Հա

Ազգային

19/05/2018 - 10:40

Արսէն Համբարձումեան. «Ընտրութիւնների նախապատրաստութեան համար ժամանակ է պէտք»

Չնայած վարչապետ Նիկոլ Փաշինեանի պնդումներին, որ արտահերթ խորհրդարանական ընտրութիւնները պէտք է անցկացւեն հէնց այս տարւայ ընթացքում, քաղաքական շրջանակներում պնդում են, որ դա անհնարին է։ Բանն այն է, որ Վենետիկի յանձնաժողովի որդեգրած սկզբունքների համաձայն՝ Սահմանադրութեան կամ սահմանադրական օրէնքում ընտրակարգի փոփոխութիւնից առնւազն մէկ տարի յետոյ կարող են միայն ընտրութիւններ անցկացնել։ Իսկ առայժմ նոյնիսկ փոփոխութիւնների ժամկէտները յայտնի չեն։

«alikonline.ir» - Չնայած վարչապետ Նիկոլ Փաշինեանի պնդումներին, որ արտահերթ խորհրդարանական ընտրութիւնները պէտք է անցկացւեն հէնց այս տարւայ ընթացքում, քաղաքական շրջանակներում պնդում են, որ դա անհնարին է։ Բանն այն է, որ Վենետիկի յանձնաժողովի որդեգրած սկզբունքների համաձայն՝ Սահմանադրութեան կամ սահմանադրական օրէնքում ընտրակարգի փոփոխութիւնից առնւազն մէկ տարի յետոյ կարող են միայն ընտրութիւններ անցկացնել։ Իսկ առայժմ նոյնիսկ փոփոխութիւնների ժամկէտները յայտնի չեն։

Ի դէպ, ՀՅԴ ԳՄ ներկայացուցիչ Արսէն Համբարձումեանը՝ արտահերթ ընտրութիւնների իրենց պատկերացումների մասին խօսելիս, «hraparak.am»-ի հետ զրոյցում կրկին յիշեցրել է այդ պահանջի մասին՝ ասելով նաեւ, որ ընտրութիւնների երկրորդ նախապայման պէտք է հանդիսանայ քաղաքական ուժերի համաձայնութիւնը, որովհետեւ, Համբարձումեանի խօսքով, պէտք է բոլոր քաղաքական ուժերը, որոնք ցանկութիւն ունեն մասնակցելու ընտրութիւններին, նախապատրաստւելու ժամանակ ունենան․

«Արտահերթ ընտրութիւնները պէտք է անցկացւեն ողջամիտ ժամկէտներում, անկախ քաղաքական հաշւարկներից, ցանկութիւններից եւ մօտեցումներից, Հայաստանում մէկ անգամ պէտք է ունենանք ազատ, անկախ ընտրութիւններ, որը կը լինի նախադէպ յաջորդ ընտրութիւնների համար, իսկ դրա համար ընտրութիւններին պէտք է գնալ լաւ նախապատրաստւած, ինչը ենթադրում է, որ Ընտրական օրէնսգրքում եւ յարակից փաթեթներում պէտք է կատարւեն փոփոխութիւններ, տեխնիկական բազմաթիւ խնդիրների լուծում՝ մատնահետքերի հետ կապւած, էլեկտրոնային քւէարկութեան հետ կապւած, ընտրացուցակների եւ այլն, իսկ այս ամենը ենթադրում է ժամանակ եւ ֆինանսներ»։

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։