Հա

Ազգային

02/07/2018 - 14:00

Ադրբեջանը չի թաքցնում իր ռազմական յաւակնութիւնները. պէտք է ամէն րոպէ պատրաստ լինենք պատերազմի

Ադրբեջանը չի թաքցնում իր ռազմական յաւակնութիւնները եւ անգամ նրանց պաշտպանութեան նախարարն է բացայայտ յայտարարում, որ Իլհամ Ալիեւը իրենց հրահանգել է պատրաստ լինել պատերազմի։ Ինչ վերաբերում է զօրահանդէսին, ապա սովորաբար զօրահանդէսների ժամանակ զինատեսակների ցուցադրումն ուժի ցուցադրում է նշանակում եւ դրան կարող են յաջորդել կամ չյաջորդել ռազմական գործողութիւններ։ 

«alikonline.ir» - «Ադրբեջանը չի թաքցնում իր ռազմական յաւակնութիւնները եւ անգամ նրանց պաշտպանութեան նախարարն է բացայայտ յայտարարում, որ Իլհամ Ալիեւը իրենց հրահանգել է պատրաստ լինել պատերազմի։ Ինչ վերաբերում է զօրահանդէսին, ապա սովորաբար զօրահանդէսների ժամանակ զինատեսակների ցուցադրումն ուժի ցուցադրում է նշանակում եւ դրան կարող են յաջորդել կամ չյաջորդել ռազմական գործողութիւններ։ Բացի դրանից, այդ զօրահանդէսն ունի նաեւ հոգեբանական ազդեցութեան գործօն, բայց, եթէ հետեւում ենք Ադրբեջանի վերջին շրջանի գործողութիւններին՝ թէկուզեւ Նախիջեւանի հատւածում, երբ չէզոք գօտու հաշւին իրենց համար որոշակի բարելաւումներ են արել, բայց հանրութեանը մատուցում են դա իբրեւ «ազատագրում» կամ ձեռքբերում, ապա սա նշանակում է նաեւ իրենց ժողովրդին հոգեբանօրէն պատրաստել պատերազմի»,- «Առաջին լրատւական»-ի հետ զրոյցում ընդգծեց ՀՅԴ Հայաստանի ԳՄ անդամ, ռազմական փորձագէտ Արթուր Եղիազարեանը՝ խօսելով յունիսի 26-ին Ադրբեջանում տեղի ունեցած զօրահանդէսի մասին։ 

Ռազմական փորձագէտի խօսքերով, հայկական կողմը միշտ պէտք է գիտակցի, որ պատերազմը չի աւարտւել եւ ունենք մի այնպիսի հակառակորդ, որից ամէն րոպէ սպասելի են ռազմական գործողութիւններ։ 

«Մենք պէտք է հասկանանք, որ այդ երկիրը մեր թշնամին է եւ ամէն րոպէ պէտք է համապատասխան ձեւով պատրաստ լինենք՝ եւ դիւանագիտական դաշտում եւ ռազմական դաշտում համարժէք արձագանգելու համար։ 

Հայկական բանակը հասկանում է վտանգը, հասկանում է ռիսկերը՝ յատկապէս 2016 թւականի ապրիլեան գործողութիւններից յետոյ եւ այս առումով բաւականին լուրջ աշխատանքներ են տարւել բոլոր ուղղութիւններով՝ սկսած մարտավարական պատրաստութիւնից ընդհուպ մինչեւ անձնակազմի բարոյահոգեբանական պատրաստութիւն»,- շեշտեց Եղիազարեանն ու միեւնոյն ժամանակ յաւելեց․ 

«Այս իրավիճակում մեր մօտեցումը պէտք է լինի այնպիսին, որ մենք ամէն օր պէտք է սպասենք, եթէ անգամ չկայ այդ վտանգը՝ կապ չունի, մենք պէտք է սպասենք․ այս հոգեբանութեամբ պէտք է այսօր մեր ծառայութիւնը տանենք, որովհետեւ ունենք այնպիսի հակառակորդ, որը իրենց համար յարմար պահի դէպքում չի վարանելու փորձել զինւած ճանապարհով խնդիրը լուծել, ինչպէս դա եղաւ 2016 թւականի ապրիլին, առաւել եւս այն պարագայում, երբ տարածաշրջանային որոշակի փոփոխութիւններ են սպասւում եւ դրա հետ կապւած դիրքաւորումներ են կատարում այդ երկրները, ուստի մենք այս հանգամանքները չպէտք է անտեսենք եւ պիտի աւելի մեծացնենք մեր զգօնութիւնը»։

Յարակից լուրեր

  • Նախիջեւան. ռազմաքաղաքական հարցեր
    Նախիջեւան. ռազմաքաղաքական հարցեր

    Եթէ ուշադիր հետեւենք, վերջին երկու տասնամեակների կտրւածքով, Նախիջեւանի շուրջ ներքին ու արտաքին զարգացումներին, ապա դժւար չէ նկատել, որ այդ ուղղութեամբ մեդիա տիրոյթում առկայ է տեղեկատւութեան սղութիւն, որը մենք պայմանականօրէն անւանում ենք տեղեկատւական վակուում։ Նախիջեւանեան գործընթացների վերաբերեալ տեղեկատւութեան խիստ սահմանափակութեան հանգամանքը թերեւս ունի ինչպէս օբեկտիւ, այնպէս էլ սուբեկտիւ դրդապատճառներ։ Նախ՝ տպաւորութիւն է ստեղծւում, որ նշեալ ժամանակաշրջանում տարածաշրջանային ու, առհասարակ, միջազգային գործընթացներում նւազել է Նախիջեւանի նշանակութիւնը, հետեւաբար` դրա վերաբերեալ մամուլում տեղ գտած անդրադարձները առանձնացել են տեղեկատւութեան սահմանափակութեամբ։ Միւս կողմից` թերեւս դժւար է չհամաձայնել, որ նախիջեւանեան գործընթացների ուղղութեամբ տեղեկատւական հոսքերը, խոշոր հաշւով, վերահսկելի են, ուստի այդ զարգացումների վերաբերեալ լրատւութիւնը ներկայացւում է այնքան, որքան անհրաժեշտ է, այնպէս, ինչպէս պէտք է։

  • Բաբայեան. «Ադրբեջանը թաքցնում է իր երկրում պահւող հայ գերիների մասին տեղեկութիւնները»
    Բաբայեան. «Ադրբեջանը թաքցնում է իր երկրում պահւող հայ գերիների մասին տեղեկութիւնները»

    Ադրբեջանի քաղաքացուն ազատ արձակելու Ստեփանակերտի քայլը, դժբախտաբար, չի ազդի Ադրբեջանում գերութեան մէջ գտնւող հայերին ազատ արձակելու վրայ։ 

  • Ադրբեջանցին Արցախի Հանրապետութեան քաղաքացիութիւն ստանալու խնդրանքով ԱԳՆ է դիմել
    Ադրբեջանցին Արցախի Հանրապետութեան քաղաքացիութիւն ստանալու խնդրանքով ԱԳՆ է դիմել

    Ադրբեջանի Հանրապետութեան քաղաքացի Ռաշադ Ալիզադէն դիմել է Արցախի Հանրապետութեան արտաքին գործերի նախարարութեանը՝ Արցախի Հանրապետութեան քաղաքացիութիւն ստանալու խնդրանքով:

  • Թող Իսրայէլը ԱԹՍ վաճառի Ադրբեջանին. Փաշինեանը չի փչացնի յարաբերութիւնները Իրանի հետ
    Թող Իսրայէլը ԱԹՍ վաճառի Ադրբեջանին. Փաշինեանը չի փչացնի յարաբերութիւնները Իրանի հետ

    Իսրայէլի պաշտպանութեան նախարարութիւնը թոյլ է տւել «Aeronautics Defense Systems Ltd» ընկերութեանը վերսկսել Ադրբեջանին «Orbiter 1K» մարտական անօդաչու-կամիկաձեներ առաքելը։ Պաշտօնատար անձինք շարունակում են մնալ պատժամիջոցների տակ, բայց ընկերութիւնն այսուհետ ազատ է իր գործողութիւններում։ Տարօրինակ ոչ մի բան չկայ, որ նման որոշում ընդունւել է հէնց այս ժամանակահատւածում։ 

  • Ռուբէն Յակոբեան. «Արցախեան հարցում ինչ-որ գործընթաց է սկսւել, պատերազմը հեռու չէ»
    Ռուբէն Յակոբեան. «Արցախեան հարցում ինչ-որ գործընթաց է սկսւել, պատերազմը հեռու չէ»

    ՀՀ վարչապետ Նիկոլ Փաշինեանի ու Ադրբեջանի նախագահ Իլհամ Ալիեւի հանդիպման ընթացքում խօսւել է ղարաբաղեան հակամարտութեան մասին: Այս մասին Tert.am-ի հետ հարցազրոյցում ասաց «Ակունք» քաղաքական վերլուծութիւնների կենտրոնի տնօրեն, ԳԽ եւ ԱԺ նախկին պատգամաւոր Ռուբէն Յակոբեանը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։