Հա

Ազգային

05/04/2018 - 13:00

Հաղորդագրութիւն

Չորեքշաբթի, 4 ապրիլի կէսօրին, ՍԴՀԿ Լիբանանի շրջանի Վարիչ մարմինի եւ ՀՅԴ Լիբանանի Կեդրոնական կոմիտէի ներկայացուցիչները հանդիպում մը ունեցան «Շաղզոյեան» կեդրոնին մէջ:

Չորեքշաբթի, 4 ապրիլի կէսօրին, ՍԴՀԿ Լիբանանի շրջանի Վարիչ մարմինի եւ ՀՅԴ Լիբանանի Կեդրոնական կոմիտէի ներկայացուցիչները հանդիպում մը ունեցան «Շաղզոյեան» կեդրոնին մէջ:

Հանդիպումին սկիզբը, ժողովականները քննարկեցին 6 մայիսի երեսփոխանական ընտրութիւններուն նախապատրաստութիւնները եւ յատկապէս` Պէյրութի, Մեթնի եւ Զահլէի ընտրաշրջաններուն մէջ կատարուող աշխատանքները:

Իբրեւ Պէյրութի առաջին ընտրաշրջանի ցանկակից կուսակցութիւններ, ժողովականները շեշտեցին 6 մայիսին խիտ շարքերով ընտրութիւններու մասնակցութեան թելադրականութիւնը` քուէի իրաւունքով քաղաքական մեր կամքը արտայայտելու եւ ընտրական մեր ուժը ամրապնդելու համար:

Այս առիթով, ՍԴՀԿ-ի եւ ՀՅԴ-ի ներկայացուցիչները վերահաստատեցին ազգային միասնականութեան պահպանման իրենց յանձնառութիւնը եւ, փոխադարձ յարգանքի ու վստահութեան սկզբունքով, շեշտեցին զոյգ կուսակցութիւններու թեկնածուներուն իրենց աջակցութիւնը` բոլոր ընտրաշրջաններուն մէջ:

Ժողովականները իրենց թեկնածուներուն մաղթեցին ամբողջական յաջողութիւն եւ ընդգծեցին Հայկական երեսփոխանական պլոքի վերականգնման անհրաժեշտութիւնը` նոր մեքանիզմով եւ օրուան պահանջներէն բխած նոր հրամայականներով:

Հանդիպումին աւարտին, ժողովականները ընդգծեցին յաճախակի հանդիպումներով ստեղծուած գործակցութիւնը ընդլայնելու եւ խորացնելու կարեւորութիւնը:

ՍԴՀԿ ԼԻԲԱՆԱՆԻ ՇՐՋԱՆԻ ՎԱՐԻՉ ՄԱՐՄԻՆ
ՀՅԴ ԼԻԲԱՆԱՆԻ ԿԵԴՐՈՆԱԿԱՆ ԿՈՄԻՏԷ

«Ազդակ»

 

Յարակից լուրեր

  • Հանդիպում-ընդունելութիւն` ՀՅԴ Բիւրոյի նորընտիր ներկայացուցիչ Յակոբ Տէր-Խաչատուրեանի հետ
    Հանդիպում-ընդունելութիւն` ՀՅԴ Բիւրոյի նորընտիր ներկայացուցիչ Յակոբ Տէր-Խաչատուրեանի հետ

    ՀՅԴ Լիբանանի Կեդրոնական կոմիտէին հրաւէրով, երէկ` երեքշաբթի, 12 մարտ 2019-ին, երեկոյեան ժամը 8:00-ին, Մարաշի հայրենակցական միութեան «Գերմանիկ» սրահին մէջ տեղի ունեցաւ հանդիպում-ընդունելութիւն` ՀՅԴ Բիւրոյի նորընտիր ներկայացուցիչ Յակոբ Տէր-Խաչատուրեանի հետ:

  • Արաբական Միացեալ Էմիրութիւններու դեսպան Շամսի ընդունեց ՀՅԴ պատուիրակութիւնը
    Արաբական Միացեալ Էմիրութիւններու դեսպան Շամսի ընդունեց ՀՅԴ պատուիրակութիւնը

    Պէյրութի մէջ Արաբական Միացեալ Էմիրութեանց դեսպան Համատ Սայիտ Շամսի Եարզէի իր բնակարանին մէջ ընդունեց ՀՅԴ Լիբանանի Կեդրոնական կոմիտէի ներկայացուցիչ Յակոբ Բագրատունին եւ զբօսաշրջութեան նախարար Աւետիս Կիտանեանը:

  • ՀՅԴ-Փաղանգաւոր հանդիպում. «Ապրիլ 24»-ը Ցեղասպանութեան յիշատակումի օր հռչակելու օրինագիծ
    ՀՅԴ-Փաղանգաւոր հանդիպում. «Ապրիլ 24»-ը Ցեղասպանութեան յիշատակումի օր հռչակելու օրինագիծ

    ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի եւ Կեդրոնական կոմիտէի անդամ Վիգէն Աւագեան երէկ կէսօրին «Շաղզոյեան» կեդրոնին մէջ ընդունեցին Փաղանգաւոր կուսակցութեան ղեկավար, երեսփոխան Սամի Ժեմայէլը, որուն ընկերակցեցաւ Փաղանգաւոր կուսակցութեան մէկ պատուիրակութիւնը: 

  • ՀՅԴ Լիբանանի Կեդրոնական կոմիտէն այցելեց դեսպան Վահագն Աթաբէկեանին
    ՀՅԴ Լիբանանի Կեդրոնական կոմիտէն այցելեց դեսպան Վահագն Աթաբէկեանին

    Այս առաւօտ ՀՅԴ Լիբանանի Կեդրոնական կոմիտէն ներկայանցող պատուիարկութիւնը գլխաւորութեամբ ՀՅԴ Լիբանանի Կեդրոնական կոմիտէի ներկայացուցիչ երեսփոխան Յակոբ Բագրատունիի այցելեց Լիբանանի միջ Հայաստանի հանրապետութեան դեսպանատուն եւ տեսակցեցաւ արտակարգ եւ լիազօր նորանշանակ դեսպան Վահագն Աթաբէկեանի հետ։

  • Նախադրեալը
    Նախադրեալը

    Ընտրութիւնները աւարտեցան։ Հայրենիքը ունի նոր Ազգային Ժողով։ Շուտով կ՚ունենայ նաեւ նոր կառավարութիւն։ Հետեւաբար, ազգային մարտահրաւէրը կառավարման այն նոր վարքագիծն ու նորաթափ աշխատանքն է, որոնք պիտի սատարեն երկիր վերելքին, պետութեան ամրակայման, տնտեսութեան բարգաւաճման եւ արտաքին վտանգներու յաղթահարման։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։