Հա

Ազգային

10/05/2018 - 11:30

Հրանտ Մարգարեան. «Ժողովրդավարութիւնը չպէտք է հակադրւի անվտանգութեանը»

Մայիսի 8-ին ԱՀ նախագահ Բակօ Սահակեանի է հետ կայացած հանդիպման աւարտին, լրագրողների հետ զրոյցի ժամանակ ՀՅԴ Բիւրոյի ներկայացղուցիչ Հրանտ Մարգարեանն անդրադարձլ է հայաստանեան վերջին իրադարձութիւններին:

«alikonline.ir» - Ինչպէս արդէն տեղեկացրել էինք Արցախի Հանրապետութեան նախագահ Բակօ Սահակեանը մայիսի 8-ին ընդունել է ՀՅԴ Բիւրոյի ներկայացուցիչ Հրանտ Մարգարեանին:

Հանդիպմանը քննարկւել են պետականաշինութեանը, հայրենիքում եւ սփիւռքում տեղի ունեցող մի շարք գործընթացներին առնչւող հարցեր: Տեղեկացնում է «arfd.am»-ը:

Հանդիպման աւարտին լրագրողների հետ զրոյցի ժամանակ Հրանտ Մարգարեանն անդրադարձել է հայաստանեան վերջին իրադարձութիւններին:

«Այսօր հայ ժողովուրդը բաւականին լուրջ օրեր է ապրում: Մի կողմից կայ ուրախութիւն, որ ժողովուրդը ոտքի է կանգնել, յստակ գիտի՝ ինչ չի ուզում, գիտի ինչից է դժգոհ, ինքն իր իրաւունքներին տէր է, բայց միաժամանակ առկայ են մտահոգութիւններ, մտահոգութիւններ, որոնք կապւած են մեր երկրի անվտանգութեան, անցած 30 տարիներին ձեռք բերւած յաջողութիւնների (մասնաւորապէս ազգային հողի վրայ) պահպանման հետ: Բնականաբար, դա մտահոգում է բոլորիս:

Հայ քաղաքական շրջանակը, վերնախաւը եւ քաղաքական դաշտն՝ ընդհանրապէս, ցոյց տւեց, որ մենք այս երեւոյթի դէմ-յանդիման կարողացանք պահել մեր զսպւածութիւնը, կարողացանք չթողնել, որ դիմակայութիւնը հասնի բախումների, չարիւնեց ոչ ոքի քիթ: Դա մեծ առաւելութիւն էր, դա նաեւ մեծ ինքնավստահութիւն պէտք է բերի մեր քաղաքական դաշտին, որ հէնց այս ընթացքով կարողանանք շարունակել, կարողանանք այս ամէնը դրական երեւոյթի վերածել, չթողնենք, որ ժողովրդավարութեան այս ընթացքը հակադրւի մեր անվտանգութեանը եւ կարողանանք լաւ լուծումներ բերել: Կարողանանք չթողնել, որ արտաքին միջամտութիւններ լինեն, թոյլ չտանք, որ այլ ուժեր փորձեն մեր շարժումն օգտագործել իրենց աշխարհաքաղաքական ծրագրերի համար: Շուշիի ազատագրման օրը յաւելեալ խթան է բոլորիս համար գիտակցելու, որ մենք պատասխանատու ենք: Այդ նոյն պատասխանատւութիւնն է թոյլ տւել այս ամէն ինչից անփորձանք դուրս գալ: Այդ պատասխանատւութիւնը պէտք է ստիպի, որ թոյլ չտանք որ ձախողում արձանագրւի ազգային հիմնական հարցերի առումով: Այդ պատասխանատւութեան գիտակցումն է, որ մեզ ինքնազսպումով պէտք է տանի դէպի համերաշխութիւն եւ համերաշխութեամբ` դէպի անցնցում զարգացում»,- մասնաւորապէս ասել է ՀՅԴ Բիւրոյի ներկայացուցիչը:

Յարակից լուրեր

  • Հինգ դաս Ալէն Սիմոնեանին
    Հինգ դաս Ալէն Սիմոնեանին

    Կան մարդիկ, որոնք քաղաքական գործիչ են դառնում իրենց աշխատասիրութեան, համառութեան ու կամքի շնորհիւ: Յարգում եմ այդպիսի մարդկանց, բայց եւ չեմ կարող բաւարարել ընթերցողներիս պահանջ-հարցադրումը` ինչո՞ւ Դուք քաղաքական գործիչ չէք դառնում: Ես չեմ ուզում քաղաքական գործիչ դառնալ, որովհետեւ քաղաքական գործիչներին հետեւելն ու նրանց գործունէութիւնը գնահատելն աւելի հետաքրքիր գործ է ինձ համար:

  • ՀՅԴ Հայ Դատի պատւիրակութիւնը վերահաստատել է կուսակցութեան յանձնառութիւնը
    ՀՅԴ Հայ Դատի պատւիրակութիւնը վերահաստատել է կուսակցութեան յանձնառութիւնը

    Յունւարի 19-ին Արցախի Հանրապետութեան արտաքին գործերի նախարար Մասիս Մայիլեանն ընդունել է ՀՅԴ Հայ Դատի Կենտրոնական խորհուրդի նախագահ, ՀՅԴ Բիւրոյի անդամ Յակոբ Տէր-Խաչատրեանի գլխաւորած պատւիրակութեանը։

  • Լիացած Ռոստոմի յիշատակով
    Լիացած Ռոստոմի յիշատակով

    Երէկ՝ Յունուարի 18-ին լրացաւ ազգային պատմութեան ազատագրական պայքարի, հայ ժողովուրդի ինքնապաշտպանութեան փուլի առասպելական գործիչներէն, ՀՅԴ հիմնադիր երրորդութեան կրտսերագոյն անդամի՝ Ռոստոմի (Ստեփան Զօրեան) մահուան հարիւրերորդ տարելիցը: Ան այս աշխարհէն հեռացաւ 1919-ի այդ օրը, վարակուած բծաւոր տիֆէ:

  • Հրանտ Մարգարեան. «Այդպէս էլ չհասկացան, որ կայ ու կը մնայ Դաշնակցութիւնը»
    Հրանտ Մարգարեան. «Այդպէս էլ չհասկացան, որ կայ ու կը մնայ Դաշնակցութիւնը»

    Արդէն սովորոյթի ուժ է ստացել իւրաքանչիւր Ընդհանուր ժողովի առիթով ասելը, որ այն բացառիկ ազգային-քաղաքական իրավիճակում է տեղի ունենում։ Այսուհանդերձ, ընդունենք, որ նախորդ ժողովին յաջորդած տարիներից իւրաքանչիւրը իսկապէս բացառիկ կարեւոր ու լարւած է եղել մեր ժողովրդի եւ կուսակցութեան համար. յիշենք Հայոց Ցեղասպանութեան հարիւրամեակը, ապրիլեան քառօրեայ պատերազմը, ՊՊԾ գնդի գրաւումը, նոր Սահմանադրութեան ընդունումը, վերջապէս`ժողովրդական մեծ շարժումն ու իշխանափոխութիւնը:

  • Պարզաբանումներ Քաջազնունու հեռագրի վերաբերեալ
    Պարզաբանումներ Քաջազնունու հեռագրի վերաբերեալ

    Վերջին տարիներին տարբեր դրդապատճառներով շատ է շահարկւում Հայաստանի առաջին Հանրապետութեան Կառավարութեան հեռագիրը ուղղւած` Օսմանեան կառավարութեան զինւած մինիստր Էնւեր փաշային: Հեռագիրը ստորագրւած է Հայաստանի Հանրապետութեան Կառավարութեան նախագահ` Յովհաննէս Քաջազնունին, զինւորական մինիստր` Արամ Մանուկեանը եւ Կառավարութեան Խորհրդի նախագահ` Աբրահամ Սահակեանը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։