-ամեայ ամբողջ արխիւի թւայնացման աշխատանքը, արդի որոնման համակարգերով հնարաւոր կը լինի գտնել «Ազդակ»-ի հրապարակումները:

Բացառիկ համարը լոյս է տեսել 1500 օրինակ, կը տրամադրւի հայրենագիտական կենտրոններին, լրատւամիջոցներին, նրանց, ովքեր աշխատակցել են թերթին:

Յարակից Հրապարակումներ

  • Շահան Գանտահարեան. «Լիբանանում իրավիճակը մտահոգիչ է, բայց ոչ՝ խուճապային»
    Շահան Գանտահարեան. «Լիբանանում իրավիճակը մտահոգիչ է, բայց ոչ՝ խուճապային»

    Սաուդական Արաբիա-Իրան սրւող հակամարտութեան հետեւանքով Լիբանանում ճգնաժամ է սկսւում, որն, ըստ որոշ վերլուծութիւնների, վտանգներ է պարունակում տարածաշրջանի քրիստոնեաների, այդ թւում՝ հայ համայնքի համար: Շատերն անգամ Լիբանանից հայերի զանգւածային ներհոսք են կանխատեսում դէպի Հայաստան: Լիբանանի «Ազդակ» օրաթերթի գլխաւոր խմբագիր Շահան Գանտահարեանը «panorama.am»-ի հետ զրոյցում նշեց, որ տարածաշրջանում իրավիճակի հերթական վերաթէժացում է։

  • Սեւ ցուցակի բաղադրութիւնը շեշտակի երանգաւորւում է
    Սեւ ցուցակի բաղադրութիւնը շեշտակի երանգաւորւում է

    Արցախ այցելող օտարերկրացի դէմքերի այցերից մինչ այժմ ամենից հզօր հարւածը Բաքւին` Թուրքիայի քաղաքացի մտաւորականների ներկայութիւնն էր Ստեփանակերտում։ Հայաստանի տարածքով Արցախ այցելած գրող Սայիթ Չեթինօղլուի, քաղաքական գործիչ Վֆուք Վրասի, լրագրողներ Ալի Բայրամօղլուի եւ Էրոլ Քաթըրջըօղլուի քայլը «դաւաճանութիւն է ոչ միայն եղբայրական Ադրբեջանի, այլեւ Թուրքիայի հանդէպ»: Նման յայտարարութեամբ հանդէս է եկել Ադրբեջանի խորհրդարանի պատգամաւոր Այդըն Հուսէյնովը:

  • Հայ Դատի եւ պատմաքաղաքական նիւթերի հրատարակութիւնների քննարկում՝ Անթիլիասում
    Հայ Դատի եւ պատմաքաղաքական նիւթերի հրատարակութիւնների քննարկում՝ Անթիլիասում

    Ապրիլի 20-ին Անթիլիասի մայրավանքում գումարւել է Հայ դատի եւ պատմաքաղաքական նիւթերի յատկացւած` Մեծի Տանն Կիլիկիոյ կաթողիկոսութեան հովանաւորութեամբ գործող «Խաչիկ Պապիկեան» հրատարակչական հիմնադրամի հերթական նիստը:

  • 5 մարտ 1927. Լոյս աշխարհ եկաւ սփիւռքահայ մամուլի դրօշակիրներէն «Ազդակ» օրաթերթը
    5 մարտ 1927. Լոյս աշխարհ եկաւ սփիւռքահայ մամուլի դրօշակիրներէն «Ազդակ» օրաթերթը

    Մարտ 5-ին կը լրանայ ծննդեան 90-րդ տարեդարձը հայ մամուլի երախտաւորներէն՝ սփիւռքահայ լրագիրի եւ դաշնակցական պաշտօնաթերթի իւրայատուկ դրօշակիր «Ազդակ»-ին։

  • Ազգ-բանակի հրամայականը եւ Հ Յ Դաշնակցութեան պատմական փորձառութիւնը
    Ազգ-բանակի հրամայականը եւ Հ Յ Դաշնակցութեան պատմական փորձառութիւնը

    Դաշնակցութիւնը ուրեմն պետականութեան բացակայութեան եւ պետական հաստատութիւններու, ընդ որում, բանակի կազմութեան անհնարինութեան դիմաց, ի՛ր վրայ վերցուցած է պետութենէ մը ակնկալուած տարբեր ոլորտներու աշխատանքները եւ պատուով, յաճախ անթերի ձեռնհասութեամբ իրականացուցած է զանոնք:

Ամենաշատ ընթերցւած

Քւէարկութիւն

«Մեղրի» ԱՏԳ-ն ինչպէ՞ս կազդի Իրան-Հայաստան տնտեսական յարաբերութիւնների զարգացման վրայ:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։