Հա

Ազգային

18/08/2018 - 14:40

Արսէն Համբարձումեան. «Երեւանի աւագանու ընտրութիւններին ՀՅԴ-ն կին թեկնածու չի ունենայ»

ՀՅԴ-ն դեռ չի որոշել, թէ ով կը գլխաւորի Երեւանի աւագանու ընտրութիւններին կուսակցութեան ցուցակը, սակայն կին թեկնածու չենք ունենայ: «news.am»-ի հետ զրոյցում այս մասին ասաց ՀՅԴ ԳՄ անդամ Արսէն Համբարձումեանը:

«alikonline.ir» - ՀՅԴ-ն դեռ չի որոշել, թէ ով կը գլխաւորի Երեւանի աւագանու ընտրութիւններին կուսակցութեան ցուցակը, սակայն կին թեկնածու չենք ունենայ: «news.am»-ի հետ զրոյցում այս մասին ասաց ՀՅԴ ԳՄ անդամ Արսէն Համբարձումեանը:

«Ունենք 3 հնարաւոր թեկնածու, դեռ քննարկում ենք, թէ նրանցից ով կը գլխաւորի ցուցակը: 3 թեկնածուների պարագայում դեռ վերջնական որոշում չունենք, քանի որ կան հանգամանքներ, որոնք յաւելեալ քննարկման ենթակայ են: Միայն կարող եմ ասել, որ այդ թեկնածուների մէջ կին թեկնածու չի քննարկւում»,- ասաց Արսէն Համբարձումեանը:

Հարցին, թէ արդեօք շատ կարճ չէ նախընտրական քարոզարշաւի ժամկէտը եւ կը հասցնեն տեղ հասցնել իրենց ուղերձները երեւանցիներին, Արսէն Համբարձումեանն ասաց, որ իրենց թեկնածուն հանրային ճանաչման իմաստով խնդիր չունի, եւ իրենք նոյնիսկ այդ կարճ ժամանակահատւածում կարող են իրենց թեկնածուին ներկայացնել պատշաճ կարգով:

ԳՄ անդամը վստահեցրեց, որ իրենք բաւականին լաւ շանսեր ունեն Երեւանի աւագանու ընտրութիւններին:

Նշենք, որ աւագանու լիազօրութիւնները Կառավարութիւնը կրճատել է օգոստոսի 16-ին: ԿԸՀ-ն յայտնել է, որ Երեւանի աւագանու արտահերթ ընտրութիւնները տեղի կունենան սեպտեմբերի 23-ին: Քարոզարշաւի ժամկէտն արտահերթ ընտրութիւնների ժամանակ կրճատւում է. այն կը մեկնարկի սեպտեմբերի 10-ին եւ կաւարտւի սեպտեմբերի 21-ին:

Յարակից լուրեր

  • Յեղափոխականութեան էջը պէտք է փակել եւ գնալ երկրի զարգացման
    Յեղափոխականութեան էջը պէտք է փակել եւ գնալ երկրի զարգացման

    ՀՅԴ անդամ, գիւղատնտեսութեան նախկին նախարար Արթուր Խաչատրեանն արտահերթ խորհրդարանական ընտրութիւններին ռէյտինգային ընտրակարգով առաջադրւելու է կա՛մ Երեւանում, կա՛մ Շիրակի ընտրատարածքում: «Ես վստահ եմ, որ մենք կը յաղթենք, որովհետեւ մենք իրական այլընտրանք ենք: Մեր խնդիրն այժմ ուղղակի յետյեղափոխական զարգացումն է, յեղափոխականութեան էջը պէտք է փակել եւ գնալ երկրի զարգացման»,- «tert.am»-ի հետ զրոյցում ասաց Ա. Խաչատրեանը:

  • Ով է Դաշնակցականը. Դաշնակցականը եւ 98 տոկոսը
    Ով է Դաշնակցականը. Դաշնակցականը եւ 98 տոկոսը

    Փաստ է, որ Խ. Միութեան փլուզումէն վերջ, դրամատիրական աշխարհակարգը սկսած է գործել սանձարձակութեամբ։ Այս ախարհակարգը կը դաւանի ոչ թէ մարդկային արժէքներ՝ իրենց բաղադրամասերով, այլ միայն ու միայն նիւթական-դրամական արժէքային կառոյց մը, Շուկան (գլխագիր), ուր կարելի է ամէն ինչ վաճառել ու գնել։

  • Եթէ ուզում ենք ընդունել մարտահրաւէրները
    Եթէ ուզում ենք ընդունել մարտահրաւէրները

    Ես, որ սովորական դաշնակցական եմ ու հասարակ մահկանացու, մարդ լինելով նաեւ քաղաքացի եմ՝ սիրահարւած իմ քարքարոտ Երկրին, պիտի հաստատեմ, որ Հ.Յ. Դաշնակցութիւնը ասելիք ունի, դեռ անելիք ունի, եւ ճակատագրական պահին, որը մօտ է, ու յղի ամենատարբեր անակնկալներով, դեռ պիտի հրապարակ ելնի, որ աւելի ճիշտ է՝ ճակատի գիծ կոչել: Ելնի ու առաջնորդի աշխարհի հայութեանը՝ սեփական օրինակով ու անձնազոհութեամբ։

  • Լսե՞լ էք, վեհափառը նաեւ մանդատ է բաժանում
    Լսե՞լ էք, վեհափառը նաեւ մանդատ է բաժանում

    ՀՅԴ յիրաւի պատկառելի պատւիրակութեան այցը Ս. Էջմիածին եւ հանդիպումը Ամենայն Հայոց կաթողիկոս Գարեգին Երկրորդի հետ որոշակի շրջանակներում ընկնաւորութեան նոպաների ի յայտ գալու պատճառ է դարձել: Սրանք յայտնի շրջանակներ են՝ արեւմտեան գրանտակերներից ու ռեզիդենտներից սկսած, սեռական փոքրամասնութիւններով, աղանդաւորական հոսանքներով եւ քաղաքական հացկատակներով վերջացրած: 

  • Ամենայն Հայոց կաթողիկոսն իր գոհունակութիւնն է յայտնել ՀՅԴ կեցւածքի վերաբերեալ
    Ամենայն Հայոց կաթողիկոսն իր գոհունակութիւնն է յայտնել ՀՅԴ կեցւածքի վերաբերեալ

    Նոյեմբերի 3-ին Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց կաթողիկոսը Մայր Աթոռ Սուրբ Էջմիածնում ընդունեց Հայ Յեղափոխական Դաշնակցութեան պատւիրակութեանը` գլխաւորութեամբ ՀՅԴ Բիւրոյի ներկայացուցիչ Հրանտ Մարգարեանին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։