Հա

Ազգային

30/07/2018 - 14:40

Ակնարկ. Սահմանի բացման ենթաուղերձն ու սպասուող բուն ուղերձը

«Հայաստանը պատրաստ է առանց որեւէ նախապայմանի բացել Թուրքիայի հետ սահմանը»: «Ժազիրա» պատկերասփիւռի կայանին տուած հարցազրոյցին մէջ այս մասին յայտարարեց Հայաստանի Հանրապետութեան վարչապետ Նիկոլ Փաշինեան:

Լուրի կամ աւելի ճիշդը խորագիրի հաւաստիութիւնը խնդրոյ առարկայ է: Մանաւանդ որ սահմանի փակումէն ի վեր Երեւանի արտաքին քաղաքականութեան այս գերակայ ուղղութեան վերաբերող խնդիրին մէջ միշտ ցուցաբերուած է հետեւողականութիւն` սահմանի փակումին ամբողջական պատասխանատուութիւնը բարդելով Անգարայի ուսերուն:

«Հայաստանը պատրաստ է առանց որեւէ նախապայմանի բացել Թուրքիայի հետ սահմանը»: «Ժազիրա» պատկերասփիւռի կայանին տուած հարցազրոյցին մէջ այս մասին յայտարարեց Հայաստանի Հանրապետութեան վարչապետ Նիկոլ Փաշինեան (news.am):

Լուրի կամ աւելի ճիշդը խորագիրի հաւաստիութիւնը խնդրոյ առարկայ է: Մանաւանդ որ սահմանի փակումէն ի վեր Երեւանի արտաքին քաղաքականութեան այս գերակայ ուղղութեան վերաբերող խնդիրին մէջ միշտ ցուցաբերուած է հետեւողականութիւն` սահմանի փակումին ամբողջական պատասխանատուութիւնը բարդելով Անգարայի ուսերուն: Անգարան է, որ պատրուակելով կամ ուղղակի պատճառներէն մէկը նկատելով Արցախի մէջ հայկական ուժերու ներկայութիւնը, փակած է Հայաստանի հետ սահմանը: Ո՛չ միայն փակած է, այլ այս մասին նաեւ յայտարարած եւ տակաւին` Երեւան-Անգարա յարաբերութիւններու ձեռնարկման կամ բնականոնացման նախապայմաններէն մէկը նկատած:

Նախապայմանային քաղաքականութիւն կիրարկելու իրողութիւնը Երեւանի կողմէ կը շարունակուի մատնացոյց ըլլալ միջազգային հանրային կարծիքին եւ միջազգային ընտանիքին ընդհանրապէս: Եւրոպայի վերջին փակ սահմանի մասին բազմիցս արտայայտուած են Երեւանի ներկայացուցիչները տարբեր առիթներու:

Լրատուութեան մէջ կը փարատի այս մասին տարբերութիւն մտցնելու հաւանականութիւն, երբ վարչապետը կը վերահաստատէ, որ «գիտէք` խնդիրն այն է, որ Հայաստանը չի փակել Թուրքիայի հետ սահմանը: Իրականում Թուրքիան է փակել Հայաստանի հետ սահմանը: Իրականում հայկական կողմից սահմանը բաց է, եւ որոշումը Թուրքիան պէտք է կայացնի»:

Տարածաշրջանային ներկայ խնդիրներն ու Թուրքիոյ ներգրաւուածութիւնը այդ բոլորին մէջ չեն յուշեր, որ Երեւանի հետ յարաբերութիւններու բնականոնացման կամ սահմանի բացման մասին բանակցութիւններու ձեռնարկելու կարելիութիւնները բարձր են: Միանձնեայ կառավարման համակարգ օրինականացուցած, աշխարհին հետ սպառնալիքներով խօսող եւ ներքին սուր հարցեր դիմագրաւող Անգարան գէթ ներկայ պահուն Երեւանի հետ յարաբերութիւններու բնականոնացման կամ դիւանագիտական կապերու հաստատման համար բանակցութիւններու նախաձեռնելու պատճառներ չունի:

Այս բոլորով հանդերձ քաղաքականօրէն նպատակայարմար է միջազգային հանրութեան ամէն առիթի շեշտելը, որ Երեւանը համաձայն է առանց նախապայմաններու յարաբերութիւններու բնականոնացման ձեռնարկելու: Այստեղ թէեւ միայն սահմանի բացման մասին է խօսքը, սակայն պարզ է, որ սահմանի բացման որոշումին յանգիլը պէտք է դիտարկել դիւանագիտական կապերու հաստատման ընդհանուր համաձայնութեան շրջագիծին մէջ:

Եթէ ոչ անպայման ներկայ պահուն, բայց հետագային պիտի հետեւի հայկական կողմէն յայտարարութեան երկրորդ բաժին մը: Հայկական կողմը միջազգային ընտանիքի առաջադրած ծրագիրներուն ընդառաջ քայլեր առնելու պատրաստ է, հետեւաբար հանգուցալուծման արգելակող կողմն ու ընդառաջող կողմը միեւնոյն պահուածքին արժանի չեն: Յար եւ նման արցախեան հարցի կարգաւորման համար որդեգրուած դիրքորոշումներուն, միջնորդներու կոչերուն եւ կայացած պայմանաւորուածութիւնները յարգելու եւ ընդհանրապէս ցարդ արձանագրուածներուն առումով համահաւասարեցում պէտք չէ կիրարկել կողմերուն նկատմամբ:

Պաշտօնական Երեւանը բարձրագոյն մակարդակներով եւ տարբեր ուղղութիւններով սկսած է իր կեցուածքն ու բարձրաձայնումները աւելի շեշտակի կատարել, անուղղակի հասցէներէն հետզհետէ աւելի ուղղակի հասցէականացումներ փոխանցելով:

Այս յայտարարութիւնը ունի ենթաուղերձ: Պատասխանատուն Անգարան է սահմանը փակելու, զայն փակ պահելու եւ յարաբերութիւններու բնականոնացումը արգելակելու: Իրմէ պէտք է ակնկալել քայլ առնելու նոր նախաձեռնութիւն: Եւ մինչեւ այստեղ պաշտօնական Երեւանի ցարդ որդեգրած մօտեցումին հետեւողականութիւնը նկատելի է:

Պաշտօնական յայտարարութիւններու նորովի մօտեցումներն, ու բովանդակային նրբերանգները նկատելով կ՛ակնկալուի ենթաուղերձի ուղղակի բարձրաձայնում` միջազգային ճնշումի պահանջ Անգարայի վրայ երկիր շրջափակած ըլլալուն համար: Համահաւասարեցման խաղի կանոններու շրջումի հրամայական:

Այդ բարձրաձայնումները թէեւ ներկայ քաղաքական պայմանները նկատի ունենալով որեւէ առարկայացում չեն գտներ եւ գէթ ներկայ իրավիճակը գնահատելով` բեկումնային նոր պահ չեն ստեղծեր, այնուամենայնիւ, տուեալ մը եւս կ՛աւելցնեն միջազգային ընտանիքին նկատմամբ կարծր դիրքորոշումներու, սպառնական յայտարարութիւններու եւ տարբեր ուղղութիւններով նախապայմանային քաղաքականութիւն կիրարկող Անգարայի ստուար թղթածրարին մէջ:

«Ազդակ»

Յարակից լուրեր

  • Նիկոլ Փաշինեանը աշխատանքային այցով Լիբանանում է
    Նիկոլ Փաշինեանը աշխատանքային այցով Լիբանանում է

    Աշխատանքային այցով Լիբանանում գտնւող ՀՀ վարչապետի պաշտօնակատար Նիկոլ Փաշինեանը հանդիպումներ է ունեցել Լիբանանի նախագահ Միշէլ Աունի,այդ երկրի խորհրդարանի նախագահ Նաբիհ Բըրիի, եւ Լիբանանի վարչապետի պաշտօնակատար Սաադ Հարիրին: Ինչպէս փոխանցում է «Արմէնպրես»-ը, վկայակոչելով լիբանանեան լրատւամիջոցները, հանդիպման ընթացքում զրուցակիցները քննարկել են հայ-լիբանանեան քաղաքական յարաբերութիւնների հետագա զարգացմանն ուղղւած հարցեր:

  • Իրանագէտ. «ԱՄՆ-ի պատժամիջոցները չեն կարող շրջադարձային կերպով խաթարել Հայաստան-Իրան տնտեսական գործակցութիւնը»
    Իրանագէտ. «ԱՄՆ-ի պատժամիջոցները չեն կարող շրջադարձային կերպով խաթարել Հայաստան-Իրան տնտեսական գործակցութիւնը»

    Իրանագէտ Վարդան Ոսկանեանն անդրադառնալով ԱՄՆ-ի կողմից Իրանի նկատմամբ սահմանւած պատժամիջոցներին եւ դրանց ազդեցութեանը հայ-իրանական տնտեսական համագործակցութեան վրայ, նկատեց, որ ցանկացած պատժամիջոցային փաթեթ Հայաստանի բիզնես շրջանակների եւ Հայաստան-Իրան տնտեսական յարաբերութիւնների համար ստեղծում է որոշակի ռիսկային դաշտ։

  • Միջպետական յարաբերութիւնները լաւագոյնս արդիւնաւորելու համար՝ անհրաժեշտ է, որ Կանադան Երեւանի մէջ դեսպանատուն հիմնէ
    Միջպետական յարաբերութիւնները լաւագոյնս արդիւնաւորելու համար՝ անհրաժեշտ է, որ Կանադան Երեւանի մէջ դեսպանատուն հիմնէ

    Հայաստան կատարած պատմական այցելութեան ընթացքին, վարչապետին ընկերակցող հայ համայնքը ներկայացնող պատուիրակութեան մաս կը կազմէին Կանադայի Հայ Դատի յանձնախումբի անդամներ Րաֆֆի Տօնապետեան, Շահէն Միրաքեան եւ Յակոբ Թորոսեան։ «Հորիզոն» հարցազրոյց ունեցաւ Հայ Դատի յանձնախումբի ներկայացուցիչ Րաֆֆի Տօնապետեանի հետ։

  • Եթէ խաղաղութիւնը հողերի վերադարձով է պայմանաւորւում
    Եթէ խաղաղութիւնը հողերի վերադարձով է պայմանաւորւում

    Հետաքրքիր է, որ Միլսի յայտարարութեան յաջորդ օրը հետեւեց ՌԴ արտգործնախարարութեան խօսնակ Մարիա Զախարովայի կոշտ արձագանգը, որի մէջ ՌԴ արտաքին գերատեսչութիւնն ԱՄՆ կառավարութեանը բաց տեքստով մեղադրել է Հայաստանի ներքին գործերին միջամտելու մեջ: Եւ ոչ միայն: Զախարովան նաեւ հարց է տալիս՝ ի՞նչ են իրենց թոյլ տալիս ամերիկեան դեսպաններն աշխարհով մէկ, նրանք հարւածում են դեմոկրատիային, ԶԼՄ-ների ազատութեանը, քաղաքացիական հասարակութեանը, նրանք հարւածում են նաեւ հէնց իրենց՝ ցոյց տալով ԱՄՆ քաղաքական կեանքում առկայ կեղծաւորութիւնը:

  • Փաշինեանը փակո՞ւմ է Իրանի հետ սահմանը
    Փաշինեանը փակո՞ւմ է Իրանի հետ սահմանը

    Սիւնիքի մարզում Նիկոլ Փաշինեանի բացատրութիւնները, թէ ինչու է Յունան Պօղոսեանին նշանակել մարզպետ, զաւեշտալի լինելուց բացի նաեւ մտահոգիչ են: Շնորհիւ Փաշինեանի յայտարարութեան, այսօր ողջ աշխարհն իմացաւ, որ Հայաստան-Իրան սահմանով մեծ չափերի հասնող նարկոթրաֆիկ գոյութիւն ունի, եւ ինքը, ահա, բարձրաստիճան ոստիկանին մարզպետ նշանակելով, միջոցներ է ձեռք առել թմրանիւթերի ճանապարհը փակելու համար: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։