Հա

Ազգային

16/05/2018 - 15:00

Ձեզ ո՞վ է սնանում

Արդարութեան կացինահարները Դաշնակցութեանը մեղադրում են անարդարութեան մեղքով։

Հաւասարութեան ոտնահարները Դաշնակցութեանը այպանում են անհաւասարութեան յանցանքով։

Ազատութեան իրաւունքների կաշկանդները Դաշնակցութեանը պախարակում են ազատութեան իրաւունքների զլացումով։

ՍԵԴՕ ՊՈՅԱՃԵԱՆ

 

Արդարութեան կացինահարները Դաշնակցութեանը մեղադրում են անարդարութեան մեղքով։

Հաւասարութեան ոտնահարները Դաշնակցութեանը այպանում են անհաւասարութեան յանցանքով։

Ազատութեան իրաւունքների կաշկանդները Դաշնակցութեանը պախարակում են ազատութեան իրաւունքների զլացումով։

Խօսքի ազատութեան արգելակողները Դաշնակցութեանը ամբաստանում են խօսքի ազատութեան ոտնահարումով։

Իրանց կազմակերպական գործերը միահեծանութեամբ վարողները Դաշնակցութեանը պիտակաւորում են մենատիրութեաբ։

Իրանց գրպանի շահի համար որեւէ կառավարութեան հետ գործակից եւ մեղսակից դառնալու պատրաստ մարդիկ Դաշնակցութեանը վերագրում են իրանց յետին նպատակները։

Իրանց սեփական շրջանակներում տիւ ու գիշեր կաշառակերութեամբ յղփացողները փորձում են Դաշնակցութեանը պիտակաւորել կաշառակերութեամբ։

Հայ կեանքից ներս յատուկ տեսակ են այս մարդիկը։ Այնպիսի տեսակ, որ մինչեւ իսկ լծուել է Հայկական Ափիւռքը պառակտելու եւ թուլացնելու առաքելութեան՝ օտարոտի յանձնարարականով։

Ախր, հերիք է։ Արժանապատուութիւն չունէ՞ք։ Աւելի ճիշդ, քաջութիւն չունէ՞ք։

Ձեզ պէս խրտուիլակներ շատ է տեսել Դաշնակցութիւնը։ Ձեզմով երբեք էլ չէ մտահոգուած Դաշնակցութիւնը։

Ձեր նման մարդիկ օտարածին դրամանիշով սնանողներ էք։ Շարունակէ՛ք սնանիլ։

Դաշնակցութիւնը սնանում է Հայաստանի անվտանգութեամբ եւ հայրենի ժողովրդի բարգաւաճութեամբ։

Դաշնակցութիւնը սնանում է հայրենիքի անկախութեան պահպանումով եւ ժողովրդավարութեան ամրապնդումով։

Դաշնակցութիւնը սնանում է Արցախի անկախութեամբ եւ Արցախեան հողատարածքների պաշտպանութեամբ։

Դաշնակցութիւնը սնանում է Սփիւռքի անքակտելիութեամբ եւ գաղթօճախների քաղաքականացումով։

Եւ տակաւին Դաշնակցութիւնը սնանում է հայրենական հողատարածքների ազատագրումով։

Դուք սնանում էք ռուբլիով, տոլարով կամ որեւէ այլ օտար դրամանիշով։

Լաւ իմացէ՚ք։ Դաշնակցութիւնը սնանում է միայն միացեալ Հայաստանով, ամբողջական Հայութեամբ, եւ միակամ ու պահանջատէր Սփիւռքով։

Մայիս 15, 2018
Լոս Անճելըս

Յարակից լուրեր

  • Ի՞նչ անել երբ էշդ գողացել են
    Ի՞նչ անել երբ էշդ գողացել են

    Զոյա Թադէոսեանը (արժէ՞ ներկայացնել) Դաշնակցութեանը 24 ժամ է տւել, որ ներողութիւն խնդրի այս օրերին իր հասցէին հնչեցւած «վիրաւորանքների» համար, այլապէս, սպառնացել է` մտքի դրածն անել:

    Հիմա ես մի քիչ կասկածում եմ, որ որեւէ մէկը Զոյա Թադէոսեանից յանկարծ ներողութիւն խնդրի, որովհետեւ, եթէ մէկը կայ, որ պէտք է ներողութիւն խնդրի հայ ժողովրդից (ինչը եւ արեց) ու արցախեան հերոսամարտի զոհերից, դա Զոյա Թադէոսեանն է, որ իր աբսուրդ յայտարարութիւններով մաքուր օդում իսկական ամպրոպ պայթեցրեց: 

  • Հայաստան-Թուրքիա սահմանագծի անվաւերականութիւնը (Սեւրի դաշնագրի հեղինակութիւնը)
    Հայաստան-Թուրքիա սահմանագծի անվաւերականութիւնը (Սեւրի դաշնագրի հեղինակութիւնը)

    Սեւրի դաշնագիրը քաղաքական եւ դիւանագիտական ուրոյն հեղինակութիւն պարտադրող այն հիմնական միջազգային համաձայնագիրն է, որ հետեւողականօրէն կը հաստատէ ու կը վերահաստատէ Հայաստանի եւ Թուրքիոյ այժմու սահմանագծին անվաւեր հանգամանքը։ 98 տարիներ առաջ, 1920 օգոստոս 10-ին ստորագրուած այս դաշնագիրը միջազգային միակ պայմանագիրն է, որ կը բացորոշէ ցարդ չգործադրուած վաւերական սահմանագծումը երկու երկիրներու միջեւ։

  • Ոմանք խանձարուրից, ոմանք վարձկանութիւնից
    Ոմանք խանձարուրից, ոմանք վարձկանութիւնից

    Հակադաշնակցականութիւնը այն ախտն է, որ կրծում եւ մաշեցնում է միայն հակադաշնակցականին։ Շատերի պարագային, անբուժելի է այս հիւանդութիւնը։ Մանաւա՚նդ նրանց պարագային, ովքեր հակադաշնակցական են լինում խանձարուրից կամ վարձկանութիւնից, կամ երկուքից էլ։

  • Սարքուած խայտառակութիւնը
    Սարքուած խայտառակութիւնը

    Մայիս 28-ին, Սարդարապատի յուշահամալիրին առջեւ, սարքւեց խայտառակութիւն մը։ Պարզուած ամօթին գիտակից էին թէ անգիտակից, հայրենի պետական այրերը, միեւնոյնն է։ Կատարուածը մեր պատմութեան դէմ դաւաճանութեան համազօր էր, պատահածը մեր ազգային արժանապատուութեան դէմ նախատինք էր։

  • Ամբողջական Հայաստանի խոստումով ծնաւ հարիւրամեայ հանրապետութիւնը
    Ամբողջական Հայաստանի խոստումով ծնաւ հարիւրամեայ հանրապետութիւնը

    Մեր անկախութեան եւ ազգային պետութեան հիմնադրման հարիւրամեակը մեզի կը շարունակէ յուշել այն պարզ խոստումը, որ Հայաստանի Հանրապետութիւնը ծնաւ ազատագրելու համար մեր ժողովուրդը եւ ամբողջացնելու համար հայրենիքը։

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։