Հա

Ազգային

12/06/2018 - 14:50

««Ով մեզ հետ չէ, մեր դէմ է» սկզբունքը յիշեցնում է ստալինեան ժամանակաշրջանը». Ռուստամեանը` ՀՀ կառավարութեան նիստում միջադէպի մասին

Բոլորս պէտք է յարգանքով մօտենանք միմեանց տեսակէտներին, մանաւանդ` երբ տեսակէտ է յայտնում ոչ միայն պարզապէս նախարար Արծւիկ Մինասեանը, այլ նա պաշտպանում է ՀՅԴ-ի մօտեցումը, որը վաղուց ի վեր յայտնի է եղել. խորհրդարանում լրագրողների հետ զրոյցում յայտարարեց ՀՅԴ Բիւրոյի քաղաքական ներկայացուցիչ, ՀՀ ԱԺ ՀՅԴ խմբակցութեան ղեկավար Արմէն Ռուստամեանը` անդրադառնալով երէկ՝ յունիսի 11-ին ՀՀ կառավարութեան նիստում տեղի ունեցած միջադէպին: 

«alikonline.ir» - Բոլորս պէտք է յարգանքով մօտենանք միմեանց տեսակէտներին, մանաւանդ` երբ տեսակէտ է յայտնում ոչ միայն պարզապէս նախարար Արծւիկ Մինասեանը, այլ նա պաշտպանում է ՀՅԴ-ի մօտեցումը, որը վաղուց ի վեր յայտնի է եղել. խորհրդարանում լրագրողների հետ զրոյցում յայտարարեց ՀՅԴ Բիւրոյի քաղաքական ներկայացուցիչ, ՀՀ ԱԺ ՀՅԴ խմբակցութեան ղեկավար Արմէն Ռուստամեանը` անդրադառնալով երէկ՝ յունիսի 11-ին ՀՀ կառավարութեան նիստում տեղի ունեցած միջադէպին: Գրում է «yerkir.am»-ը:

Յիշեցնենք, որ երէկ ՀՀ կառավարութիւնը ուժի մէջ թողեց կենսաթոշակային համակարգի պարտադիր բաղադրիչը:

Ռուստամեանն ընդգծեց, որ ՀՅԴ-ն ընկերվարական կուսակցութիւն է եւ առնւազն երեք պատճառով մերժում է կուտակային կենսաթոշակային համակարգի պարտադիր բաղադրիչը:

«Մենք կողմ ենք սերունդների համերաշխութեան սզկբունքին: Բացի այդ` սեփականութեան իրաւունք գոյութիւն ունի, եւ սեփականութեան տնօրինողը սեփականատէրն է: Պարտադրանքով ստիպել, որ իր եկամուտների մի մասն այս կամ այն կողմ ուղղի, նոյնպէս հակասում է մեր սկզբունքներին: Երրորդ պատճառն այն է, որ մենք չենք տեսնում, որ ժողովրդի սոցիալական վիճակն այն աստիճան է բաւարարւած, որ կան յաւելեալ եկամուտներ, միջոցներ, որ անձը կարող է տրամադրել` թէկուզ ապագայում որոշակի ակնկալիքների համար: Մենք այսօրւայ սոցիալական նւազագոյն խնդիրները չենք լուծել: Աղքատութեան շեմն այսքան բարձր է, թէպէտ իրականում երկու անգամ աւելի շատ է, քան պաշտօնական թիւը, բայց այդ պարագայում էլ ունենք հսկայական աղքատութիւն: Չյաղթահարելով սոցիալական խնդիրները` մարդուն ասել` այսօրւայ հարցերդ թող, ապագայիդ մասին մտածի, սկզբունքորեն մեզ համար անընդունելի է: Ուստի մենք այս դիրքորոշումը պաշտպանել, պաշտպանում եւ կը պաշտպանենք, որովհետեւ սա մեր հիմնարար գաղափարն է»,- շեշտեց Ռուստամեանը:

Նրա խօսքով` ՀՀ կառավարութիւնը պէտք է քննարկումներ անի, եւ ամէն մէկն իր տեսակէտները կարող է հնչեցնել, բայց կառավարութիւնը նաեւ քաղաքական եւ կոլեգիալ մարմին է: «Կառավարութիւնը միանձնեայ որոշումներով չէ, որ անպայման պէտք է առաջ գնայ, վատ չի ձգտել համախոհութեան, բայց եթէ կան տարակարծութիւններ գլխաւոր սկզբունքային հարցերի շուրջ, ոչ ոք չի կարող որեւէ մէկին ստիպել, որ նա քւէարկի, որովհետեւ մեծամասնութիւնն այդպէս է ուզում: Այդ մեթոդները մեզ հին ու «բարի» ժամանակներն են յիշեցնում, որը մեզ համար բացարձակապէս անընդունելի են: Մենք երբեք կողմ չենք եղել պարտադրանքով համահաւասարեցմանը եւ միաձայնացմանը: Դաշնակցութիւնն, իր սկզբունքներին հաւատարիմ լինելով, այդ միաձայնութեան մէջ չկայ»,- ընդգծեց ՀՅԴ-ական պատգամաւորը:

Դիտարկմանը` ՀՀ վարչապետը հասկացրեց` եթէ մեզ հետ չէք, դէմ էք, Ռուստամեանն արձագանգեց. «Ես այդ գաղափարախօսութիւնը կտրականապէս մերժում եմ. «ով մեզ հետ չէ, մեր դէմ է» սա էլ յիշեցնում է ստալինեան ժամանակաշրջանը: Ի՞նչ է նշանակում` ով մեզ հետ չէ, մեր դէմ է: Մենք մեր սկզբունքների եւ մօտեցումների պաշտպանն ենք, եւ մենք, եթէ որեւէ դաշինքի, կոալիցիայի կամ որեւէ համագործակցութեան մէջ մտնում ենք, մեր սկզբունքներից չենք հրաժարւում»:

Ինչ վերաբերում է Մինասեանի կողմ քւէարկելուն, նա ասաց, որ ընդունում են` այն, ինչ կատարւել է քայլ առաջ է եղածի համեմատ: «Այո, քայլ առաջ է, բայց պարտադիր բաղադրիչը չի վերանում` 2.5 տոկոս կը լինի, 5, թէ 10 տոկոս: Պէտք է պարտադիր բաղադրիչը վերանայ: Եթէ մենք շեշտը դնում ենք այն բանի վրայ, որ  արդէն ունենք վստահութիւն վայելող կառավարութիւն ու իշխանութիւն, ուրեմն ընդհանրապէս պարտադրանքի խնդիր չկայ: Եթե մարդիկ վստահում են, ուրեմն կամաւոր կը գնան եւ այդ վճարները կը կատարեն ֆոնդերին»,- նշեց Ռուստամեանը:

Նա ընդգծեց, որ  ստեղծւած իրավիճակը բարեփոխելու եւ դէպի կամաւորութիւնը գնալու խնդիր կայ, եթէ նման ծրագրւած քայլ կատարւի, ապա իրենք դէմ չեն լինի միջանկեալ քայլ կատարելուն:

«Բայց չի երեւում` վերջապէս հասնելո՞ւ ենք կամաւորութեան, թէ՞ ոչ: Աւելին` եկամտահարկի հետ կապւած փոփոխութիւններ կատարելուց յետոյ, նորից վերադառնալու ենք հին վիճակին: Ըստ էութեան` հարցի լուծումը սկզբունքային առումով չի կատարւում` պարտադիրից հրաժարւո՞ւմ ենք, թէ՞ ոչ: Մենք դրա համար Սահմանադրական դատարան ենք գնացել ու մեր մօտեցումները չենք կարող ու չենք պատրաստւում փոխել կոնիւնկտուրայից կամ քաղաքական իրավիճակի փոփոխութիւնից ելնելով»,- նշեց Ռուստամեանը:

Ինչ վերաբերում է Փաշինեանի այն մեղադրանքին, որ ՀՅԴ-ն պառակտութիւն է մտցնում կառավարութեան մէջ, Ռուստամեանն ասաց, որ այդպէս հարցը սրելը ճիշտ չէ: «Այդ պարագայում պէտք է ընդհանրապէս վերացւի կառավարութիւնում քւէարկութիւնը, ինչի՞ ենք քւէարկութիւն կատարում, անիմաստ է, եթէ պէտք է բոլորս միասին լինենք, որ ցոյց տանք` պառակտում չենք մտցնում: Ուրեմն հանենք այդ քւէարկութիւնը, բայց դա իմաստ ունի, չէ՞: Սահմանադրութիւնն էլ փոխւել է` այդ տրամաբանութիւնը ֆիքսելով` կայ կառավարութիւն, եւ կառավարութեան մէջ ամէն մէկն այդ ոլորտում պատասխանատու է, իսկ վարչապետն էլ կառավարում ու համադրում է, այլ ոչ թէ փոխարինում կառավարութիւնը»,- ասաց նա:

Ռուստամեանը յաւելեց. «Սուպերվարչապետութիւնից էինք խօսում, հիմա էլ խնդիր կայ: Հարցերի հարցը պէտք է լինի այն, որ վարչապետի լիազօրութիւնները պակասեցնելու յստակ քայլեր կատարւեն, ինչի մասին մենք խօսել ենք»:

Յարակից լուրեր

  • «Փաստ». «Փաշինեանին Տէր-Պետրոսյանն է յուշել Քոչարեանին խաղից արագ հանելու գաղափարը»
    «Փաստ». «Փաշինեանին Տէր-Պետրոսյանն է յուշել Քոչարեանին խաղից արագ հանելու գաղափարը»

    «Փաստ» թերթը գրում է. «Վերջին շրջանում բաւական շատ է խօսւում այն մասին, որ Նիկոլ Փաշինեանի տեսքով քաղաքական ասպարէզ է վերադարձել ՀՀ առաջին նախագահ Լեւոն Տէր-Պետրոսեանը: Այդ խօսակցութիւններն աւելի ակտիւացան, երբ պաշտօններ ստացան ակնյայտ «լեւոնական» գործիչներ (Տիգրան Յակոբեան, Վլադիմիր Կարապետեան եւ այլն):

  • Ջուլիանին կոչ է անում աւելացնել ճնշումն Իրանի վրայ
    Ջուլիանին կոչ է անում աւելացնել ճնշումն Իրանի վրայ

    Իր ընդգծւած հակաիրանական հայեացքներով յայտնի, ԱՄՆ նախագահի փաստաբան, Նիւ Եօրքի նախկին քաղաքապետ Ռոդի Ջուլիանին ելոյթով հանդէս է եկել Վարշաւայում ընթացող «Խաղաղութիւնն ու անվտանգութիւնը Մերձաւոր Արեւելքում» խորհրդաժողովում. տեղեկացնում է «Agence France-Presse»-ը:

  • Արծւիկ Մինասեան. «Կառավարութեան ծրագիրը զերծ է գաղափարական յենքից»
    Արծւիկ Մինասեան. «Կառավարութեան ծրագիրը զերծ է գաղափարական յենքից»

    Պարգեւավճարների հետ կապւած բարձրաստիճան անձինք մեկնաբանում են օրէնքները՝ կամ չծանօթանալով, կամ սխալ մեկնաբանութիւն տալով: Այս մասին լրագրողների հետ հանդիպման ժամանակ ասաց  ՀՅԴ մասնագիտական յանձնախմբերի համակարգող Արծւիկ Մինասեանը:

  • Արծւիկ Մինասեան. «Սահմանադրական առումով ունենք թերի կառավարութիւն»
    Արծւիկ Մինասեան. «Սահմանադրական առումով ունենք թերի կառավարութիւն»

    Անցած տարի Դաշնակցութիւնը հրապարակեց իր սոցիալ-տնտեսական քաղաքականութեան դրոյթները, որը պէտք է հիմք հանդիսանայ ցանկացած կառավարութեան եւ պետական ու հանրային ծրագրին Դաշնակցութեան կողմից տրւող գնահատականների համար: Այս մասին լրագրողների հետ հանդիպմանը ասաց ՀՅԴ մասնագիտական յանձնախմբերի համակարգող Արծւիկ Մինասեանը՝ յիշեցնելով, որ Դաշնակցութիւնը կառավարութեան ծրագրի վերաբերեալ արդէն հրապարակել է իր մասնագիտական եւ քաղաքական գնահատականը, առաջիկայում այս փաստաթուղթը կը հրապարակւի ամբողջ ծաւալով:

  • ՀՅԴ ներկայացուցիչները հանդիպում են ունեցել Հայաստանում Իրանի դեսպանի հետ
    ՀՅԴ ներկայացուցիչները հանդիպում են ունեցել Հայաստանում Իրանի դեսպանի հետ

    ՀՅԴ Բիւրոյի նախագահ Արմէն Ռուստամեանը, Բիւրոյի անդամ Արսէն Համբարձումեանը եւ ՀՅԴ Հայաստանի ԳՄ ներկայացուցիչ Իշխան Սաղաթելեանը փետրւարի 12-ին հիւրընկալւել են ՀՀ-ում ԻԻՀ դեսպան Սէյէդ Քազեմ Սաջջադին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։