Հա

Ազգային

20/11/2017 - 13:30

Աղւան Վարդանեան. «ՀՅԴ-ի խիղճը կտրուկ տարբերւում է միւսների խղճից»

ՀՀ ԱԺ-ում լրագրողների հետ ճեպազրոյցների ժամին ԱԺ ՀՅԴ խմբակցութեան քարտուղար Աղւան Վարդանեանը եւս մէկ անգամ նշեց, թէ ինչու է ՀՅԴ-ն կողմ 2018 թւականի բիւջէի նախագծին:

«alikonline.ir» - Այսօր՝ նոյեմբերի 20-ին ՀՀ ԱԺ-ում լրագրողների հետ ճեպազրոյցների ժամին ԱԺ ՀՅԴ խմբակցութեան քարտուղար Աղւան Վարդանեանը եւս մէկ անգամ նշեց, թէ ինչու է ՀՅԴ-ն կողմ 2018 թւականի բիւջէի նախագծին: Տեղեկացնում է «yerkir.am»-ը:

«Կոռուպցիայի դէմ պայքարի նկատելի արդիւնքներ, ստւերի կրճատման միտում, հարկային, մաքսային ոլորտների էական բարելաւում, ներդրումային ծրագրեր ենթակառուցւածքներում, Հայաստանի գրաւչութեան ամրապնդում եւ այլն: Այսպիսի իրողութիւններ է տեսել ՀՅԴ-ն 2018 թւականի բիւջէի նախագծում։ Կուզէի, որ դուք էլ կամաց-կամաց սկսէիք այդպէս մտածել, բայց դա անյոյս ցանկութիւն է»,- ասաց պատգամաւորը։

Դիտարկմանը`ընդդիմութիւնը նշում է, որ կառավարութիւնը ձախողել է, ի՞նչ խղճով է ՀՅԴ-ն կողմ այս բիւջէի նախագծին, Վարդանեանը պատասխանեց. «ՀՅԴ-ի խիղճը կտրուկ տարբերւում է միւսների խղճից»:

Նա յիշեցրեց, որ անհրաժեշտ է նայել, թէ ինչպէս են այդ նոյն ուժերը քւէարկել նախորդ կառավարութիւնների ներկայացրած բիւջէների նախագծերին, այն դէպքում, երբ նրանք լիովին ձախողել էին:

«Ընդդիմությունը երբեմն պէտք է լինի մոլի։ Նրանց գործն է քննադատել, չտեսնելու տալ ռէալ փաստերը։ Այստեղ թւեր ու փաստեր կան: Տեսէք, թէ նախորդ տարի ինչպէս են քւէարկել այդ նոյն ուժերը: Օրինակ` 2016 թւականին տնտեսական աճը 0.2 տոկոս էր, այս տարւայ համար նախատեսւել է 3.2 տոկոս, իսկ եկող տարի նախատեսւում է 3.5 տոկոս»,- նշեց պատգամաւորը:

Յարակից լուրեր

  • Աղասի Ենոքեան. «Իշխանութիւնները մեդիայի դէմ պայքարում անցել են «պարտիզանական պատերազմի»
    Աղասի Ենոքեան. «Իշխանութիւնները մեդիայի դէմ պայքարում անցել են «պարտիզանական պատերազմի»

    Տարւայ սկզբին իշխանութիւնների կողմից մամուլի դէմ յայտարարւած պատերազմի շրջանակներում ճակատային յարձակումների մի քանի փորձերից յետոյ իշխանութիւններն անցել են պարտիզանական պատերազմի մարտավարութեանը։ Այս մասին յայտարարութիւն է տարածել «Մեդիա պաշտպան» նախաձեռնութեան ղեկավար Աղասի Ենոքեանը:

  • Արցախը պէտք է լինի բանակցութիւնների ուղղակի եւ լիիրաւ կողմ
    Արցախը պէտք է լինի բանակցութիւնների ուղղակի եւ լիիրաւ կողմ

    «Factor.am»-ի հարցազրոյցը Արցախի ԱԺ ՀՅԴ խմբակցութեան ղեկավար Արմէն Սարգսեանի հետ:

  • Մեր քաղաքում առաջնահերթութեան կարգով բազում խնդիրներ կան
    Մեր քաղաքում առաջնահերթութեան կարգով բազում խնդիրներ կան

    Ինչպէս յայտնի է, Օպերայի յարակից տարածքի ապամոնտաժւող սրճարաններից երկուսը ՀՅԴ-ականներինն է: Մասնաւորապէս, սրճարաններից մէկը պատկանում է ԱԺ նախկին պատգամաւոր դաշնակցական Միքայէլ Մանուկեանին, որ Երեւանի աւագանու արտահերթ ընտրութիւններում գլխաւորում էր ՀՅԴ համամասնական ցուցակը: Սակայն «Ժողովուրդ» օրաթերթին յայտնի դարձաւ, որ վերջինիս պատկանող սրճարանը դեռ չի ապամոնտաժւելու, որովհետեւ սրճարանի հետ կապւած գործը դատարանում է:

  • Հրայր Մարուխեանի ծննդեան 90-ամեակ եւ մահուան 20-ամեակ
    Հրայր Մարուխեանի ծննդեան 90-ամեակ եւ մահուան 20-ամեակ

    Կազմակերպութեամբ ՀՅԴ «Հրայր Մարուխեան» կոմիտէին, երէկ` երկուշաբթի, 11 մարտ 2019-ին, երեկոյեան ժամը 8:30-ին, Ազգային Եղիշէ Մանուկեան քոլեճի «Սիրան Մանուկեան» սրահին մէջ տեղի ունեցաւ ՀՅ Դաշնակցութեան պատմութեան մէջ իր ներկայութեամբ, դերակատարութեամբ եւ ղեկավարի ուրոյն յատկութիւններով իւրայատուկ դրոշմ ձգած Հրայր Մարուխեանի ծննդեան 90-ամեակին եւ մահուան 20-ամեակին նուիրուած ձեռնարկ:

  • Հպա՛րտ ենք
    Հպա՛րտ ենք

    Մեզի հարց կը տրուի վերջերս, թէ արդեօ՞ք հպարտ ենք այն իրողութեամբ, որ մեր կուսակցութիւնը մաս կազմած է նախ. Քոչարեանի եւ նախ. Սարգսեանի գլխաւորած կառավարութեանց։ Արդեօ՞ք «մեղաւոր» կ՚ըզգանք այդ փաստին համար։ Արդեօ՞ք պատրաստ ենք զղջում յայտարարելու մեր անցեալի քաղաքական որոշումներուն համար՝ բաժին վերցուցած ըլլալով, այս երկու նախագահներու օրով, մեր անկախ պետականութեան կառուցման գործին մէջ։

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։