Հա

Ազգային

Շաբաթ, 17 Յունիսի 2017 12:30

«Ապառաժ»-ի խմբագրական. Ելնելով պետութեան գոյութեան փաստից

Արցախեան հարցում Արցախի արտաքին քաղաքականութեան հիմնական ելակէտը բանակցութիւններին մասնակցելու կռւանն է: Բայց նախքան բանակցութիւններին մասնակցելը պէտք է վարել քաղաքականութիւն, քաղաքական բեմահարթակում ճշտել երկրի տեղը եւ յանձնառու լինել համապատասխան դերը կրելու մէջ:

Վերջին երկու շաբաթւայ ընթացքում տարածաշրջանում աշխարհաքաղաքական նշանակութիւն ունեցող իրադարձութիւնները բաւականին արագ զարգացումներ արձանագրեցին: Կարծես թէ նախօրօք ծրագրւած սցենարով Կատարը յայտնւեց արաբական աշխարհի խորթ եղբօր դերում: Հիմնական մեղադրանքը թէեւ միջազգային ահաբեկչութեանը նիւթական միջոցներ յատկացնելն էր, սակայն խորքում Թրամփի` տարածաշրջան այցելութեան շեմին Սաուդական Արաբիայի եւ ԱՄՆ-ի հասցէին հնչեցւած իրանամէտ յայտարարութիւնն էր:

Միւս կարեւորագոյն իրադարձութիւնը Թեհրանում տեղի ունեցած ահաբեկչական գործողութիւնն էր:

Վերը նշւած իրադարձութիւնները չեն կարող իրենց ազդեցութիւնը չունենալ մեր երկրին շատ մօտ գտնւող սիրիական, ինչպէս նաեւ Թուրքիայի հեղհեղուկ իրավիճակի վրայ:

Միեւնոյն ժամանակ` հայկական ուժերը, իսկ միւս կողմից ադրբեջանա-թուրքական համատեղ ուժերը վերջին ամսում անց են կացնում զինավարժութիւններ Արցախի եւ Հայաստանի սահմաններին կից: Վերջին հաշւով` մթնոլորտում զգացւում է վառոդի հոտը:

Նոյն համայնապատկերի վրայ չենք կարող անտեսել միջազգային ճգնաժամային խմբի շուրջ մէկ ամիս առաջ հրապարակւած զեկոյցը, որտեղ բաւականին իրատեսական վերլուծութիւններին որպէս եզրակացութիւն կանխատեսում էր արցախեան նոր պատերազմի հաւանականութիւնը:

Թւարկւած իրողութիւններն ուղղակի կամ անուղղակի պատճառ են դառնում երկրների նոր դիրքաւորումների կամ նախկին դիրքերի ամրապնդմանը: Եթէ Կատարի հարցի վերաբերեալ շրջակայ երկրների դիրքորոշումները փոփոխութեան են ենթարկւում, բնականաբար դա ազդում է Սիրիայում այս կամ այն երկրի հովանաւորութիւնը վայելող խմբաւորման եւ այդ խմբաւորումների փոխյարաբերութիւնների վրայ, նույնն է` Թուրքիայում եւ Թուրքիայի սահմաններին Հիւսիսային Իրաքում եւ Սիրիայի հիւսիս-արեւելքում գոյութիւն ունեցող քրդական խմբաւորումների պարագայում:

Երկրների դիրքորոշումներն արտայայտւում են գործնական քայլերով, միջազգային ամբիոններից հնչող յայտարարութիւններով և քաղաքական կեցւածքի դրսեւորմամբ: Այսպիսով, իւրաքանչիւր երկիր փորձում է իր ներգործութեան բաժինն ապահովել աշխարհաքաղաքական այս թոհուբոհում, ունենալ իր խօսքն ու դերակատարութիւնը եւ, վերջին հաշւով, իր երկրի շահերին ու հիմնականում անվտանգութեանը ծառայեցնել միջազգային յարաբերութիւնների բեմահարթակը:

Բնական է, որ իրադարձութիւններին մօտ գտնւելը պատճառ է դառնում աւելի ակտիւ արտաքին քաղաքականութեան:

Հէնց այստեղ էլ հարց է ծագում. որտե՞ղ ենք մենք եւ որտե՞ղ է մեր արտաքին քաղաքականութիւնը:

Արցախեան հարցում Արցախի արտաքին քաղաքականութեան հիմնական ելակէտը բանակցութիւններին մասնակցելու կռւանն է: Բայց նախքան բանակցութիւններին մասնակցելը պէտք է վարել քաղաքականութիւն, քաղաքական բեմահարթակում ճշտել երկրի տեղը եւ յանձնառու լինել համապատասխան դերը կրելու մէջ: Թող դա լինի բազմաւեկտոր, կոմպլիմենտար, արեւելամէտ կամ արեւմտամէտ, սակայն դրա անհրաժեշտութիւնը բխում է ոչ թէ ցանկութիւնից ու քմահաճոքից, այլ պետութեան գոյութեան փաստից:

«Ապառաժ»
16 յունիս, 2017թ․

Յարակից Հրապարակումներ

  • Դաւիթ Բաբայեան. «Հաւանական է, որ Կասպրչիկի գրասենեակն ընդլայնւի, սակայն այլ խնդիր է՝ թո՞յլ են տալու այդ մարդկանց աշխատել, թէ՝ ոչ»
    Դաւիթ Բաբայեան. «Հաւանական է, որ Կասպրչիկի գրասենեակն ընդլայնւի, սակայն այլ խնդիր է՝ թո՞յլ են տալու այդ մարդկանց աշխատել, թէ՝ ոչ»

    Արցախի Հանրապետութեան նախագահի մամուլի խօսնակ Դաւիթ Բաբայեանի խօսքով՝ միջազգային հանրութեան մօտեցումներում արմատական փոփոխութիւններ նկատելի չեն: 

    «Դա, կարծում եմ, նաեւ օբիեկտիւ իրականութեան արտացոլանք է, որովհետեւ ի վերջոյ, Արցախը կայացած ժողովրդավարական պետութիւն է: Այն, որ իր բոլոր խնդիրներով հանդերձ, Արցախը, որպէս պետական կազմաւորում, կայացել է, եւ որեւէ վտանգ միջազգային հանրութեան համար չի ներկայացնում, միանշանակ է»,- ասաց նա:

  • «Արցախ այցելելու համար մենք ներողութիւն չենք խնդրել Ադրբեջանից». թուրք մտաւորականները մերժել են Չաւուշօղլուի խնդրանքը
    «Արցախ այցելելու համար մենք ներողութիւն չենք խնդրել Ադրբեջանից». թուրք մտաւորականները մերժել են Չաւուշօղլուի խնդրանքը

    Վերջերս Արցախ այցելած եւ այդ պատճառով թուրքական պետութիւնների կողմից սուր քննադատութիւնների արժանացած թուրք մտաւորական Սայիթ Չեթինօղլուն, քաղաքական գործիչ Ուֆուք Ուրասը, լրագրողներ Ալի Բայրամօղլուն եւ Էրոլ Քաթըրջըօղլուն համատեղ յայտարարութիւն են տարածել՝ կտրականապէս հերքելով այն տեղեկութիւնները, թէ իբր Արցախ այցելելու համար իրենք ներողութիւն են խնդրել:

  • Ծխացող պանթուրքիզմ. Թուրքիան Արցախում «խաղաղապահի» դեր կատարելու յուսահատ փորձ է անում
    Ծխացող պանթուրքիզմ. Թուրքիան Արցախում «խաղաղապահի» դեր կատարելու յուսահատ փորձ է անում

    Թուրք-ադրբեջանական ռազմական երկխօսութեան նիստը արցախեան գործընթացին մասնակցելու եւս մի փորձ է, կարծում են փորձագէտները։

    Թուրքիան ամէն կերպ փորձում է ցոյց տալ իր մասնակցութիւնը ղարաբաղեան հակամարտութիւնում` չնայած նրան, որ Մինսկի խմբի համանախագահները չեն պատրաստւում թոյլ տալ նրան մօտենալ այդ հարցին, «Sputnik» Արմենիային ասաց թուրքագէտ Յակոբ Չաքրեանը։

  • Արցախեան շաբաթ՝ իրանական մամուլում
    Արցախեան շաբաթ՝ իրանական մամուլում

    «Անցած օրերին Արցախը բաւականին հետաքրքիր մեկնաբանութեամբ էր ներկայացւած պարսկերէն հեղինակաւոր օրաթերթերում, որոնցից մէկն անդրադարձել էր Արցախի տարածքում գտնւող շիայական պատմամշակութային յուշարձաններին եւ Արցախի կառավարութեան կողմից դրանց բարեկարգման ուղղութեամբ տարւող աշխատանքներին»: Այս մասին ֆէյսբուքեան իր էջում գրել է իրանագէտ Արմէն Իսրայէլեանը:

  • Թալիշ… Օջախ եւ պատնէշ
    Թալիշ… Օջախ եւ պատնէշ

    Շինարարութեան յատուկ ձայներ, որոնց մերթ ընդ մերթ կը միանայ թռչնազգիներու ճռուողիւնը:

    Այսպէս՝ ծիծեռնակը վերստին կը շինէ իր բոյնը:

    Տարեվերջէն առաջ իսկ, Մարտակերտ շրջանի Թալիշ գիւղին բնակիչը պիտի վերադառնայ «տուն, քաղցր տուն», վերստին մշակելու եւ հերկելու իր հողը, վերստին արածելու իր հօտն ու երամակը:

Ամենաշատ ընթերցւած

Քւէարկութիւն

Ինչպէ՞ս էք վերաբերւում Երուսաղէմը որպէս Իսրայէլի մայրաքաղաք ճանաչելու Թրամփի որոշմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։