Հա

Ազգային

13/03/2018 - 12:10

Սփիւռքի Դաշնակցական մամուլի պատասխանատուները հանդիպեցին հայաստանեան մամուլի ներկայացուցիչների հետ

Հայաստանում տեղի է ունեցել Դաշնակցութեան մամուլի եւ հանրային կապերի պատասխանատուների համակուսակցական խորհրդաժողովը, որի ժամանակ քննարկւել են հայկական ու կուսակցական մամուլի, համաշխարհային մակարդակով հայկական խնդիրների լուսաբանման, ադրբեջանական ու թուրքական քարոզչութեանը հակազդելու վերաբերեալ մի շարք հարցեր:

«alikonline.ir» - Հայաստանում տեղի է ունեցել Դաշնակցութեան մամուլի եւ հանրային կապերի պատասխանատուների համակուսակցական խորհրդաժողովը, որի ժամանակ քննարկւել են հայկական ու կուսակցական մամուլի, համաշխարհային մակարդակով հայկական խնդիրների լուսաբանման, ադրբեջանական ու թուրքական քարոզչութեանը հակազդելու վերաբերեալ մի շարք հարցեր: Տեղեկացնում է «yerkir.am»-ը:

Երէկ` համաժողովի վերջին օրը, մասնակիցներն իրենց քննարկումներն անցկացրել են` հանդիպելով հայաստանեան լրատւամիջոցների ներկայացուցիչների հետ: Ներկայ էր նաեւ Հայաստանի ժուռնալիստների միութեան նախագահ Սաթիկ Սէյրանեանը:

ՀՅԴ Բիւրոյի հանրային կապերի գրասենեակի պատասխանատու Արտակ Սարգսեանը նշեց, որ Հայաստանում են ՀՅԴ լրատւամիջոցների պատասխանատուներ աշխարհի 15 երկրներից: «Քննարկում էինք ոչ միայն ներկուսակցական խնդիրները քարոզչական ճակատում, այլեւ ընդհանուր` մեր համազգային խնդիրները, որ ունենք արտաքին եւ ներքին հարթակներում»,- ասաց նա:

ՀՅԴ ԳՄ ներկայացուցիչ Աղւան Վարդանեանն էլ ափսոսանք յայտնեց, որ Հայաստանում չի եղել եւ չի կարողացել մասնակցել Դաշնակցական մամուլի հերթական խորհրդաժողովին: «Իրօք, այս խորհրդաժողովները, որ պարբերական են, երկու տարին մէկ արւածն ամփոփելու եւ նոր հորիզոններ գնալու լաւ առիթ են: Ուրախութեամբ տեսնում եմ, որ նաեւ Դաշնակցական մամուլի ներկայացուցիչների սերնդափոխութիւնն է ակնյայտ. երիտասարդութիւնը կամաց իր տեղն է գրաւում, եւ վստահ եմ, որ խորհրդաժողովը ծառայել է իր բուն նպատակին»,- ասաց նա:

Անդրադառնալով խորհրդաժողովի մասնակիցների` հայաստանեան լրատւամիջոցների ներկայացուցիչների հետ հանդիպմանը` Վարդանեանը նշեց, որ այն շատ կարեւոր է: «Սա այն դաշտն է, որտեղ անջրպետներ, բաժանումներ չկան: Դուք իշխանութիւն էք, դուք իշխանութեան մի համակարգ էք, եւ պիտի կարողանանք միասնաբար լուծել այն խնդիրները, որոնք կան մեր հասարակութեան, պետականութեան, Սփիւռքի, Արցախի առջեւ` համատեղ, միմեանց աջակցելով, լրացնելով: Բնական է` մօտեցումները տարբեր են, ամէն մէկը նայում է իրականութեանն իր աշտարակից, բայց այս դաշտում համախոհութիւնը, համագործակցութիւնը շատ կարեւոր է: Ուրախ կը լինեմ, որ այսօրւայ անմիջական շփումներից յետոյ ուղղակի կապեր հաստատւեն մեր տարբեր լրատւամիջոցների միջեւ, ամենօրեայ շփումներ լինեն, իրար փոխանցէք գաղափարներ եւ կարողանաք մեր երկիրը, հասարակութիւնն աւելի լաւը դարձնել»,- ընդգծեց նա:

Հայաստանի ժուռնալիստների միութեան նախագահ Սաթիկ Սէյրանեանն ասաց, որ, ընտրւելով այդ կառոյցի նախագահ, ելոյթում նշել է Սփիւռքի մամուլի կարեւորութիւնը: «Առաջին հերթին կարեւորում եմ պրոֆեսիոնալ առումով: Մենք տարբեր երկրներում ենք աշխատում, եւ մեզ համար շատ կարեւոր է փորձի փոխանակումը պրոֆեսիոնալ մակարդակում: Յունիսի սկզբին միութիւնում տեղի կունենայ արտահերթ համագումար, որի ընթացքում կը ներկայացւի նոր կանոնադրութիւնը: Այդտեղ մի առանձին հատւած պէտք է լինի սփիւռքեան մամուլի հետ համագործակցութեան վերաբերեալ»,- տեղեկացրեց նա, ապա նշեց, որ Սփիւռք էլ կուղարկեն, որպէսզի ծանօթանան եւ առաջարկներ ներկայացնեն յունիսեան համագումարին:

Սէյրանեանը նաեւ կոչ արեց, որպէսզի ՀՅԴ սփիւռեան մամուլի ներկայացուցիչներն էլ անդամակցեն Հայաստանի ժուռնալիստների միութեանը:

Յարակից լուրեր

  • «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին
    «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին

    Թէեւ ՀՀ վարչապետի վկայութեամբ բանակցութիւններ չեն ընթանում Ադրբեջանի եւ ՀՀ իշխանութիւնների միջեւ, սակայն հանդիպումների, ծանօթութիւնների եւ անցեալի պատմութեան յուշերի փոխանակման արդիւնքում պէտք է խոստովանել, որ ղարաբաղա-ադրբեջանական սահմանային գօտում փոխհրաձգութիւնները նւազել են:

  • ՀՀ վարչապետի Իրան այցի յատկանշելին…
    ՀՀ վարչապետի Իրան այցի յատկանշելին…

    Իրան-Հայաստան յարաբերութիւններում, 2019 թւականի փետրւարի 27-ին ՀՀ վարչապետ Ն. Փաշինեանի եւ նրան ընկերակցող պատւիրակութեան այցը յատկանշական պէտք է համարել, քանի որ. Հայաստանում իշխանափոխութիւնից յետոյ, մտահոգութիւն էր առաջացել այն մասին, թէ հնարաւոր է պաշտօնական Երեւանի քաղաքական արեւելման փոփոխութիւնը՝ հիւսիս-հարաւից դէպի Արեւմուտք: Այլ խօսքով, արեւելեան օրիենտացիան պէտք է, որ զիջէր արեւմտեանին:

  • «Հայրենիք»-ի խմբագրական. Համերաշխութի՞ւն, թէ՞ հայատեացութիւն
    «Հայրենիք»-ի խմբագրական. Համերաշխութի՞ւն, թէ՞ հայատեացութիւն

    Բեղուն գործունէութեան մէջ է ԵԱՀԿ-ի Մինսքի խումբը, որ դրական վերլուծումով հաղորդագրութիւն մը լոյս ընծայած էր, տեղեկացնելով, թէ պատշաճ միջավայրի պահպանման անհրաժեշտութեան դիմաց, կ՛ողջունէ Հայաստանի վարչապետ Նիկոլ Փաշինեանի եւ Ատրպէյճանի նախագահ Իլհամ Ալիեւի միջեւ յառաջիկային սպասուող՝ առաջին ուղղակի շփումներու պատրաստակամութիւնը։

  • Որ իրավիճակում Բաքուն կը համաձայնի, որ Արցախը վերադառնայ բանակցային սեղան
    Որ իրավիճակում Բաքուն կը համաձայնի, որ Արցախը վերադառնայ բանակցային սեղան

    Երեւանում կարծում են, որ Ստեփանակերտի մասնակցութիւնը բանակցութիւններին ժամանակի խնդիր է, իսկ Ադրբեջանի դիմադրութիւնը իր բացատրութիւնն ունի:

  • Ինչպէ՞ս հասնել իրական խաղաղութեան եւ ի՞նչ ասել է «Ադրբեջանի խաղաղասէր ժողովուրդ»
    Ինչպէ՞ս հասնել իրական խաղաղութեան եւ ի՞նչ ասել է «Ադրբեջանի խաղաղասէր ժողովուրդ»

    ՀՀ վարչապետ Ն. Փաշինեանը՝ Արցախում տեղի ունեցած ՀՀ եւ ԱՀ անվտանգութեան խորհուրդների համատեղ նիստում, իսկ ՀՀ ԱԽ քարտուղար Ա. Գրիգորեանը՝ Հանրային հեռուստատեսութեան եթերում, պետական ամենաբարձր մակարդակով յայտարարեցին, որ հայկական կողմը մեծապէս կարեւորում է ժողովուրդներին խաղաղութեան նախապատրաստելը։

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։