Հա

Ազգային

07/05/2018 - 13:00

Արմէն Ռուստամեան. «Մեր բոլոր կարողութիւններով աջակցելու ենք, որ Նիկոլ Փաշինեանի կառավարութիւնը յաջողի»

Մենք կարող ենք վստահեցնել, որ մեր մասնակցութիւնը բերելու ենք մայիսի 8-ի` վարչապետի ընտրութիւններին. ՀՀ ԱԺ ճեպազրոյցների ժամին, այսօր՝ մայիսի 7-ին յայտարարեց ՀՅԴ խմբակցութեան ղեկավար Արմէն Ռուստամեանը:

«alikonline.ir» - Մենք կարող ենք վստահեցնել, որ մեր մասնակցութիւնը բերելու ենք մայիսի 8-ի` վարչապետի ընտրութիւններին. ՀՀ ԱԺ ճեպազրոյցների ժամին, այսօր՝ մայիսի 7-ին յայտարարեց ՀՅԴ խմբակցութեան ղեկավար Արմէն Ռուստամեանը: Տեղեկացնում է «yerkir.am»-ը:

Հարցին` ՀՀԿ-ն խոստմանը հաւատարիմ կը մնա՞յ, թէ՞ նախորդ անգամւայ նման կը լինի, Ռուստամեանը պատասխանեց, որ երկրորդ անգամ էլ յայտարարել մէկ բան, կատարել բոլորովին այլ բան քաղաքական ուժի համար վտանգաւոր է` իր հեռանկարն ունենալու առումով:

Նա նշեց, որ չի կարծում, թէ այս պահին արտահերթ ընտրութիւնների գնալը բխում է ՀՀԿ-ի շահերից: «Եթէ իրենց յայտարարութիւնից դուրս քայլ անեն, ի՞նչ ռեսուրսներով կը մասնակցեն արտահերթ ընտրութիւններին: Ռէյտինգայինն էլ չի օգնի: Բոլորի շահերից է բխում, որ տեղի ունենայ վարչապետի ընտրութիւն, եւ Նիկոլ Փաշինեանն ընտրւի: Սա կը լինի միակ ճիշտ լուծումը»,- ասաց պատգամաւորը:

Ռուստամեանն ընդգծեց, որ կայ ժողովրդի յստակ պահանջ, եւ սա պէտք է գիտակցեն քաղաքական ուժերը` անկախ նրանից` ով է ձեւաւորել այդ պահանջը: «Ոչ մի այլ լուծում ժողովուրդը չի ընդունելու: Չպէտք է աւելորդ մարտավարական տրամաբանութեան մէջ տեղափոխել հարցերը: Այն, ինչ դէ ֆակտօ կայ, դէ իւրէ պէտք է արձանագրել»,- ասաց նա:

Անդրադառնալով արտահերթ ընտրութիւնների ժամկէտներին` Ռուստամեանը նշեց, որ ինքնանպատակ ժամկէտ նշելը ճիշտ չէ: «Մի քանի քայլեր պէտք է արւեն, որ այդ ընտրութիւնները կասկածի տակ չդրւեն: Ընտրական օրէնսգիրքը նախեւառաջ պէտք է փոխւի, սարքաւորումները պէտք է դրւեն բոլոր ընտրատեղամասերում, որ կրկնաքւէարկութիւնները բացառւեն: Առաջին քայլերից մէկը պէտք է լինի այն, որ վարչապետի լիազօրութիւնները պէտք է նւազեցւեն: Հաւասար պայմաններ պէտք է ստեղծւեն, որ բոլոր ուժերը հաւասար պայմաններով գնան ընտրութիւնների»,- յայտարարեց նա:

Հարցին` արդեօ՞ք ՀՅԴ-ն չունի կառավարութեան մաս կազմելու ակնկալիք, Ռուստամեանը պատասխանեց, որ իրենք նման ակնկալիք չունեն, բայց ուզում են, որ Փաշինեանի կառավարութիւնը յաջողի եւ լուծի իր առջեւ դրած խնդիրները: «Մեր բոլոր կարողութիւններով աջակցելու ենք, որ դա յաջողւի»,- նշեց նա։

Ռուստամեանը նաեւ նշեց, որ ինքն ազգային համաձայնութեան կառավարութիւն ստեղծելը տրամաբանական է համարում։ Ինչ վերաբերում է հարցին` ինքն անձամբ իրեն տեսնո՞ւմ է կառավարութիւնում, նա ասաց. «Անձամբ ես չեմ յաւակնում եւ չեմ պատրաստւում մտնել կառավարութեան կազմի մէջ, բայց մենք չենք պատրաստւում մենակ թողնել Նիկոլ Փաշինեանին»:

Պատգամաւորը յաւելեց, որ ՀՅԴ-ն իր բոլոր կարողութիւններով աջակցելու է, որպէսզի Նիկոլ Փաշինեանի կառավարութիւնը յաջողւի: Ըստ Ռուստամեանի` եթէ նոր կառավարութիւնն արդար Հայաստան է ուզում, դրա լուծումը ճիշտ կադրային քաղաքականութիւնն է:

Միջազգային կառոյցների` ԵՄ-ի, ԵԱՏՄ-ի, ՀԱՊԿ-ի հետ յարաբերութիւները, Ռուստամեանի խօսքով, պէտք է պահպանւեն ու զարգանան։

Յարակից լուրեր

  • Պարզաբանումներ Քաջազնունու հեռագրի վերաբերեալ
    Պարզաբանումներ Քաջազնունու հեռագրի վերաբերեալ

    Վերջին տարիներին տարբեր դրդապատճառներով շատ է շահարկւում Հայաստանի առաջին Հանրապետութեան Կառավարութեան հեռագիրը ուղղւած` Օսմանեան կառավարութեան զինւած մինիստր Էնւեր փաշային: Հեռագիրը ստորագրւած է Հայաստանի Հանրապետութեան Կառավարութեան նախագահ` Յովհաննէս Քաջազնունին, զինւորական մինիստր` Արամ Մանուկեանը եւ Կառավարութեան Խորհրդի նախագահ` Աբրահամ Սահակեանը:

  • Յուշագրութիւն Դաշնակցութեան որոշման եւ ԳԽ առաջին նախագահի ընտրութեան մասին
    Յուշագրութիւն Դաշնակցութեան որոշման եւ ԳԽ առաջին նախագահի ընտրութեան մասին

    Դեկտեմբերի 29-ին Վալերի Բալայեանի բնակարանում կայացել է խորհրդաժողով, որին ներկայ էին ընտրւած գրեթէ բոլոր դաշնակցական պատգամաւորները, կուսակցութեան բոլոր կառոյցների ղեկավարները եւ ներկայացուցիչներ Շահումեանի շրջանից: Ստեփանակերտի «Արամ Մանուկեան» ենթակոմիտէից ներկայ էին Աշոտ Սարգսեանը, Ֆելիքս Գաբրիէլեանը եւ Դաւիթ Իշխանեանը: 

  • Մեկնարկ` Լեռնալիբանանի Ցեղասպանութեան ճանաչման գործընթացին
    Մեկնարկ` Լեռնալիբանանի Ցեղասպանութեան ճանաչման գործընթացին

    Լիբանանի տարբեր շրջաններուն մէջ Հայոց ցեղասպանութեան 100-ամեակին առիթով կազմակերպուած դասախօսական հանդիպումներուն, լիբանանցի օրէնսդիրներ եւ քաղաքական գործիչներ արծարծած էին նաեւ Օսմանեան կայսրութեան կողմէ Լեռնալիբանանի դէմ կիրարկուած սովամահութեամբ զանգուածային սպանութիւններ կազմակերպելու պետական քաղաքականութեան հետեւանքները:

  • Արցախում այսօր կը մեկնարկի ՀՅԴ 33-րդ Ընդհանուր ժողովը
    Արցախում այսօր կը մեկնարկի ՀՅԴ 33-րդ Ընդհանուր ժողովը

    Արցախում, այսօր՝ յունւարի 16-ին կը մեկնրակի Հայ Յեղափոխական Դաշնակցութեան 33-րդ Ընդհանուր ժողովը:

  • Գեղամ Մանուկեան. «Մեր բոլոր ժողովների տեսլականը միշտ ազատ, անկախ Հայաստանն է»
    Գեղամ Մանուկեան. «Մեր բոլոր ժողովների տեսլականը միշտ ազատ, անկախ Հայաստանն է»

    Յունւարի 15-ին մեկնարկում է ՀՅԴ-ի Ընդհանուր ժողովը: Ի դէպ՝ շուրջ երկու տասնամեակ յետոյ առաջին անգամ ՀՅԴ-ն իր այս հաւաքն անցկացնում է արտահերթ խորհրդարանական ուժի կարգավիճակով:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։