Հա

Ազգային

30/05/2018

Ինչ տօն ենք տօնում

Ակնյայտ է, որ որոշ մարդկանց համար այսօր էլ դեռ յստակ չէ, թէ ինչին է նւիրւած 100-ամեակի տօնը, որ համազգային շուքով տօնում ենք այս տարի: Միթէ՞ այդպիսի տպաւորութիւն չի ստացել ցանկացած մարդ ներկայ գտնւելով (եթէ յաջողւել է ներկայ գտնւել) Սարդարապատի տօնակատարութեանը: Ինքս առիթ ունեցայ տանը լինելու եւ հեռուստացոյց միացնելու, երբ հարիւրամեակի համերգին ինչ-որ երիտասարդ փորձում էր անգլերէն երգ երգել եւ հասկանալով, որ այստեղ էլ բան չեմ կորցրել փոխեցի ալիքը:

ԱՐՏԱՇԷՍ ՇԱՀԲԱԶԵԱՆ

 

Ակնյայտ է, որ որոշ մարդկանց համար այսօր էլ դեռ յստակ չէ, թէ ինչին է նւիրւած 100-ամեակի տօնը, որ համազգային շուքով տօնում ենք այս տարի: Միթէ՞ այդպիսի տպաւորութիւն չի ստացել ցանկացած մարդ ներկայ գտնւելով (եթէ յաջողւել է ներկայ գտնւել) Սարդարապատի տօնակատարութեանը: Ինքս առիթ ունեցայ տանը լինելու եւ հեռուստացոյց միացնելու, երբ հարիւրամեակի համերգին ինչ-որ երիտասարդ փորձում էր անգլերէն երգ երգել եւ հասկանալով, որ այստեղ էլ բան չեմ կորցրել փոխեցի ալիքը:

Ուզում եմ մէկ աւելորդ անգամ եւս արձանագրել, որ այս տարի լրանում է Հայոց պետականութեան վերականգնման 100-ամեակը: Յստակօրէն բանաձեւել է անհրաժեշտ, որ 2018 թւականը յոբելեանն է երկուսուկէս տարի գոյատեւած անկախ պետականութեան հիմնադրման, որի հիմքի վրայ էլ, սկզբում գաղութացւած վիճակի մէջ, ապա կրկին անկախաբար, գոյութիւնն է շարունակում Հայոց Հանրապետութիւնը:

Ի՞նչ կապ ունի երկրորդ աշխարհամարտի կցումը այս իրադարձութիւններին:

Այսօր արդէն բարձրաձայնւող փաստ է, որ առաջին Հանրապետութիւնը կործանւեց ռուս-թուրքական գործարքի արդիւնքում: Փաստ է, որ Հայաստանի վրայ նոր թուրքական արշաւանքի ծանր օրերին Ռուսաստանը, ի դէմս Բորիս Լեգրանի, երկիրը յանձնելու վերջնագիր ներկայացրեց Հայաստանի կառավարութեանը, իսկ իշխանութեան խաղաղ փոխանցումից յետոյ, երեւի որպէս երախտագիտութեան արտայայտութիւն թուրքերին նւիրեց Հայաստանի Հանրապետութիւնից այդ պահին բռնազաւթւած մօտ 40 հազար կիլիոմետր տարածքը: Հիմա հարց. անկախութեան նւաճումը եւ արեւեաելահայութեանը թուրքական Ցեղասպանութիւնից փրկելը խորհրդանշող Սարդարապատի յուշահամալիրում 100-ամեակի տարեդարձին ի՞նչ տրամաբանութեամբ է հնչում ռուսական երգն ու պարը:

Ասւածից չի հետեւում, թէ հակառուսական ինչ որ դրսեւորումներ լինէին մեզանում այս օրերին, բայց տեղի ունեցածի տրամաբանութիւնը ո՞րն է, մենք ի՞նչ տօն ենք տօնում:

Չեմ ցանկանում ընկնել նաեւ այլ ծայրայեղութեան մէջ եւ միտումնաւորութիւն տեսնել կատարւածի մէջ, եւ «ամենեցու» նկատմամբ սիրոյ զգացումով տոգորւած եզրակացնում եմ, թէ գործ ունենք պարզ անգիտութեան հետ: Ինչպէս, որ անգիտութեան պէտք է վերագրել Հայաստանի պետականութիւնը եւ նրա կերտողներին փնուող եւ կործանողներին գովերգող, ֆիլմերի աւանդոյթի ուժով ցուցադրումը, տարբեր հեռուստաընկերութիւնների կողմից՝ 100-ամեակի առիթով: Առհասարակ ինչ որ հարցերում անգէտ լինելու համար ոչ ոգու մեղադրել պէտք չէ, ոչ ոք ամենագէտ չէ, բայց ինչո՞ւ պէտք է որեւէ գործ մեզանում անեն նրանք, ովքեր տւեալ գործին հասու չեն: Շրջանառութեան մէջ դրւող գումարնե՞րն են որոշողը, թէ աւելի վեհ պատճառներ կան:

Ազգային ազատագրութեան շրջանի եւ առհասարակ հայրենասիրական բնոյթի մշակութային հսկայ ու հրաշալի ժառանգութիւն ունենք, արւեստագէտ կատարողների տաղանդաւոր սերունդ ունենք, որոնց ներկայութիւնը փափագում են աշխարհի լաւագոյն բեմերը, մենք ինչու ենք անում այն ինչ անում ենք: Այստե՞ղ էլ հարցը հասնում է ձկան գլխին:

Այս տօնական օրերին նման տողեր թերեւս կարելի էր եւ չգրել, բայց եթէ չբարձրաձայնենք վստահաբար երկրորդ հարիւրամեակում էլ չենք ձերբազտւելու սովետական բարքերի ու գաղափարախօսութեան նոստալգիկ մշուշից:

Հայոց պետականութեան հարիւրամեակի տօնակատարութիւնների, գիտաժողովների եւ զանազան այլ միջոցառումների գլխաւոր օգուտը կարծում եմ կը լինի այն, որ մեզանում տեղի ունենայ մտքի յեղափոխութիւն: Մենք անցեալին, ներկային, ապագային ու մեր արժէքներին պէտք է սովորենք նայել մեր ազգային աշտարակից: Օրէօր գլոբալացող աշխարհում, ամէն կողմից փչող գաղափարական, քաղաքական հոսանքներից մեր ազգային ինքնութիւնը կարող է պահպանել միայն ազգային արժէհամակարգը, զրահի վերածւած ազգային տարազը, որ պիտի խտացնի իր մէջ եւ պատմութիւնը եւ անանցելի շահերն ու տեսլականները, եւ դարերով ամբարւած հոգեւոր ու մշակութային ժառանգութիւնը: Դրա համար մենք պէտք է վերադառնանք մեզ՝ մտածենք, արտայայտւենք, ապրենք հայերէն:

Այս առիթով պէտք է աւելացնել, որ մտքի յեղափոխութիւնը աւարտւած չէ: Թէպետ տարին նշանաւորւում է այլ կարեւոր իրադարձութիւններով, սրանց զուգահեռ հարիւրամեակի ասելիքն ու շունչը հարկ է, որ հասցւեն մինչեւ տարեվերջ: Պատկերաւոր ասած պէտք է տեղի ունենայ իրական ազգային ժառանգութեան փոխանցում նոր սերնդին: Յիշենք, դեռեւս տարեսկզբին ոմանք, գրեթէ լռութեան մէջ, քամահրանքով բարձրաձայնում էին Արամ Մանուկեանի վերաբերեալ իրենց անառողջ դատողութիւնները: Այսօր այլեւս Արամ Մանուկեանը բոլոր հայերինն է եւ աներկբայելի հեղինակութիւն: Գործընթացը պէտք է շարունակւի, իսկ դրա համար, փառք Աստծոյ, այս երկրում քիչ չեն համապատասխան պատրաստութեան տէր մարդիկ: Շոումեններն էլ թող զբաղւեն իրենց շոուներով:

«arfd.am»

Յարակից լուրեր

  • Մի յեղափոխութեան պատմութիւն
    Մի յեղափոխութեան պատմութիւն

    Արտաշէս Շահբազեանն իր ֆէյսբուքեան էջում գրել է. «1917 թւականին Ռուսաստանում տեղի ունեցաւ բոլշեւիկների յեղափոխութիւնը: Բոլշեւիկներն այդ ժամանակ երկրում փոքրամասնութիւն էին, 140 միլիոն բնակչութեան մէջ մօտ 30.000, բայց յաղթեցին եւ յայտարարեցին, որ այսուհետ իշխանութիւնը պատկանում է ժողովրդին: Գլխաւոր լոզունգն էր «Ամբողջ իշխանութիւնը բանւորագիւղացիական խորհուրդներին»:

  • Համազգայինի 90-ամեակը` Հանրապետութեան 100-ամեակի հետքերով
    Համազգայինի 90-ամեակը` Հանրապետութեան 100-ամեակի հետքերով

    Համազգային հայ կրթական եւ մշակութային միութեան հիմնադրութեան 90-ամեակը ամէնէն ագուցուած աղերսներով կը կապուի Հայաստանի Հանրապետութեան 100-ամեակին: Համազգայինը ինքը ամէն բանէ առաջ շարունակութիւնն է Հայաստանի Ա. Հանրապետութեան, պարզ այն պատճառով, որ երկրին մէջ պետութիւն կերտած, պետական մշակոյթ, կրթութիւն, համալսարան ստեղծած մարդիկ հիմնադրելով Համազգայինը, փաստօրէն շարունակեցին պետութեան գործունէութիւնը այս անգամ հայրենիքի սահմաններէն դուրս:

  • Այսօր Վահան Յովհաննիսեանի կարիքը կայ, եւ դա զգալի է նաեւ բարոյական առումով
    Այսօր Վահան Յովհաննիսեանի կարիքը կայ, եւ դա զգալի է նաեւ բարոյական առումով

    «Այսօր, իսկապէս, Վահան Յովհաննիսեանի կարիքը կայ, եւ դա զգալի է նաեւ բարոյական առումով: Այս դաշտը, որ ունենք այսօր, շատ է շեղւում իր բարոյական չափանիշներից, եւ Վահան Յովհաննիսեանի պէս մարդն այսօր շատ պէտք էր մեր կողքին»,- «yerkir.am»-ի հետ զրոյցում անկեղծացաւ Վահան Յովհաննիսեանի կուսակից ընկեր Արտաշէս Շահբազեանը:

  • Խմբագրական. Իրաւապայմանագրային բարձրակէտը կեանքի կոչելու համար (Սեւրի դաշնագիրին 98-ամեակին առիթով)
    Խմբագրական. Իրաւապայմանագրային բարձրակէտը կեանքի կոչելու համար (Սեւրի դաշնագիրին 98-ամեակին առիթով)

    Հայաստանի Հանրապետութեան 100-ամեակի նշումները առիթ էին եւ առիթ են վեր առնելու հանրապետութեան կարճատեւ ժամանակաշրջանին իրագործուած պատմաքաղաքական կարեւորագոյն իրադարձութիւնները եւ այժմէական կարգով զանոնք լուսարձակի տակ բերելու: Տարին դեռ յոբելենական է եւ կայ մօտեցում, որ ընթացիկ երկուքուկէս տարուան ընթացքին այս նշումները նոյն հայեցակարգային դիտանկիւնէն պիտի շարունակեն արծարծել ճակատագրորոշ խնդիրները:

  • Ով է դաշնակցականը
    Ով է դաշնակցականը

    Թւում է թէ հարցն ունի յստակ եւ պարզ պատասխան. դաշնակցականը հայրենասէր հայն է, ով պատրաստ է ծառայել հայութեանն ու հայրենիքին եւ եթէ հարկ լինի նաեւ կեանքը զոհաբերել յանուն նրանց: Այնուհետեւ: Դաշնակցականը այն հայն է, ով ձգտում է արդարութեան հայ հաւաքականութեան եւ անհատ հայ մարդու համար եւ պատրաստ է պայքարելու իր ազգակիցների քաղաքական-քաղաքացիական, սոցիալական, տնտեսական եւ այլ իրաւունքների համար: Ընդհանուր ձեւակերպմամբ կարծես թէ այսքանը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։