Հա

Ազգային

09/05/2018

Արմէն Ռուստամեան. «Յաղթանակը պահելը պակաս կարեւոր չէ, քան յաղթանակի հասնելը»

ՀՀ ԱԺ ՀՅԴ խմբակցութեան ղեկավար Արմէն Ռուստամեանի ելոյթը Ազգային ժողովի յատուկ նիստին՝ վարչապետի ընտրութեան հարցի քննարկման ժամանակ.

«alikonline.ir» - ՀՀ ԱԺ ՀՅԴ խմբակցութեան ղեկավար Արմէն Ռուստամեանի ելոյթը Ազգային ժողովի յատուկ նիստին՝ վարչապետի ընտրութեան հարցի քննարկման ժամանակ.

«Յարգելի խորհրդարան,

Սա մեզ համար ըստ էութեան նոր ընտրութիւն չէ, այլ վերաքւէարկութիւն: Այդ իսկ պատճառով մեր դիրքորոշման մէջ բովանդակային առումով որեւէ փոփոխութիւն չի կարող լինել: Աւելին, մենք այսօր ոչ միայն սատարում ենք Նիկոլ Փաշինեանի թեկնածութիւնը, այլ առաջադրել ենք նրան վարչապետի պաշտօնում:

Նիկոլ Փաշինեանի ընտրութիւնը, իհարկէ, կարող էր տեղի ունենալ մէկ շաբաթ առաջ, բայց տեղի է ունենում մէկ շաբաթ ուշ, սակայն, ինչպէս ասում է մեր ժողովուրդը, ուշ լինի՝ նուշ լինի: Հիմա այս ընտրութիւնը դարձել է հասունացած ու անհրաժեշտ: Չեմ ուզում կրկնել մեր նախկին հիմնաւորումները:

Ուզում եմ յիշեցնել շարժման ղեկավարներին մի յայտնի ճշմարտութիւն, որ իրական եւ բոլորին ծառայող յեղափոխութիւնը ոչ թէ աւարտւում, այլ սկսում է իշխանութեան գալով, նաեւ աւելացնել, որ յաղթանակ պահելը պակաս կարեւոր չէ, քան յաղթանակին հասնելը:

Սա է մեզ սովորեցնում հէնց այսօրւայ խորհուրդը: Մենք միասին էինք եւ ազատագրեցինք Շուշին, միասին պէտք է մնանք, որ պահենք Շուշին հայկական եւ ոչ միայն Շուշին, այլեւ այսօրւայ արդէն 42 հազատ քառ. կմ դարձած նոր Հայաստանն ու Արցախը:

Մայիսը եղել է հայութեան յաղթանակների ամիսը, թող այս նոր յաղթանակը դառնայ շարունակութիւնը հայ ժողովրդի յաղթահարշաւի: Յաղթահարշավ, որի բերկրանքը մշտապէս թող ուղեկցի մեր ժողովրդին»:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։