Հա

Ազգային

13/12/2017

Կիրօ Մանոյեան. «Վճարողը մենք ենք եղել, դրա համար անհրաժեշտ է, որ զգօն լինենք»

«Թրամփի կեցւածքի մէջ կայ հակասականութիւն, ինչը՝ զարմանալի չէ։ Հակասականութիւնն այն է, որ այս ձեւով են փորձում նպաստել խաղաղութեան հաստատմանը։ Երկու-երեք կէտ կայ, որ պէտք է ոչ ուղղակիօրէն վերցնենք իր ասածից, այլ ընդհանուր մօտեցումը նկատի ունենանք»,- «Առաջին լրատւական»-ի հետ զրոյցում ասաց ՀՅԴ Բիւրոյի անդամ, ՀՅԴ Բիւրոյի Հայ Դատի եւ քաղաքական հարցերի գրասենեակի պատասխանատու Կիրօ Մանոյեանը։

«alikonline.ir» - «Թրամփի կեցւածքի մէջ կայ հակասականութիւն, ինչը՝ զարմանալի չէ։ Հակասականութիւնն այն է, որ այս ձեւով են փորձում նպաստել խաղաղութեան հաստատմանը։ Երկու-երեք կէտ կայ, որ պէտք է ոչ ուղղակիօրէն վերցնենք իր ասածից, այլ ընդհանուր մօտեցումը նկատի ունենանք»,- «Առաջին լրատւական»-ի հետ զրոյցում ասաց ՀՅԴ Բիւրոյի անդամ, ՀՅԴ Բիւրոյի Հայ Դատի եւ քաղաքական հարցերի գրասենեակի պատասխանատու Կիրօ Մանոյեանը։

Ըստ նրա՝ ուշագրաւ է այն հանգամանքը, որ Թրամփը նշում է, որ 20 տարուց աւելի նոյն բանաձեւով հնարաւոր չէ տեղ հասնել։ «Ուրեմն իրավիճակի մէջ փոփոխութիւն մտցնելու համար այս քայլին է գնում։ Երկրորդ, ասում է՝ ամերիկեան արտաքին քաղաքականութիւնը հիմնւած է սկզբունքային իրատեսութեան վրայ։ Այսինքն՝ ինչ-որ սկզբունքներ կան, բայց կայ նաեւ իրատեսութեան հարց։ Խօսքն այս դէպքում Երուսաղեմին չի վերաբերում, բայց Արցախի հարցով մենք պէտք է բարձրաձայնենք՝ չի կարելի, որ այսքան տարի Արցախի հարցում բանակցութիւններ լինեն, Ադրբեջանը համառի, պատանդ պահի բանակցութիւնները, իսկ միջազգային համայնքն այդ ուղղութեամբ քայլեր չձեռնարկի՝ այնպէս, ինչպէս Կոսովոյի հարցում»,- ասաց Մանոյեանը։

Մեր այն դիտարկմանը, որ վերջին շրջանում Ղարաբաղեան հակամարտութեան կարգաւորման մէջ փորձեր է անում ներգրաււել նաեւ Թուրքիան, Կիրօ Մանոյեանն արձագանգեց. «Թուրքիան միշտ փորձել է ներգրաււել, բայց եթէ փոփոխութիւն կայ ինչ-որ մէկի կեցւածքի մէջ՝ ես կասէի Ռուսաստանի, որ, այսպէս ասած, «տոն չի տւել» Թուրքիայի ասածներին։ Եթէ սրանից առաջ եղել է, որ Ռուսաստանն ասել է, որ կարելի է նաեւ ձեր հետ քննարկել, հիմա այդպէս չի ասում։ Բայց Թուրքիա-Ռուսաստան մերձեցումը մեզ համար պէտք է զգօնութեան ազդանշան լինի, այժմ խիստ մտահոգւելու պատճառ չունենք, բայց եթէ յարաբերութիւններն այսպէս զարգանան ու, ի վերջոյ, դառնան ռազմաքաղաքական դաշնակցային՝ դա կը դառնայ նաեւ մտահոգիչ մեզ համար»։

Արդեօք այդ դէպքում պէտք է վերանայենք նաեւ հայ-ռուսական յարաբերութիւնները, հարցին ի պատասխան, Մանոյեանն ասաց. «Նայած թէ Ռուսաստանը ինչ կեցւածք կունենայ։ Մենք պէտք է զգօն լինենք, յաճախ ասում են՝ պատմութիւնը կրկնւում է։ Ես շատ հակւած չեմ մտածել, որ նոյնութեամբ ամէն ինչ կրկնւում է, բայց գոնէ պատմական փորձը ցոյց է տալիս, որ երբ Ռուաստանն ու Թուրքիան սերտ յարաբերութիւններ են ունենում՝ վճարողը մենք ենք եղել, դրա համար անհրաժեշտ է, որ զգօն լինենք։ Զգօն լինել՝ չի նշանակում Ռուսաստանի փեշերից քաշել, այլ մենք պէտք է հնարաւորինս կարողանանք մեր սեփական ոտքերի վրայ կանգնելով մեր հարցերը լուծել»,- ընդգծեց նա։

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։