Հա

Ազգային

Շաբաթ, 13 Մայիսի 2017 10:10

«Tert.am»-ի յօդւածը. «Պատմական հայրենիք վերադառնալ ցանկացող հայերն ու Թուրքիայի՝ «հրէական համախտանիշ»-ը»

Ըստ Զարաքոլուի՝ թուրքերն ու քրդերը մինչ օրս սարսափում են հայերի վերադարձից եւ անում հնարաւոր ամէն բան, որպէսզի դա տեղի չունենայ: Պատմաբանը համոզւած է՝ այսօր Թուրքիայում տեղի ունեցող խառնաշփոթը նոյնպէս հետեւանք է մեկ դար առաջ տեղի ունեցածի:

«alikonline.ir» - Թուրք պատմաբան, մարդու իրաւունքների պաշտպան Ռագըբ Զարաքոլուն թուրքական «Evrensel» պարբերականի իր սիւնակում խօսել է Թուրքիայում պատմութեան անիւը պարբերաբար յետ շրջելու, Հայոց Ցեղասպանութեան հետեւանքով ունեցած վախերի եւ «հրէական համախտանիշ»-ի մասին: Տեղեկացնում է «tert.am»-ը:

Ըստ Զարաքոլուի՝ թուրքերն ու քրդերը մինչ օրս սարսափում են հայերի վերադարձից եւ անում հնարաւոր ամէն բան, որպէսզի դա տեղի չունենայ: Պատմաբանը համոզւած է՝ այսօր Թուրքիայում տեղի ունեցող խառնաշփոթը նոյնպէս հետեւանք է մեկ դար առաջ տեղի ունեցածի:

Ռագըբ Զարաքոլուի յօդւածի մի մասը ներկայացնում ենք ստորեւ.

«Հայ ընկերներիցս մէկը Մարդինում մի հին տուն առաւ եւ վերակառուցեց, փորձանք չմնաց, որ գլխին եկած չլինէր:

Մէկ այլ ամերիկահայ Վանում հիւրանոց բացեց:

Մեր երկրի տնտեսական քաղաքականութիւնն օտարերկրեայ ներդրողներին գրաւելու համար մեզ մէջտեղից ճղելը չէ՞ր:

Իհարկէ, դուք կարող էք լինել ամերիկացի, բայց էթնիկ ծագումով հայ, յոյն չլինելու պայմանով:

Մարդն ի վերջոյ փախաւ, գնաց:

Այս ամէնը կարող ենք անւանել «հրէական համախտանիշ»:

Հրեաները 2000 տարի անց վերադարձան իրենց հայրենիք: Սա մերոնց մղձավանջն է դարձել: Իսկ եթէ մի օր յետ գա՞ն….

Հայերը, յոյները, ասորիները եթէ ցանկանան վերադառնալ իրենց հայրենիք… Դէ, քանդիր, աւերիր, եթէ դու էլ չկարողանաս՝ գանձագողերին աւերել տուր, ոչնչացնել տուր, գերեզմանոցները վերացրու… Որպէսզի եթէ անգամ որպէս զբօսաշրջիկ գան հայերը՝ մշտական վերադարձի մասին միտք անգամ չանցկացնեն գլխներով:

Այս ամէնից բխող վախի համախտանիշն իշխում է այս երկրում: Օրինակ՝ երբ ձերբակալելու այլեւս մարդ չի մնացել, արդէն ոստիկանը ոստիկանին, դատախազը դատախազին, փաստաբանը փաստաբանին է կալանաւորում: Աշխարհում մէկ այլ այսպիսի օրինակ կա՞յ:

Այս երկիրը երբեք չի յաջողացնի փոխւել: Եւ «սեւ պատմութիւն»-ը միշտ կրկնւելու է:

Մինչեւ որ չուտի պատմութռան մեծագոյն ապտակը»:

Նշենք, որ օրեր առաջ թուրք ոստիկանները գրոհել էին Զարաքոլուի գլխաւորած «Բելգէ» հրատարակչութեան շէնքը և առգրաւել 2000 կտոր գիրք:

«Բելգէ» հրատարակչութիւնն առաջիններից էր Թուրքիայում, որն անդրադարձել է Հայկական հարցին դեռեւս 1990-ականների սկզբին: «Բելգէ» հրատարակչութեանն են պատկանում «Յուշամատեան ապրիլի 24-ի», «Թուրքիայի վարած ուծացման եւ լեզւասպանութեան քաղաքականութիւնը», «Հայոց Ցեղասպանութիւն» եւ Հայկական հարցին նւիրւած տասնեակ այլ գրքեր:

Յարակից Հրապարակումներ

  • «Խաւարումը» եւ ՌԴ-ում Ստալինի պաշտամունքի վերածնունդը. Հայկ Դեմոյեանի յօդւածը
    «Խաւարումը» եւ ՌԴ-ում Ստալինի պաշտամունքի վերածնունդը. Հայկ Դեմոյեանի յօդւածը

    «The Armenian Mirror Spectator»-ը հրապարակել է Հայկ Դեմոյեանի յօդւածը Հայաստանին սպառնացող ինքնութեան նոր ճգնաժամի մասին: Յօդւածում հեղինակը նաեւ կարծիք է յայտնում, որ Թումանեանի տուն-թանգարանի «Խաւարում» ցուցադրութիւնը դադարեցնելու որոշումը, ամենայն հաւանականութեամբ, ընդունւել է ամենաբարձր մակարդակում եւ կապւած է Ռուսաստանում Ստալինի պաշտամունքի վերածննդի հետ:

  • Քերի Կաւանոյի եւ Փօլ Սթէյերսի յօդւածը. «ԼՂ-ում անկայունութիւնն է՛լ աւելի կը բարդացնի ԱՄՆ-ի յարաբերութիւնները Ռուսաստանի, Թուրքիայի եւ Իրանի հետ»
    Քերի Կաւանոյի եւ Փօլ Սթէյերսի յօդւածը. «ԼՂ-ում անկայունութիւնն է՛լ աւելի կը բարդացնի ԱՄՆ-ի յարաբերութիւնները Ռուսաստանի, Թուրքիայի եւ Իրանի հետ»

    Այս տարւայ ընթացքում Հայաստանի նախագահ Սերժ Սարգսեանի եւ Ադրբեջանի նախագահ Իլհամ Ալիեւի բանակցութիւնները կարող են նւազեցնել Լեռնային Ղարաբաղում զինւած հակամարտութեան վերսկսման հաւանականութիւնը: Նման հանդիպումը կարող է ազդարարել յետքայլ հնարաւոր ռազմական գործողութիւններից եւ վերադարձ բանակցութիւնների սեղանի շուրջ: Այդ մասին ասւած է «Միջազգային յարաբերութիւնների հարցերով խորհուրդ» վերլուծական կենտրոնի կայքում հրապարակւած ԵԱՀԿ Մինսկի խմբի նախկին համանախագահ, դեսպան Քերի Կաւանոյի եւ Փօլ Սթէյերսի յօդւածում

  • Անպատիժ մնացած յանցանքները միշտ կրկնւում են. Կարօ Փայլանի յօդւածը 1955թ.-ի յոյների ու հայերի ջարդի մասին
    Անպատիժ մնացած յանցանքները միշտ կրկնւում են. Կարօ Փայլանի յօդւածը 1955թ.-ի յոյների ու հայերի ջարդի մասին

    «Սեպտեմբերի 6-7. անպատիժ մնացած յանցանքները միշտ կրկնւում են» վերնագրով յօդւածում Փայլանը մատնանշում է պատմագրութեան կողմից մոռացութեան մատնւած ջարդի գլխաւոր մեղաւորներին ու կազմակերպիչներին. հայազգի պատգամաւորը համոզւած է՝ 1955 թ.-ի դէպքերը ոչ թէ պատահականութիւն կամ թիւրիմացութիւն էին, այլ պետութեան կողմից ծրագրւած, մանրամասնօրէն կազմակերպւած ոճիր: 

  • «New York Post»-ը Թրամփի մասին 3 բառանոց «յօդւած» է գրել
    «New York Post»-ը Թրամփի մասին 3 բառանոց «յօդւած» է գրել

    Ամերիկեան «New York Post» պարբերականը Միացեալ Նահանգների նախագահ Դոնալդ Թրամփի մասին «յօդւած» է գրել, որը բաղկացած է ընդամենը 3 բառից: 

  • Թուրքիայի պաշտօնական պատմութեան թշւառութիւնը
    Թուրքիայի պաշտօնական պատմութեան թշւառութիւնը

    «Բժիշկներ՝ առանց սահմանների», «Լրագրողներ՝ առանց սահմանների» կազմակերպութիւններից յետոյ հիմա էլ առանց սահմանների պատմաբաններ են յայտնւել:
    Առաջին համաժողովը տեղի է ունեցել Ֆինլանդիայի մայրաքաղաք Հելսինկիում՝ մայիսի 19-20-ին, «Evrensel» կայքի իր սիւնակում գրում է թուրք հրատարակիչ, հրապարակախօս Ռագըբ Զարաքօլուն՝ ներկայացնելով իր տպաւորութիւններն այդ համաժողովից:

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։