Հա

Ազգային

12/05/2018

Յակոբ Բագրատունի. «Շարունակելու ենք ծառայել ամբողջ լիբանանահայութեանը»

Լիբանանի խորհրդարանական ընտրութիւններում յաղթած եւ արդիւնքում խորհրդարան անցած ՀՅԴ Լիբանանի Կոնտրանական կոմիտէի անդամ, պատգամաւոր Հակոբ Բագրատունին գրել է.

«alikonline.ir» - Լիբանանի խորհրդարանական ընտրութիւններում յաղթած եւ արդիւնքում խորհրդարան անցած ՀՅԴ Լիբանանի Կոնտրանական կոմիտէի անդամ, պատգամաւոր Հակոբ Բագրատունին գրել է.

«Մայիս 6-ի երեսփոխանական ընտրութիւնները աւարտած են, եւ Լիբանան 21 մայիսին կ՛ունենայ նոր խորհրդարան:

Տակաւին որոշ ժամանակ պիտի խօսուի ընտրութիւններու արդիւնքին, դաշինքներուն, քուէարկողներու թիւի անկումին ընտրուող երեսփոխաններու տեսակին, որակին կամ ներկայացուցչութեան մասին:

Պիտի կատարուին գնահատումներ, ցեխարձակումներ, դաշինքներու հարումներ:

Մեզի համար սակայն յստակ է մէկ բան:

ՀՅ Դաշնակցութեան 4 թեկնածուներէն երեքը այսօր ընտրուած երեսփոխաններ են` հայ քուէարկողներու ջախջախիչ մեծամասնութեամբ ընտրուած:

Ընտրութիւն մը, որ կատարուեցաւ համընդհանուր ճիգերովը ՀՅ Դաշնակցութեան, որուն կողքին ամրօրէն քալեց ՀՅ Դաշնակցութեան գործին հաւատացող մեծաթիւ ընտրազանգուած:

Մեր ընտրաշրջաններուն մէջ երեւցող քուէարկողներու ընդհանուր համեմատութեան բաղդատած` լիբանանահայ քաղաքացիի մասնակցութեան համեմատութիւնը բարձր է առանց դոյզն կասկածի: Այլոց պարտութեան մենք պատասխանատու չենք եւ ոչ ոքի իրաւունքը կու տանք անտեղի մեկնաբանութիւններով հանդէս գալու:

ՀՅ Դաշնակցութիւնը յաղթական դուրս եկաւ այս ընտրութիւններէն:

Բայց մանաւանդ յաղթական դուրս եկաւ Լիբանանի հայութիւնը, որ գիտցաւ իր ճիշդ ընտրութիւնը կատարել կուսակցութեան կողմէ առաջադրուած թեկնածուներուն:

Ինչպէս մեր ելոյթներուն մէջ տեւաբար կը կրկնէինք, եթէ Դաշնակցութեան թեկնածուներուն չքուէարկէ հայ քաղաքացին, անհրաժեշտ է, որ ան քուէարկէ ՍԴՀԿ-ի կամ ՌԱԿ-ի թեկնածուներուն:

Պիտի փափաքէինք մեր երեսփոխաններուն կողքին տեսնել հայկական կուսակցութեանց երեսփոխանները:

Այդպէս չեղաւ:

Ընտրական օրէնքը առիթ տուաւ տարբեր դէմքերու, որ ընտրուին հայկական աթոռներու երեսփոխան:

* * *

Ընտրութիւններու աւարտին, վարձքը կատար բոլոր քուէարկողներուն:

Անոնց, որոնք քուէարկեցին մեր թեկնածուներուն:

Անոնց, որոնք քուէարկեցին միւս կուսակցութեանց թեկնածուներուն:

Անոնց, որոնք մասնակցեցան քուէարկութեան:

Շնորհակալութիւն մեր ընտրազանգուածին: Այն սքանչելի հայերուն, որոնք հպարտութեամբ մասնակից եղան հայկական որոշումը հայութեան մօտ պահելու մեր ձգտումին:

Շնորհակալութիւն արտերկրի մէջ արձանագրուած եւ քուէարկած լիբանանահայերուն, որոնք Լիբանանէն հեռու, քուէարկեցին Լիբանանին, Լիբանանի հայութեան համար:

Շնորհակալութիւն Լիբանան ժամանած հայերուն, որոնք ուզեցին մեզի հետ ըլլալ վճռական այս օրերուն:

Վարձքը կատա՛ր բոլոր անոնց, երէց թէ երիտասարդ, մեր սքանչելի տղոց ու աղջիկներուն, որոնք ամիսներ ամբողջ եւ ընտրութեան օրը հեւքով ու անտրտունջ կատարեցին իրենց վստահուած գործը:

Շնորհակալութիւն Լիբանանի հայութեան:

Մենք պիտի շարունակենք գործել իբրեւ լիբանանցի հայ երեսփոխաններ, իբրեւ ՀՅ Դաշնակցութեան երեսփոխաններ, ամբողջ Լիբանանի հայութեան համար:

Մեզի հետ թէ մեր դէմ քուէարկողներուն համար անխտի՛ր:

Առաջնահերթը` Լիբանանն ու լիբանանահայութիւնն են այսօր մեր երեսփոխաններուն համար:

Հպարտ, ինքնուրոյն եւ ազատ որոշումի տէր Լիբանանի հայութիւն:

Հզօր լիբանանահայութիւն հզօր Լիբանանի համար:

Հզօր լիբանանահայութիւն համայն հայութեան համար»:

«Ազդակ»

Յարակից լուրեր

  • «Քաղաքացիական պայմանագիր»-ի պատգամաւորները Լիբանանում հանդիպել են ՀՅԴ կենտրոնական կոմիտէի ներկայացուցչի հետ
    «Քաղաքացիական պայմանագիր»-ի պատգամաւորները Լիբանանում հանդիպել են ՀՅԴ կենտրոնական կոմիտէի ներկայացուցչի հետ

    ՀՅԴ Լիբանանի կենտրոնական կոմիտէի ներկայացուցիչ, պատգամաւոր Յակոբ Բագրատունին «Շաղզոյեան» կենտրոնում ընդունել է «Քաղաքացիական պայմանագիր» խմբակցութեան պատգամաւորներ Ալէն Սիմոնեանին, Լենա Նազարեանին եւ Հրաչեայ Յակոբեանին։ 

  • Յակոբ Բագրատունին հանդիպել է Լիբանանի նախագահի հետ
    Յակոբ Բագրատունին հանդիպել է Լիբանանի նախագահի հետ

    ՀՅԴ Լիբանանի Կենտրոնական կոմիտէի ներկայացուցիչ, Լիբանանաի խորհրդարանի պատգամաւոր Յակոբ Բագրատունին յուլիսի 27-ին հանդիպել է Լիբանանի Հանրապետութեան նախագահ Միշէլ Աունի հետ:

  • Լիզպոնի գործողութեան 35-ամեակի ոգեկոչման ձեռնարկ
    Լիզպոնի գործողութեան 35-ամեակի ոգեկոչման ձեռնարկ

    27 յուլիսի երեկոյեան ժամը 8:00-ին, «Յակոբ Տէր-Մելքոնեան» սրահը լեցուցած հայորդիներուն, յատկապէս երիտասարդներուն հետ հաղորդակցելու, անոնց պատգամներ փոխանցելու եւ իրենց կատարած վեհ գործողութեան անժամանցելիութիւնն ու կարեւորութիւնը շեշտելու «եկած էին» Սիմոնը, Սագոն, Վաչէն, Արան ու Սեդրակը: Անմահ տղոց անձնուրացութիւնը, խիզախութիւնը, հայկական արժէքներն ու Հայ Դատը, հաւաքական շահերը ամէն բանէ, նոյնիսկ իրենց կեանքէն վեր դասելու անոնց կոչը կը թեւածէին սրահին մէջ` արտասանուած խօսքերուն, այս առիթով պատրաստուած տեսերիզին եւ հոն տրուած արժեւորումներուն ընդմէջէ

  • Նախագահ Աուն ընդունեց Բագրատունին
    Նախագահ Աուն ընդունեց Բագրատունին

    ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի այցելեց հանրապետութեան նախագահ զօր. Միշէլ Աունի, որուն հետ քննարկեց անցնող օրերուն լիբանանեան քաղաքական բեմը յուզող զանազան հարցեր:

  • Մնայունն է որ կայ ու կ՛ապրի
    Մնայունն է որ կայ ու կ՛ապրի

    Մեր ժողովուրդի վերջին հարիւրամեայ պատմութեան մէջ 28 մայիս 1918 թուականը թերեւս ամէնէն խնդրայարոյց թուականներէն մէկը եղած է: Այսօր ալ, թէ՛ Հայաստանի, եւ թէ սփիւռքի մէջ երբեմն կը յամենան հարիւր տարի առաջ մեր ժողովուրդին ու հայրենիքին քաղաքական ճակատագիրին թէ ֆիզիքական գոյատեւման պահպանման հիմնաքարը հանդիսացող այս թուականը տարբեր անուանումներով ներկայացնել

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։