Հա

Ազգային

06/03/2018 - 14:10

Քաղաքական համակարգում կատարւել են լրջագոյն փոփոխութիւններ

ՀՅԴ Բիւրոյի քաղաքական ներկայացուցիչ, ՀՅԴ խորհրդարանական խմբակցութեան ղեկավար Արմէն Ռուստամեանը հարցազրոյց է տւել «Հայոց Աշխարհ» օրաթերթին:

«alikonline.ir» - ՀՅԴ Բիւրոյի քաղաքական ներկայացուցիչ, ՀՅԴ խորհրդարանական խմբակցութեան ղեկավար Արմէն Ռուստամեանը հարցազրոյց է տւել «Հայոց Աշխարհ» օրաթերթին:

 

- Ինչո՞ւ փոխւեց վարչապետի ընտրութեան օրը՝ մայիսի 2-ից տեղափոխւելով ապրիլի 17: Եւ կոալիցիայում ե՞րբ կը սկսւեն վարչապետի թեկնածուի շուրջ քննարկումները:

- Ժամկէտների փոփոխութիւնը պայմանաւորւած է սահմանադրութեամբ, պարզապէս համապատասխանեցւել է սահմանադրութեան տրամաբանութեանը: Որեւէ անակնկալ չկայ: Վարչապետը պէտք է ընտրւի այն ժամկէտների մէջ, որը նախատեսում է երկրի հիմնական օրէնքը: Մայիսի 2-ին արդէն ուշ կը լինէր:

Կարծում եմ, վարչապետի թեկնածութեան շուրջ կոալիցիայում առաջին քննարկումները տեղի կունենան մինչեւ ապրիլի 9-ը: Այդ օրւանից ամբողջութեամբ կը սկսի գործել խորհրդարանական համակարգը, եւ վարչապետի ընտրութեան հարցը, բնականաբար, ապրիլի 9-ից յետոյ է առաջանալու:

Այսինքն՝ մինչեւ նոր նախագահն իր պաշտօնը չստանձնի, դա չի լինի, քանի որ նոր նախագահը սահմանադրութեամբ նախատեսւած գործառոյթներն ունի, պէտք է մասնակցի վարչապետի ընտրութեան գործընթացին:

 

- Իսկ մինչ ապրիլի 9-ը, նախքան կոալիցիոն քննարկումները, Դաշնակցութիւնը կիմանա՞յ վարչապետի թեկնածուի անունը:

- Ներքին կարգով՝ այո:

 

- Սերժ Սարգսեանի թեկնածութիւնից բացի պատրա՞ստ էք վարչապետի այլ թեկնածութիւններ եւս քննարկել, թէ՞ ձեզ համար շրջանառւող անուններից նախընտրելին միայն գործող նախագահի թեկնածութիւնն է:

- Մենք պատրաստ ենք քննարկել ցանկացած թեկնածուի անուն, որը կառաջադրի Հանրապետական կուսակցութիւնը: Քանի որ այդ հարցը գտնւում է հանրապետականների որոշման դաշտում, մենք իրենց հետ չենք քննարկելու, թէ ո՞ւմ են առաջադրելու, իրենք իրենց մէջ պէտք է կատարեն այդ քննարկումը, որոշեն ու առաջադրեն:

Այդ իրաւունքը լիարժէքօրէն իրենց է վերապահւած, դա ամրագրւած է նաեւ մեր կոալիցիոն յուշագրով։ Մենք չենք պատրաստւում շեղւել մեր ձեռք բերած նախնական պայմանաւորւածութիւններից: Մեր կողմից պարկեշտ ու ճիշտ կը լինի, եթէ ՀՀԿ-ի կողմից առաջադրումից յետոյ միայն Դաշնակցութիւնն իր խօսքն ասի:

Ի տարբերութիւն մնացած ուժերի ու գործիչների, երբ Դաշնակցութիւնը գնում էր սահմանադրական փոփոխութիւնների, մենք դրանք չէինք պայմանաւորել որեւէ անձով: Բազմիցս ասել ու չենք բացառել, աւելին՝ հնարաւոր ենք համարել, որ Սերժ Սարգսեանը հաւակնի վարչապետի պաշտօնին:

Բայց դա չէ մեզ համար գլխաւորը, այլ այն, որ համակարգն այնպիսի փոփոխութեան է ենթարկւում, որ նոր վարչապետը չի ունենալու այն լիազօրութիւնները, որոնք ունի ներկայիս գործող նախագահը: Եւ սա էական փոփոխութիւն է Հայաստանի համար: Կարծում եմ, մեր ընթացքը սխալ տեղ կը տաներ մեզ, եթէ կատարւած փոփոխութիւնները անձերով պայմանաւորէինք:

Մենք այնպէս ենք արել, որ այս համակարգը զսպի ամէն մի անձի, որպէսզի նա չկարողանայ այնքան լիազօրութիւններ ունենալ, որ ամբողջ իշխանութիւնը կենտրոնացնի իր ձեռքում:
Սա մենք երաշխաւորում ենք այս համակարգային փոփոխութիւններով:

Մեզ համար անընդունելի էին նախկին համակարգում ամրագրւած նախագահի լիազօրութիւնները: Նոր համակարգով տեղի է ունեցել լիազօրութիւնների բաշխում, ապակենտրոնացում: Դրանց մի զգալի մասն անցել է խորհրդարանին, միւս մասը՝ կառավարութեանն ու վարչապետին, մի զգալի մասն անցել է անկախ դատական իշխանութեանը: Սա է, որ մեզ համար էական է:

Իշխանութեան ճիւղերից ամէն մէկը վերահսկողական իր որոշակի գործառոյթն է իրականացնելու: Ու այդ առումով որոշակի դերակատարութիւն ունի հէնց հանրապետութեան նորընտիր նախագահը, որը մեր ձեւակերպմամբ՝ չորրորդ հանրապետութեան առաջին նախագահն է: Իսկապէս քաղաքական համակարգում կատարւել են լրջագոյն փոփոխութիւններ, նորարարութիւններն այնքան շատ են, որ դրանք ժամանակ են պահանջում, մինչեւ մեր հասարակութիւնն ամբողջութեամբ իւրացնի:

Ընթացքը ցոյց կը տայ, կամաց-կամաց մարդիկ դա կը տեսնեն, կը համոզւեն, որ իշխանութեան ամէն թեւն ունի իր առաջնային դերակատարութիւնը:

Իսկ ինչ վերաբերում է Սերժ Սարգսեանին, ապա նա անելիք ունի քաղաքականութեան մէջ ու նրա հետ կապւած բոլորվին այլ գնահատականներ պէտք է տրւեն՝ նայելով նրա անցած ճանապարհը: Այն փոփոխութիւնները, որ կատարւել են Հայաստանում, առանց Սերժ Սարգսեանի ցանկութեան չէին կատարւի՝ դա միանշանակ է:

Յարակից լուրեր

  • Արսէն Համբարձումեան. «Քւէարկել եմ յանուն ազգային նկարագիր ունեցող եւ սոցիալապէս արդար Հայաստանի»
    Արսէն Համբարձումեան. «Քւէարկել եմ յանուն ազգային նկարագիր ունեցող եւ սոցիալապէս արդար Հայաստանի»

    Մեծ հաշւով` կարողացել ենք հնարաւորինս արդիւնաւէտ քարոզարշաւ իրականացնել. «yerkir.am»-ի հետ զրոյցում ասաց ՀՅԴ Հայաստանի Գերագոյն մարմնի ներկայացուցիչ, ԱԺ արտահերթ ընտրութիւններում ՀՅԴ ցուցակի 2-րդ հորիզոնականը զբաղեցնող Արսէն Համբարձումեանը:

  • Մեղաւորները պէտք է պատասխան տան անկախ իրենց` մինչեւ այս ունեցած կարգավիճակից. Ռուստամեանը` Քոչարեանի կալանաւորման մասին
    Մեղաւորները պէտք է պատասխան տան անկախ իրենց` մինչեւ այս ունեցած կարգավիճակից. Ռուստամեանը` Քոչարեանի կալանաւորման մասին

    Այս ընտրութիւններով պայմանաւորւած չենք ցանկացել քաղաքական յայտարարութիւն կատարւի, մանաւանդ լռութեան օրը, հիմա էլ դեռ ընտրական գործընթացներն են եւ այդ պատճառով է, որ մենք հանգամանալից այդ հարցին չենք անդրադարձել. քւէարկելուց յետոյ լրագրողների հետ զրոյցում ասաց ՀՅԴ նախընտրական ցուցակը գլխաւորող Արմէն Ռուստամեանն` անդրադառնալով հարցին` ինչո՞ւ ՀՅԴ-ն յայտարարութիւն չարեց ՀՀ երկրորդ նախագահ Ռոբերտ Քոչարեանի կալանաւորման վերաբերեալ ինչպէս առաջին անգամ: 

  • Արմէն Ռուստամեանը քւէարկել է յանուն հողի ու հայի
    Արմէն Ռուստամեանը քւէարկել է յանուն հողի ու հայի

    Ժողովուրդը մեծ ակնկալիքներ ունի այս ընտրութիւններից, յանուն այդ ակնկալիքների արդարացման, յանուն ժողովրդի չհիասթափւելու, երկրի ապագայի եւ յանուն հողի ու հայի է քւէարկել ՀՅԴ նախընտրական ցուցակը գլխաւորող Արմէն Ռուստամեանը: 

  • Բոլոր ժամանակների հայ ազգային քաղաքական հաւատամքի խտացումը՝ դաշնակցականութիւնը
    Բոլոր ժամանակների հայ ազգային քաղաքական հաւատամքի խտացումը՝ դաշնակցականութիւնը

    Յաճախ հարց կը տրուի եւ արդարացիօրէն, թէ ՀՅ Դաշնակցութիւնը գաղափարական ո՞ր դպրոցը դաւանող քաղաքական կուսակցութիւն է, եւ բնականաբար, մեկնելով 128 տարուան պատմական ընթացքէն եւ յեղափոխական պայքարի բովէն, հարցադրումին կը տրուին հետեւեալ պատասխանները՝ Դաշնակցութիւնը ընկերվարական կուսակցութիւն է, Դաշնակցութիւնը ազգային-ազատագրական պայքարի կուսակցութիւնն է, Դաշնակցութիւնը ընկերային արդարութեան ջատագով կուսակցութիւնն է հայութեան մէջ, Դաշնակցութիւնը էապէս ազգային կուսակցութիւնն է…

  • Ինչի՞ն է ՀՅԴ-ն կողմ եւ ինչի՞ն` դէմ
    Ինչի՞ն է ՀՅԴ-ն կողմ եւ ինչի՞ն` դէմ

    «yerkir.am»-ը հրապարակել է տեսահոլովակ, որում հակիրճ ներկայացւել է, թէ իր նախընտրական ծրագրում Հ. Յ. Դաշնակցութիւնն ինչի՞ն է կողմ, իսկ ինչի՞ն՝ դէմ:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։