Հա

Ազգային

15/07/2018

Ամերիկացի կոնգրեսականը շարունակում է ԱՄՆ ֆիննախից պահանջել Հայաստանի հետ նոր հարկային համաձայնագրի կնքում

Ամերիկացի կոնգրեսական Բրեդ Շերմանը, որը Ներկայացուցիչների պալատի Ֆինանսական ծառայութիւնների եւ Արտաքին քաղաքականութեան հարցերով յանձնաժողովների բարձրաստիճան անդամ է, դիմել է ԱՄՆ-ի ֆինանսների նախարարին`կոչ անելով բանակցութիւններ սկսել Միացեալ Նահանգների ու Հայաստանի միջեւ նոր հարկային համաձայնագիր կնքելու ուղղութեամբ։

«alikonline.ir» - Ամերիկացի կոնգրեսական Բրեդ Շերմանը, որը Ներկայացուցիչների պալատի Ֆինանսական ծառայութիւնների եւ Արտաքին քաղաքականութեան հարցերով յանձնաժողովների բարձրաստիճան անդամ է, դիմել է ԱՄՆ-ի ֆինանսների նախարարին`կոչ անելով բանակցութիւններ սկսել Միացեալ Նահանգների ու Հայաստանի միջեւ նոր հարկային համաձայնագիր կնքելու ուղղութեամբ։ Տեղեկացնում է «tert.am»-ը:

ԱՄՆ-ի Հայ Դատի յանձնախմբի գրասենեակի փոխանցմամբ՝ Ֆինանսական հարցերով յանձնաժողովի նիստի ժամանակ Շերմանը դիմել է ֆինանսների նախարար Ստիւեն Մնուչինին՝ կոչ անելով համագործակցել Հայաստանի կառավարութեան հետ նոր հարկային համաձայնագրի կնքման շուրջ, ինչը հնարաւորութիւն կը տայ վերացնել կրկնակի հարկումը՝ ձերբազատելով երկկողմ տնտեսական յարաբերութիւնների, ներդրումների զարգացման ուղու վրայ գտնւող գլխաւոր խոչընդոտից:

Յայտնի է, որ ԱՄՆ-ի Հայ Դատի յանձնախմբի գործադիր տնօրէն Արամ Համբարեանը ողջունել է կոնգրեսականի քայլը, որն ուղղւած է ԱՄՆ-ի ու Հայաստանի միջեւ տնտեսական համագործակցութեան ընդլայնմանն ու կապերի սերտացմանը։

Աւելի վաղ Մնուչինը Կոնգրեսում լսումների ժամանակ յայտարարել էր, որ նախարարութիւնն իր աշխատակազմից ռեսուրսներ կը տրամադրի ԱՄՆ-Հայաստան կրկնակի հարկման մասին համաձայնագրի վերանայման համար:


Յիշեցնենք, որ ԱՄՆ Կոնգրեսի Ներկայացուցիչների պալատի անդամներ Դեւիդ Վալադաոն (հանրապետական) եւ Բրեդ Շերմանը (դեմոկրատ) ու եւս 29 կոնգրեսական կոչ էին  արել ԱՄՆ ֆինանսների նախարարին վերանայել Հայաստանի հետ գործող Կրկնակի հարկման մասին համաձայնագիրը՝ նշելով, որ այն կնքւել է 40 տարի առաջ՝ դեռեւս ԽՍՀՄ գոյութեան տարիներին:

Կոնգրեսականների յղած նամակում ընդգծվում է, որ «հնացած» փաստաթուղթը չի արտացոլում գլոբալիզացւած աշխարհի աւելացող բարդութիւնները, ինչպէս նաեւ հայ եւ ամերիկացի ժողովուրդների բարեկամութիւնը: Նրանց կարծիքով՝ միջազգային հարկային համակարգի բարդութիւնները չպէտք է յետ պահեն ամերիկեան ու հայկական ընկերութիւններին կրկնակի հարկման պատճառով միմեանց հետ բիզնես համագործակցութիւն վարելու ցանկութիւնից:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։