Հա

Ազգային

15/02/2018

Գալու է այն օրը, երբ Իսրայէլը կը ճանաչի Հայոց Ցեղասպանութեան փաստը

Հայ Դատի Երուսաղէմի յանձնախմբի ատենապետ Յակոբ Սեւանը համոզւած է, որ Իսրայէլը ճանաչելու է Հայոց Ցեղասպանութեան փաստը: «Արմէնպրես»-ի հետ զրոյցում Յակոբ Սեւանն անդրադարձաւ փետրւարի 14-ին Կնեսետում Հայոց Ցեղասպանութեան օրը նշելու մասին օրինագծի քննարկմանը, որը ներկայացրել էր «Եշ Աթիդ» իսրայէլական ընդդիմադիր կուսակցութեան առաջնորդ Եայիր Լապիդը: Օրինագծին դէմ է քւէարկել 41, կողմ՝ 28 պատգամաւոր:

«alikonline.ir» - Հայ Դատի Երուսաղէմի յանձնախմբի ատենապետ Յակոբ Սեւանը համոզւած է, որ Իսրայէլը ճանաչելու է Հայոց Ցեղասպանութեան փաստը: «Արմէնպրես»-ի հետ զրոյցում Յակոբ Սեւանն անդրադարձաւ փետրւարի 14-ին Կնեսետում Հայոց Ցեղասպանութեան օրը նշելու մասին օրինագծի քննարկմանը, որը ներկայացրել էր «Եշ Աթիդ» իսրայէլական ընդդիմադիր կուսակցութեան առաջնորդ Եայիր Լապիդը: Օրինագծին դէմ է քւէարկել 41, կողմ՝ 28 պատգամաւոր:

«Օրինագիծը ներկայացւել էր ոչ մեր նախաձեռնութեամբ, ինչպէս մինչ այս, երբ մեր աշխատանքի արդիւնքում նման նախաձեռնութիւններով հանդէս էր գալիս ընդդիմադիր «Մեէրեց» կուսակցութիւնը: Նման օրինագիծ ներկայացնելու մասին մի քանի ամիս առաջ յայտարարել էր Եայիր Լապիդը՝ ինչ-որ առումով հաշւի առնելով իսրայէլա-թուրքական յարաբերութիւնների վատացման փաստը»,- ասաց Յակոբ Սեւանը: Նրա խօսքով՝ այժմ Իսրայէլում ներքաղաքական որոշ գործընթացներ են տեղի ունենում՝ կապւած վարչապետ Նեթանեահուի դէմ կոռուպցիոն մեղադրանքների հետ:

Ըստ Հայ Դատի Երուսաղէմի յանձնախմբի ատենապետի՝ այդ գործում որպէս վկայ հանդէս է գալիս հէնց «Եշ Աթիդ»-ի առաջնորդ Եայիր Լապիդը:

«Վերջին շրջանում մենք Հայոց Ցեղասպանութեան հարցի շուրջ նախաձեռնութիւններով հանդէս չենք գալիս՝ չցանկանալով շահարկել հայկական հարցը, հաշի առնելով նաեւ կոալիցիոն կառավարութեան եւ ընդդիմութեան միջեւ սուր պայքարը, քանի դեռ կառավարութիւնը չի յաղթահարել իր ժխտողական կեցւածքը: Միաժամանակ, վստահ ենք, որ գալու է այն օրը, երբ Իսրայէլը կը ճանաչի Հայոց Ցեղասպանութեան փաստը՝ հաշւի առնելով, որ հայ-իսրայէլական յարաբերութիւնները գնալով զարգանում են եւ ամրապնդւում, ու այլեւս սառնութիւն չկայ»,- ասաց Յակոբ Սեւանը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։