Հա

Ազգային

10/01/2018 - 11:00

«Յուզւած եմ ձեր ուժից». Նատալինին այցելեց Ծիծեռնակաբերդ

Հայաստանում է Բրազիլիայի «Կանաչների» կուսակցութիւնը ներկայացնող, Երեւանի քոյր-քաղաք Սան Պաուլոյի աւագանու անդամ Ջիլբերտօ Տոնոս Նատալինին: Նրան ուղեկցում է Բրազիլիայի Հայ Դատի յանձնախմբի նախագահ Գէորգ Զատիկեանը:

«alikonline.ir» - Հայաստանում է Բրազիլիայի «Կանաչների» կուսակցութիւնը ներկայացնող, Երեւանի քոյր-քաղաք Սան Պաուլոյի աւագանու անդամ Ջիլբերտօ Տոնոս Նատալինին: Նրան ուղեկցում է Բրազիլիայի Հայ Դատի յանձնախմբի նախագահ Գէորգ Զատիկեանը:

Տեղեկացնենք, որ Նատալինին ակտիւ գործունէութիւն է ծաւալում Հայ Դատի աշխատանքների ուղղութեամբ: Նա պաշտպանում է նաեւ Արցախի ինքնորոշման իրաւունքը:

Նատալինին յունւարի 7-ից Հայաստանում է ՀՅԴ հրաւէրով եւ կը վերադառնայ Բրազիլիա յունւարի 10-ին: Նշենք նաեւ, որ նա այս տարի կը մասնակցի Բրազիլիայի խորհրդարանական ընտրութիւններին:

Նատալինին երէկ հանդիպում է ունեցել Երեւանի քաղաքապետ Տարոն Մարգարեանի հետ: «yerkir.am»-ի հետ զրոյցում նա յայտնել է` քանի որ Երեւանն ու Սան Պաուլոն քոյր-քաղաքներ են, մի շարք համաձայնութիւններ են ձեռք բերւել Երեւանի քաղաքապետ Տարոն Մարգարեանի հետ: «Քաղաքապետի հետ խօսւեց երկու քաղաքների փոխաշխատանքների մասին: Մինչեւ անգամ պայմանաւորւածութիւն ձեռք բերւեց, որ Սան Պաուլոյի քաղաքապետը այցելի Երեւան` քաղաքի 2800-ամեակին մասնակցելու»,- ասաց Նատալինին:

Նա նշեց, որ քաղաքապետի հետ հանդիպման ժամանակ թէեւ խօսւել է տարբեր թեմաների մասին, բայց ամենակարեւորն այն է, որ աւելի մօտեցնեն Սան Պաուլոն Երեւանի, ինչու ոչ` նաեւ Արցախի հետ, ընդ որում` ոչ միայն մշակութային մասով, այլ նաեւ` քաղաքական:

Նատալինին «yerkir.am»-ի հետ զրոյցում յայտնեց նաեւ, որ հանդիպումներ է ունեցել մի քանի հայ պատգամաւորների հետ:

Յունւարի 9-ին Նատալին այցելել է Հայոց Ցեղասպանութեան յուշահամալիր եւ յարգանքի տուրք մատուցել  անմեղ զոհերի յիշատակին, այցելել նաեւ Ցեղասպանութեան թանգարան: «Շատ յուզւած եմ: Ես ծանօթ եմ ձեր պատմութեանը եւ հիմա շատ յուզւած եմ, որ կարողացայ անմեղ զոհերի յիշատակի դամբարանի մօտ ծաղիկներ դնել»,- ասաց նա:

Բրազիլացու խօսքով` իրեն ամէնից շատ յուզել է այն, որ հայերը շատ են կարեւորութիւն տալիս իրենց արմատներին, անցեալին եւ ներկային: «Դուք կարեւորութիւն էք տալիս անցեալին` պաշտպանելով երկու կողմերը` մոդեռնը եւ արմատները: Այդ կերպ պատմութիւն եք կարողանում պաշտպանել, եւ ես յուզւած եմ ձեր այդ ուժից»,- շեշտեց նա:
Նատալինին նշեց, որ այն, ինչ տեսել է Սան Պաուլոյի հայ գաղութում, կարող է փաստել, որ այստեղ էլ հայերը նոյն մաքուր ազգն են: «Նոյն մաքուր, աշխատասէր ազգն էք. ինչ-որ կարծում էի, էք, այստեղ կարողացայ աւելի պարզօրէն նկատե եւ հաստատել»,- ասաց նա:

Նատալինին նաեւ տեղեկացրեց, որ յունւարի 5-7-ը եռօրեայ այցով եղել է Արցախում: «Շատ տպաւորւած եմ Արցախով: Այնտեղ հայերի հետ միասին նշեցի Սուրբ Ծնունդը, եղայ Շուշիում, Գանձասարում: Ուրախ եւ ոգեւորւած եմ Արցախում լինելուց յետոյ»,- ասաց նա:

Յարակից լուրեր

  • Զատուլին. «Երեւանի խօսքն ու գործը հակասում են իրար»
    Զատուլին. «Երեւանի խօսքն ու գործը հակասում են իրար»

    ՌԴ Պետդումայի պատգամաւոր Կոնստանտին Զատուլինը «TVNZ»-ի հետ զրոյցում անդրադարձել է ՀՀ-ում կատարւող իրադարձութիւններին: 

  • «Հայրենիքը ձեզ չի մոռանայ»
    «Հայրենիքը ձեզ չի մոռանայ»

    Հետեւելով Ազգային Ժողովի արտահերթ ընտրութիւններու արդիւնքին, մտաբերեցի մեր հանգուցեալ ընկերոջ՝ Վահան Յովհաննիսեանի խօսքերը։ Ամէն անգամ երբ իրականացնէինք աշխատանք մը, որ կը սատարէր Արցախի, Հայաստանի կամ Սփիւռքի տնտեսական վերելքին, պաշտպանական հզօրացման, քաղաքական-դիւանագիտական նուաճումին, Վահանը քնքուշ ժպիտով մը կ՚ըսէր, «Տղերք, հայրենիքը ձեզ չի մոռանայ»։

  • Առաջնորդ Սրբազան Հայրն այցելեց Հայ ակումբ
    Առաջնորդ Սրբազան Հայրն այցելեց Հայ ակումբ

    Շաբաթ, 8 դեկտեմբեր 2018-ի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեանն ընկերակցութեամբ Հայ ակումբի շինարարական եւ շտաբի ատենապետ՝ պրն. Նորայր Արամեանի, այցելեց Հայոց Ակումբ, վերահասու լինելու տարւող աշխատանքներին:

  • Մեկնարկել են ՀՀ ԱԺ արտահերթ ընտրութիւնները
    Մեկնարկել են ՀՀ ԱԺ արտահերթ ընտրութիւնները

    Հայաստանում, այսօր՝ դեկտեմբերի 9-ին, մեկնարկել են արտահերթ խորհրդարանական ընտրութիւնները:

  • Հայոց ազգային «Գոհար» դպրոցի աշակերտներն այցելեցին առաջնորդ Սրբազանին
    Հայոց ազգային «Գոհար» դպրոցի աշակերտներն այցելեցին առաջնորդ Սրբազանին

    Հինգշաբթի, թւականիս դեկտեմբերի 6-ին, հայոց ազգային «Գոհար» դպրոցի 12-րդ դասարանի աշակերտներն իրենց կրօնի ուսուցիչ՝ գերշ. Տ. Մեղրիկ Ս. եպս. Բարիքեանի հետ ներկայացան թեմիս առաջնորդ գերշ. Տ. Սեպուհ Ս. արք. Սարգսեանին:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։