Հա

Ազգային

01/04/2018

Ապրիլի 1-ին Հայ Առաքելական Եկեղեցին տօնում է Սուրբ Զատիկը

Այսօր՝ ապրիլի 1-ին, Հայ Առաքելական Սուրբ Եկեղեցին տօնում է Յիսուս Քրիստոսի հրաշափառ յարութեան տօնը՝ Սուրբ Զատիկը: Գրում է «tert.am» -ը։

«alikonline.ir»- Այսօր՝ ապրիլի 1-ին, Հայ Առաքելական Սուրբ Եկեղեցին տօնում է Յիսուս Քրիստոսի հրաշափառ յարութեան տօնը՝ Սուրբ Զատիկը: Գրում է «tert.am» -ը։
Տօնը սկիզբ է առնում հրեաների կողմից նշւող Պասէք տօնից, որի ժամանակ, ըստ քրիստոնԷական դաւանանքի, 1-ին դարում Երուսաղէմում խաչւել և յարութիւն է առել Յիսուս Քրիստոսը։
Պասէքը հրեաների կողմից ինչպէս նախկինում, այնպէս էլ այսօր, տօնւում է՝ ի նշան եգիպտական գերութիւնից ազատագրման և, մասնաւորապէս, Հին Կտակարանում նկարագրւող այն դրւագի, երբ Աստւած նոխազի արեան միջոցով զատեց իր ժողովրդին եգիպտացիների վրայ ուղարկւած աղէտից՝ անդրանիկ զաւակների կոտորածից։
Համաձայն քրիստոնէական ուսմունքի՝ այդ իրադարձութիւնը նախանշան էր Յիսուս Քրիստոսի (Գառն Աստծոյ) կամովին մահւան ընդունման և իր արեան յեղման՝ յանուն մարդկութեան փրկութեան։
Քրիստոնէական եկեղեցիները Յիսուս Քրիստոսի յարութիւնը տօնում են որպէս Զատիկ, որովհետև ըստ քրիստոնէական ուսմունքի՝ Քրիստոսն է յաւիտենական այն զոհը կամ պատարագը, որի միջոցով մարդն ստանում է մեղքերի թողութիւն, ապա՝ կեանք և յարութիւն։ 
Պօղոս առաքեալը Յիսուսին այդպէս էլ կոչում է՝ Զատիկ, «...քանզի Քրիստոս՝ մեր զատիկը, մորթւեց...»
Զատիկը շարժական տօն է, այսինքն՝ իրաքանչիւր տարի նրա նշման օրը փոխւում է։ Հայ առաքելական եկեղեցին այն նշում է գարնան գիշերհաւասարին յաջորդող լուսնի լրման առաջին կիրակի օրը, որն ընկնում է մարտի 22-ից յետոյ մինչև ապրիլի 26-ը (35 օր) ժամանակահատւածի վրայ։

Յարակից լուրեր

  • Հրանտ Մարգարեան. «Եկեղեցու հետ կապւած հարցերն անընդունելի են, մենք ինչու ենք զուսպ մնում»
    Հրանտ Մարգարեան. «Եկեղեցու հետ կապւած հարցերն անընդունելի են, մենք ինչու ենք զուսպ մնում»

    ՀՅԴ Բիւրոյի ներկայացուցիչ Հրանտ Մարգարեանը կարծում է, որ իշխանութիւնները պէտք է պատշաճ արձագանգէին եկեղեցու շուրջ կատարւող գործընթացներին։ Ինչպէս յայտնի է՝ երկար ժամանակ է ինչ Ամենայն հայոց կաթողիկոս Գարեգին Բ-ին կարգալոյծ անելու համար պայքար է տարւում։

  • Զատկական ընթրիք-հաւաքոյթ Հ.Մ.Ա.Կ.-ի Թաւրիզի մասնաճիւղում
    Զատկական ընթրիք-հաւաքոյթ Հ.Մ.Ա.Կ.-ի Թաւրիզի մասնաճիւղում

    Տօնական օրերի տօնացուցային երկարաձգման հետ, երկարաձգւում է նաեւ նրանց ստեղծած խանդավառութիւնը համայնքում: Սուրբ Զատկին յաջորդող Յինունքի օրերին, աւանդաբար Հ.Մ.Ա.Կ.-ի Թաւրիզի մասնաճիւղը կազմակերպում է զատկական ընթրիք-հաւաքոյթ, որը այս տարի տեղի ունեցաւ հինգշաբթի, ապրիլի 12-ի երեկոյեան ժամը 9:30-ին, «Արարատ»-ի Թաւրիզի կենտրոնատեղիում, կազմակերպութեամբ Երէցների միութեան:

  • Տօնահանդէս-հաւկթախաղ Ս. Զատկի առթիւ՝ Նոր Ջուղայում
    Տօնահանդէս-հաւկթախաղ Ս. Զատկի առթիւ՝ Նոր Ջուղայում

    Կիրակի, ապրիլի 1-ի երեկոյեան, Նոր Ջուղայի Հայ Մ. Մ. «Արարատ» միութեան կենտրոնատեղիում նշւեց Սուրբ Յարութեան տօնը: Հաւկթախաղ-տօնահանդէսի տեսքով իրականացւած հանդիսութեան կազմակերպողը նոյն միութեան Երէցների միաւորն էր:

  • Ս. Զատկի տօնի առթիւ դաշտահանդէս՝ Շահինշահրում
    Ս. Զատկի տօնի առթիւ դաշտահանդէս՝ Շահինշահրում

    Կիրակի՝ 2018 թւականի ապրիլի 1-ի երեկոյեան, Ն. Ջ. Հայ Մ. Մ. «Արարատ» միութեան Շահինշահրի մասնաճիւղի վարչութեան նախաձեռնութեամբ եւ Երէցների ու Մարզական միաւորների կազմակերպութեամբ, նոյն մասնաճիւղի կենտրոնատեղիիում, տեղի ունեցաւ դաշտահանդէս՝ Քրիստոսի Յարութեան տօնի առիթով: 

  • Սուրբ Զատիկը հոգենորոգման առիթ՝ Ատրպատականի հայոց թեմում
    Սուրբ Զատիկը հոգենորոգման առիթ՝ Ատրպատականի հայոց թեմում

    Համայն աշխարհի քրիստոնէութիւնը հոգենորոգման սքանչելի պահեր ապրեցաւ, մեր Փրկչին մահւան վրայ տարած յաղթանակով: Մեր հայրերը վաղ դարերից երգեցին՝ «Փառք հրաշափառ յարութեան քո Տէր» ահազդեցիկ երգը, պատմելու համար հրաշազան դէպքը յարութեան: Կիրակի, 1 ապրիլ 2018 թ.-ի առաւօտեան, Ատրպատականի հայոց թեմի զաւակները, Թաւրիզում, Ուրմիայում եւ  Գեարդաբադում իրենց աղօթքը մատուցին Ամենակալ Աստծուն, Սուրբ Յարութեան հոգենորոգման զգացումը ապրելով: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։