Հա

Ազգային

17/02/2018 - 08:50

Վիգէն Յովսէփեան. «ԱՄՆ հետախուզութեան զեկոյցի ամենամեծ բացթողումն այն է, որ դրանում բացակայում է իրականութիւնը, որ խաղաղութիւն խախտողն Ադրբեջանն է»

Քաղաքագիտութեան ամերիկահայ դոկտոր Վիգէն Յովսէփեանի խօսքով՝ ԱՄՆ-ի Ազգային հետախուզութեան տնօրէն Դենիէլ Քոութսի հրապարակածը հերթական զեկոյց է, որ պարբերաբար այդ պաշտօնի վրայ գտնւող մարդիկ յղում են զանազան մարմինների եւ հանրային ցանցերի:

«alikonline.ir» - Քաղաքագիտութան ամերիկահայ դոկտոր Վիգէն Յովսէփեանի խօսքով՝ ԱՄՆ-ի Ազգային հետախուզութեան տնօրէն Դենիէլ Քոութսի հրապարակածը հերթական զեկոյց է, որ պարբերաբար այդ պաշտօնի վրայ գտնւող մարդիկ յղում են զանազան մարմինների եւ հանրային ցանցերի:

Քաղաքագէտը «tert.am»-ի հետ զրոյցում նկատեց՝ այդ զեկոյցների պաշտօնական եւ մասնակի տարբերակներ յաւելեալ մանրամասնութիւն են ընդգրկում եւ «խիստ գաղտնի» որակման տակ հանրութեան սեփականութիւնը չեն դառնում:

«Զեկոյցում հրապարակւած այն բաժինը, որը վերաբերում է Արցախեան հակամարտութեանը, իր մեջ նոր կամ զգայացունց ոչինչ չի պարունակում: ԱՄՆ ներկայացուցիչները (եւ ոչ միայն) միշտ էլ շեշտել են, որ վերջնական եւ ամբողջական համաձայնութեան պայմաններում միշտ առկայ է ռազմական բախումների հաւանականութիւնը: Սա արդէն նոր գիւտ չէ»,- ասաց նա:

Սակայն, ըստ Վիգէն Յովսէեանի, Քոութսի ներկայացրածի մէջ, այնուամենայնիւ, մտահոգող եւ ոչ ճիշտ բաներ կային:

«Մտահոգիչ եւ ոչ ճիշտ է պարոն Քոութսի ներկայացրածի մէջ այն շեշտը, որը դրւում է Հայաստանի վրայ՝ որպէս հակամարտող կողմ: Մինչ հայկական կողմը միշտ էլ, նախ եւ առաջ, պէտք է դիտւի Արցախեան Հանրապետութիւնը, իսկ Հայաստանի Հանրապետութիւնը պէտք է ներկայացւի որպէս զօրակցող կողմ»,- ասաց նա:

Յիշեցնենք, որ ԱՄՆ Ազգային հետախուզութեան տնօրէն Դենիէլ Քոութսը հրապարակել էր «Համաշխարհային սպառնալիքների գնահատականը» խորագրով զեկոյցը, որում ներկայացւել էին ԱՄՆ ազգային անվտանգութեանը սպառնացող վտանգների 2018 թւականի գնահատումները: Զեկոյցում Քոութսն անդրադարձել է նաեւ Լեռնային Ղարաբաղի հակամարտութեանն ու տարածաշրջանային սպառնալիքներին:

«Լեռնային Ղարաբաղի շուրջ տիրող լարւածութիւնը կարող է յանգեցնել Հայաստանի եւ Ադրբեջանի միջեւ լայնամասշտաբ ռազմական հակամարտութեան, որին կարող է ներգրաււել Ռուսաստանն իր տարածաշրջանային դաշնակցին աջակցելու համար»,- ասւում էր ԱՄՆ հետախուզութեան զեկոյցում:

Ամերիկահայ քաղաքագէտը նաեւ նկատեց, որ այնտեղ կայ խօսք հայկական կողմին ռուսական զէնք հասցնելու մասին, բայց այնտեղ չկայ ոչ մի հասցէագրում Ադրբեջանին հասնող թուրքական, ամերիկեան եւ, անշուշտ, ռուսական զէնքի մասին:

«Գուցէ ամենամեծ բացթողումն այն է, որ զեկոյցի մէջ բացակայում է այն իրականութիւնը, որ վերջին տարիներին խաղաղութիւն խախտողը նոյն ինքը Ադրբեջանն է: Այս փաստն ամերիկացի պաշտօնեաներն ընդունում են մասնաւոր, ոչ պաշտօնական զրոյցների ժամանակ, բայց պաշտօնական ելոյթների ժամանակ երբեք չեն անդրադառնում Ադրբեջանի ռազմատենչ քաղաքականութեանը»,- շեշտեց Յովսէփեանը:

Զեկոյցում նաեւ ներկայացւած էր, որ Ռուսաստանը ճնշում կը գործադրի Կենտրոնական Ասիայի առաջնորդների վրայ՝ նւազեցնելու Վաշինգտոնի հետ յարաբերութիւնների խորացումը: Դիտարկմանը՝ արդեօք ԱՄՆ-ը հիմա ընդհանրապէս չի մտածում Հայաստանն իր ազդեցութեան գօտին վերածելու մասին, Վիգէն Յովսէփեանը պատասխանեց․

«ԱՄՆ-ը կովկասեան թատերաբեմի գծով երկար տարիներ բաւական իրատեսական վարքագիծ է որդեգրել, այն իմաստով, որ ընդունել է՝ այստեղ չի կարելի կարճ շնչով գործել եւ բախումի գնալ Ռուսաստանի հետ: ԱՄՆ-ը ընդունել է, որ այստեղ ռուսական շահերն այնքան խորն են եւ անմիջական, որ այդ թատերաբեմի վրայ ուղղակի առճակատման գնալն իմաստ չունի: Փոխարէնը պարզ է, որ ընտրւած է երկարաժամկէտ, ընկերամշակութային եւ «մաշեցնող» մրցակցութիւն, մինչեւ այստեղ պայմաններն աւելի ձեռնտու կը լինեն ուղղակի ազդեցութեան համար: Առայժմ երրորդ կողմերի, ոչ կառավարական միաւորների, մշակութային եւ ընկերային ազդեցութիւնների ճանապարհով աւելի խուլ եւ անուղղակի պայքար է՝ ընթացքի մէջ»,- ասաց նա:

Յարակից լուրեր

  • Ստեփան Դանիէլեան. «Ադրբեջանի նետած մարտահրաւէրը. սա արդէն փոխում է Արցախի խնդրի տրամաբանութիւնը»
    Ստեփան Դանիէլեան. «Ադրբեջանի նետած մարտահրաւէրը. սա արդէն փոխում է Արցախի խնդրի տրամաբանութիւնը»

    Ալիեւը Ադրբեջանի իշխող կուսակցութեան համագումարում յայտարարել է, որ «Մենք չպէտք է մոռանանք մեր պատմական հողերի մասին։ Այս մասին ֆէյսբուքեան իր էջում գրել է քաղաքական վերլուծաբան Ստեփան Դանիէլեանը:

  • Բերնի Սանդերսը կրկին կառաջադրի թեկնածութիւնը նախագահական ԱՄՆ ընտրութիւններին
    Բերնի Սանդերսը կրկին կառաջադրի թեկնածութիւնը նախագահական ԱՄՆ ընտրութիւններին

    ԱՄՆ Վերմոնտ նահանգի սենատոր Բերնի Սանդերսը տեսաուղերձ է ձայնագրել, որում յայտարարել է 2020 թւականի նախագահական ընտրութիւններին առաջադրւելու մտադրութեան մասին: Տեղեկացնում «Tert.am»-ը՝ ռուսական ՏԱԱՍ-ին յղումով:

  • Հայաստան սփիւռք յարաբերութիւնների հոլովոյթը
    Հայաստան սփիւռք յարաբերութիւնների հոլովոյթը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետևում անգտանելի մի աշխարհի որի կարօտը միշտ զգում էինք և ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած և կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

  • Հայաստան-Սփիւռք յարաբերութիւնների հոլովութը
    Հայաստան-Սփիւռք յարաբերութիւնների հոլովութը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետեւում անգտանելի մի աշխարհի, որի կարօտը միշտ զգում էինք եւ ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած եւ կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

  • Արցախը Հայաստանի անվտանգութեան թիկունքն է
    Արցախը Հայաստանի անվտանգութեան թիկունքն է

    Ինչպէս Սօս Սարգսեան ըսած է, «Ձեզի համար Ղարաբաղը հողատարածք է, մեզի համար հայրենիք է»: Պատմական ճշմարտութիւն եւ քաղաքական տրամաբանութիւն կայ այս հաստատումին մէջ։

    Եւ կայ աւելին։ Արցախի պահպանումը աշխարհաքաղաքական պարտադրանք է ու հայրենիքի անվտանգութեան ճիշդ ռազմավարութեան հրամայականն է։ 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։