Հա

Ազգային

17/02/2018 - 11:20

Հին երգը նոր առիթով

Հայաստանում լրատւամիջոցներ կան, (էլեկտրոնային եւ ոչ էլեկտրոնային) որոնց, թէեւ «մասնագիտացած են» քաղաքական թեմաների գծով, իրենց բանսարկու, ստահոդ ու սադրիչ բնույթի համար այլ բան չես անւանի քան դեղին մամուլ: Այս օճառա-պղպջակային ոճի հրատարակութիւնները կրկին աշխուժացել են Դաշնակցութեան հասցէին ցեխարձակումների գործում: Պատճա՞ռը՝ շատ ակնյայտ է, առաջիկայ ամիսներին Հայաստանում տեղի է ունենալու պետական-իշխանական համակարգի արմատական փոփոխութիւն, որին էլ կը հետեւի նոր կառավարութեան ձեւաւորումը՝ արդէն առկայ կամ փոփոխւած կամ նոր ձեւաչափով:

ԱՐՏԱՇԷՍ ՇԱՀԲԱԶԵԱՆ

 

Հայաստանում լրատւամիջոցներ կան, (էլեկտրոնային եւ ոչ էլեկտրոնային) որոնց, թէեւ «մասնագիտացած են» քաղաքական թեմաների գծով, իրենց բանսարկու, ստահոդ ու սադրիչ բնույթի համար այլ բան չես անւանի քան դեղին մամուլ: Այս օճառա-պղպջակային ոճի հրատարակութիւնները կրկին աշխուժացել են Դաշնակցութեան հասցէին ցեխարձակումների գործում: Պատճա՞ռը՝ շատ ակնյայտ է, առաջիկայ ամիսներին Հայաստանում տեղի է ունենալու պետական-իշխանական համակարգի արմատական փոփոխութիւն, որին էլ կը հետեւի նոր կառավարութեան ձեւաւորումը՝ արդէն առկայ կամ փոփոխւած կամ նոր ձեւաչափով: Ուրեմն այս դեղին մամուլը կամ նրա տերերն ու պատւէր իջեցնողները «մեծ իրադարձութիւնների» նախօրեակին «լուրջ» խնդիր են դրել իրենց առջեւ՝ ցոյց տալ Դաշնակցութեանն իր տեղը, սեպ խրել գործող կոալիցիոն գործընկերութեան արանքում, Դաշնակցութեանը ներկայացնել որպէս անյուսալի, թիկունքից հարւածելու ընդունակ ուժի:

Նպատա՞կը՝ գուցէ յաջողւի փչացնել կոալիցիա կազմած ուժերի յարաբերութիւնները, հասնել նրան, որ կառավարման ոլորտում Դաշնակցութեան մասնակցութիւնը սահմանափակւի կամ ընդհանրապէս բացառւի բարձրագոյն իշխանութեան մէջ ներկայութիւնը եւ… եւ երջանկանալ դրանով: Ով գիտէ, գուցէ յաջողւի նաեւ նրանց տեղը գրաւել՝ յայտնի ճշմարտութիւն է, որ սուրբ տեղը դատարկ չի մնում:

Մարդիկ, ինչպէս տեսնում ենք, «վեհ» նպատակ են դրել իրենց առջեւ եւ յանուն դրա պատրաստ են ամէն ինչի: Միայն լաւ կը լինէր մի փոքր թարմացնէին իրենց մտքի ու ասելիքի զինանոցը:

Չէ որ նրանք, ովքեր քիչ թէ շատ հետեւում են լրատւամիջոցների եւ, որոշակի տեսանկիւնից, մեծ լւացքատուն յիշեցնող սոցցանցերի ընթացքին, վաղուց գիտեն, որ Դաշնակցութիւնը, անկախ նրանից, թէ որ դաշտում է գործում, միշտ ընդգծել է, որպէս քաղաքական առանձին ուժի իր ինքնուրոյնութիւնը: Ամենակոշտ ընդդիմութիւն եղած ժամանակ անգամ Դաշնակցութիւնն այնպէս չի «խփել» իշխանութիւններին, որ հարւածը դիպչի պետութեանը եւ իշխանութիւն եղած ժամանակ չի խուսափել ասելուց, որ այս կամ այն հարցում իր կարծիքը տարբեր է, կամ թէ դժգոհ է այս կամ այն քայլից ու նախաձեռնութիւնից, եթէ անգամ դրա հեղինակը իշխանութիւնն է կամ իր այլ գործընկերը: Ընդ որում ինչ որ ասել ու արել է դրսեւորել է միայն բաց ձեւով, ոչ մէկին անակնկալի չի բերել եւ մանաւանդ թիկունքից չի հարւածել: Այս գործելաձեւի շնորհիւ էլ շատերի պէս եօթ կաշի չի փոխել, անկախութեան գրեթէ երեք տասնամեակի ընթացքում աջից-ձախ, գլխիվայր եւ այլ ցատկեր չի կատարել: Այդ իսկ պատճառով նա եղել է միշտ կանխատեսելի եւ նոյն այդ պատճառով յարգանք է վայելել, թէ՛ գործընկերների, թէ՛ նոյնիսկ օտար հակառակորդների ու անգամ թշնամիների մօտ:

Հիմա, հին սազն առած, մեր «դեղնամորթները» նորից սկսել են.«Արմէն Ռուստամեանն ասաց թէ ռէյտինգայինին դէմ ենք, Երեւանի քաղաքային կոմիտէն դատապարտեց, բա իրենց ներքի՞ն հարցերը… ուրեմն, սա վերջնագիր է, սա պահանջագիր է, ամէն ինչ վերջացած է…»:

Առաջարկում եմ նայել ոչ թէ մէկ-երկու, այլ երեք-չորս ամիս առաջւայ Դաշնակցության դիրքորոշումներն ու արտայայտութիւնները տարբեր հարցերի վերաբերեալ, աւելի յետ գնալ՝ ամիսներ եւ տարիներ, մի՞թէ նոյն բանը չենք տեսնի: Այդ ե՞րբ Դաշնակցութիւնը ինքնուրոյն կարծիքներ չի ասել, որոնք կարող էին տարբեր լինել, կամ ե՞րբ չի քննադատել ու անգամ իշխանութիւնների առջեւ պահանջներ չի ներկայացրել, երբ երկրում ոչ արդիւնաւէտ, արտառոց, հակահասարակական ու հակաօրինական գործընթացներ ու դէպքեր են տեղի ունեցել:

Իսկ ընդհանրապէս համախոհութիւնը չի նշանակում միագոյնութիւն, կամ միաձայնութիւն, ինչը ի դէպ, հետեւում է Դաշնակցութեանը տարբերւող խօսքի վրայ «բռնեցնողների» աղմուկից, որն անկասկած արվււմ է ժողովրդավարութեան անունից, իրականում աղճատելով ժողովրդավարութեան եւ բազմակարծութեան ըմբռնումն ու տառը:

Վերջում յայտնեմ ափսոսանքս նրա համար, որ մեր «դեղնամորթները» դարձեալ ոչնչի չեն հասնելու եւ աւելի շատ նրա համար, որ «մեր» դեղնամորթները», ծանօթ ուրիշ «դեղնամորթների» համեմատ, այսքան «կարճահասակ» էլ մնացին:

«arfd.am»

Յարակից լուրեր

  • Բոլոր պատմւածքների կենտրոնում մարդն է. կայացաւ Արտաշէս Շահբազեանի «Ես կը գնամ» գրքի շնորհանդէսը
    Բոլոր պատմւածքների կենտրոնում մարդն է. կայացաւ Արտաշէս Շահբազեանի «Ես կը գնամ» գրքի շնորհանդէսը

    Լոյս է տեսել ՀՅԴ «Դրօշակ» պաշտօնաթերթի խմբագիր, ՀՅԴ ցուցակով պատգամաւորի թեկնածու Արտաշէս Շահբազեանի «Ես կը գնամ» գիրքը: Գրքում ամփոփւած են հեղինակի պատմւածքներն ու երկու պիէս: Պատմւածքները հիմնականում գրական մամուլում են տպագրւել` «Նորք»-ում, «Անդին»-ում, «Գրական թերթ»-ում, «Դրամատուրգիա» ամսագրում:

  • Դաշնակցութիւնը իր գործին խստագոյն քննադատն է
    Դաշնակցութիւնը իր գործին խստագոյն քննադատն է

    Դիմատետրի էջիս տեղադրած «ԻՆՉՈ՞Ւ ՉԻ ԳԱՐ ՅԵՂԱՓՈԽՈՒԹԻՒՆԸ» յօդուածիս առիթով երէց ընկերս Կարօ Արմէնեան կատարած է սքանչելի նկատողութիւն, որուն ճշմարտութիւնը, հարազատութիւնը եւ իմաստութիւնը թարգմանն է իւրաքանչիւր Դաշնակցականի գաղափարական բծախնդրութեան։

  • Յանուն եւ ոչ ընդդէմ
    Յանուն եւ ոչ ընդդէմ

    Այն ինչ այս օրերին տեղի է ունենում Հայաստանի ներքաղաքական կեանքում լուրջ մտահոգութիւնների տեղիք պէտք է տայ՝ պետական շահի տեսանկիւնից: Պետական համակարգը, բոլոր պարագաներում, որոշակի տրամաբանութեամբ գործող կառոյց է եւ այն ցնցումների ենթարկելը կամ կաւէ թաց առարկայի պէս ձեւափոխելու փորձերը կարող են երկիրը երկարատեւ քաոսի մէջ նետել, ինչը մեծ շռայլութիւն կը լինի մեր պէս հիմնախնդիրներ ունեցող երկրի համար:

  • Մի յեղափոխութեան պատմութիւն
    Մի յեղափոխութեան պատմութիւն

    Արտաշէս Շահբազեանն իր ֆէյսբուքեան էջում գրել է. «1917 թւականին Ռուսաստանում տեղի ունեցաւ բոլշեւիկների յեղափոխութիւնը: Բոլշեւիկներն այդ ժամանակ երկրում փոքրամասնութիւն էին, 140 միլիոն բնակչութեան մէջ մօտ 30.000, բայց յաղթեցին եւ յայտարարեցին, որ այսուհետ իշխանութիւնը պատկանում է ժողովրդին: Գլխաւոր լոզունգն էր «Ամբողջ իշխանութիւնը բանւորագիւղացիական խորհուրդներին»:

  • Այսօր Վահան Յովհաննիսեանի կարիքը կայ, եւ դա զգալի է նաեւ բարոյական առումով
    Այսօր Վահան Յովհաննիսեանի կարիքը կայ, եւ դա զգալի է նաեւ բարոյական առումով

    «Այսօր, իսկապէս, Վահան Յովհաննիսեանի կարիքը կայ, եւ դա զգալի է նաեւ բարոյական առումով: Այս դաշտը, որ ունենք այսօր, շատ է շեղւում իր բարոյական չափանիշներից, եւ Վահան Յովհաննիսեանի պէս մարդն այսօր շատ պէտք էր մեր կողքին»,- «yerkir.am»-ի հետ զրոյցում անկեղծացաւ Վահան Յովհաննիսեանի կուսակից ընկեր Արտաշէս Շահբազեանը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։