Հա

Ազգային

05/05/2018 - 17:40

«Ազդակ»-ի խմբագրական. Քուէն ուժ է

Զուգահեռ` Ընտրական կեդրոնական մարմինի համակարգումով ՀՅԴ ընտրամեքենային լարումին, արտերկրի մեր համայնքներուն մէջ արտադրամասեր յառաջացնելու, նոր օրէնքի հիման վրայ արտերկրի լիբանանահայերը քուէատուփ ուղղորդելու աշխատանքներ. տակաւին, կամաւոր ընտրական բանակի զինուորագրեալներու հաւաքագրում, զօրաշարժ, վստահուած անձերու ընտրատեղամասերու տեղաբաշխում:

Ընտրարշաւի աշխատանքները աւարտած են: Հարցազրոյցներ, հաղորդագրութիւններ, յայտարարութիւններ, պաստառներ, ժողովրդային լսարաններ, հանրահաւաքներ` բազմաշերտ, լայնածաւալ եղանակներով լուսաբանումներ, ճառեր, ընտրական ծրագիրներ, բացատրողականներ եւ այդ բոլորին առօրեայ, միաժամանակեայ կշռոյթով մամուլի եւ քարոզչամիջոցներու արձագանգումներ այլեւս որեւէ տեղ չեն ձգած յաւելեալ իրազեկման, տեղեկացման: Պահը եկած է լիբանանահայ համայնքի քաղաքական գործօնի ուժեղացման նպաստելու, համաժողովրդային մասնակցութիւնը առարկայացնելու համար ընդառաջ շարժելու մեկնարկը ազդարարելու:

Զուգահեռ` Ընտրական կեդրոնական մարմինի համակարգումով ՀՅԴ ընտրամեքենային լարումին, արտերկրի մեր համայնքներուն մէջ արտադրամասեր յառաջացնելու, նոր օրէնքի հիման վրայ արտերկրի լիբանանահայերը քուէատուփ ուղղորդելու աշխատանքներ. տակաւին, կամաւոր ընտրական բանակի զինուորագրեալներու հաւաքագրում, զօրաշարժ, վստահուած անձերու ընտրատեղամասերու տեղաբաշխում: Ընտրազանգուածի տարբեր ներկայացուցիչներու ցանկագրումներու վերջնականացում, նախօրօք կապերու հաստատում, լրացուցիչ ստուգումներ եւ նախապատրաստական աշխատանքներու ամբողջացում:

Դաշնակցութիւնը կատարած է իր քարոզարշաւը, պատրաստ վիճակի մէջ բերած ընտրամեքենան, զօրաշարժի ենթարկած իր ընտրական բանակը` հրամանատարութեամբ, ստորաբաժանումներով, կամաւորներով:

Երէկ ժողովրդային հաւաքը իր պատրաստակամութիւնը վերահաստատեց զանգուածային, նպատակաուղղուած քուէարկութեամբ վերահաստատելու լիբանանահայութեան քաղաքական ներկայութիւնը:

Համրանքը, թիւը, զանգուածային մասնակցութիւնը, այո՛, ուժի ցուցադրութիւն է: Սակայն այդ ուժի ցուցադրութիւնը կազմակերպուածութեան ամէնէն բարձր մակարդակով կատարելը, կրկնակի ուժի ամրագրում է: Իսկ ուժը այս պարագային ո՛չ բռնութիւն է, ո՛չ պարտադրում, ո՛չ ալ միակարծութիւն:

Ուժը գիտակցութիւն է` հայութեան ներկայացուածութիւնը խորհրդարանին մէջ ինքնուրոյն ու անկախ պահելու, կցորդի կարգավիճակը մերժելու, ոչ հայկական կեդրոններէ առաջնորդուիլը բացառելու: Ուժը հայկական իրաւունքներու եւ շահերու գերադասումն է, լիբանանեան հերթական ճգնաժամերուն կամրջումի եւ համադրումի դերակատարութիւն վերցնելը, լիբանանեան օրինականութիւնը առաջնային նկատելը, պետական բոլոր հաստատութիւններուն մէջ հայկական ներկայութիւն ապահովելը:

Քուէն ուժ է. ուժը միջոց` հայկական քաղաքական գործօնի դերակատարութիւնը փաստելու: Իսկ այդ ուժը մեր ժողովուրդն է: Այն ժողովուրդը, որ վաղը պիտի քուէարկէ լիբանանահայութիւնը ներկայացնող ՀՅԴ-ի առաջադրած թեկնածուներուն:

«Ազդակ»

 

Յարակից լուրեր

  • ՀՅԴ Հայ Դատի պատւիրակութիւնը վերահաստատել է կուսակցութեան յանձնառութիւնը
    ՀՅԴ Հայ Դատի պատւիրակութիւնը վերահաստատել է կուսակցութեան յանձնառութիւնը

    Յունւարի 19-ին Արցախի Հանրապետութեան արտաքին գործերի նախարար Մասիս Մայիլեանն ընդունել է ՀՅԴ Հայ Դատի Կենտրոնական խորհուրդի նախագահ, ՀՅԴ Բիւրոյի անդամ Յակոբ Տէր-Խաչատրեանի գլխաւորած պատւիրակութեանը։

  • Լիացած Ռոստոմի յիշատակով
    Լիացած Ռոստոմի յիշատակով

    Երէկ՝ Յունուարի 18-ին լրացաւ ազգային պատմութեան ազատագրական պայքարի, հայ ժողովուրդի ինքնապաշտպանութեան փուլի առասպելական գործիչներէն, ՀՅԴ հիմնադիր երրորդութեան կրտսերագոյն անդամի՝ Ռոստոմի (Ստեփան Զօրեան) մահուան հարիւրերորդ տարելիցը: Ան այս աշխարհէն հեռացաւ 1919-ի այդ օրը, վարակուած բծաւոր տիֆէ:

  • Պարզաբանումներ Քաջազնունու հեռագրի վերաբերեալ
    Պարզաբանումներ Քաջազնունու հեռագրի վերաբերեալ

    Վերջին տարիներին տարբեր դրդապատճառներով շատ է շահարկւում Հայաստանի առաջին Հանրապետութեան Կառավարութեան հեռագիրը ուղղւած` Օսմանեան կառավարութեան զինւած մինիստր Էնւեր փաշային: Հեռագիրը ստորագրւած է Հայաստանի Հանրապետութեան Կառավարութեան նախագահ` Յովհաննէս Քաջազնունին, զինւորական մինիստր` Արամ Մանուկեանը եւ Կառավարութեան Խորհրդի նախագահ` Աբրահամ Սահակեանը:

  • Յուշագրութիւն Դաշնակցութեան որոշման եւ ԳԽ առաջին նախագահի ընտրութեան մասին
    Յուշագրութիւն Դաշնակցութեան որոշման եւ ԳԽ առաջին նախագահի ընտրութեան մասին

    Դեկտեմբերի 29-ին Վալերի Բալայեանի բնակարանում կայացել է խորհրդաժողով, որին ներկայ էին ընտրւած գրեթէ բոլոր դաշնակցական պատգամաւորները, կուսակցութեան բոլոր կառոյցների ղեկավարները եւ ներկայացուցիչներ Շահումեանի շրջանից: Ստեփանակերտի «Արամ Մանուկեան» ենթակոմիտէից ներկայ էին Աշոտ Սարգսեանը, Ֆելիքս Գաբրիէլեանը եւ Դաւիթ Իշխանեանը: 

  • Մեկնարկ` Լեռնալիբանանի Ցեղասպանութեան ճանաչման գործընթացին
    Մեկնարկ` Լեռնալիբանանի Ցեղասպանութեան ճանաչման գործընթացին

    Լիբանանի տարբեր շրջաններուն մէջ Հայոց ցեղասպանութեան 100-ամեակին առիթով կազմակերպուած դասախօսական հանդիպումներուն, լիբանանցի օրէնսդիրներ եւ քաղաքական գործիչներ արծարծած էին նաեւ Օսմանեան կայսրութեան կողմէ Լեռնալիբանանի դէմ կիրարկուած սովամահութեամբ զանգուածային սպանութիւններ կազմակերպելու պետական քաղաքականութեան հետեւանքները:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։