Հա

Ազգային

20/08/2018 - 11:50

Հայ Դատի յանձնախմբի պատւիրակութիւնը հանդիպել է Կանադայի փոքր բիզնեսի եւ արտահանման խթանման նախարարի հետ

Կանադայի Հայ Դատի յանձնախմբի պատւիրակութիւնը հանդիպում է ունեցել Կանադայի փոքր բիզնեսի եւ արտահանման խթանման նախարար Մարի Նգանի հետ:

«alikonline.ir» - Կանադայի Հայ Դատի յանձնախմբի պատւիրակութիւնը հանդիպում է ունեցել Կանադայի փոքր բիզնեսի եւ արտահանման խթանման նախարար Մարի Նգանի հետ: Ինչպէս «Արմէնպրես»-ին տեղեկացրին Հայ Դատի կենտրոնական խորհրդից, Հայ Դատի յանձնախմբի պատւիրակութեան կազմում եղել են Շահէն Միրաքեանը, Սեւակ Բելեանը եւ Մարիաննա Դաւիթեանը:

Մէկ ժամ տեւած հանդիպման ընթացքում Կանադայի Հայ Դատի յանձնախմբի պատւիրակութեան անդամները նախարարին ներկայացրել են յանձնախմբի աշխատանքները եւ Կանադայի հայկական համայնքի պատմութիւնը:

Մտքեր են փոխանակւել եւ արդիւնաւէտ քննարկումներ տեղի ունեցել փոքր բիզնեսի եւ արտահանման խթանման ուղղութեամբ Կանադայի կառավարութեան որդեգրած քաղաքականութեան, Կանադայի Հայ Դատի յանձնախմբի առաջիկայ նախաձեռնութիւնների, հայ-կանադական երկկողմ յարաբերութիւնների, Արցախում տիրող իրավիճակի, վերաբերեալ:

Քննարկւել են նաեւ Երեւանում կայանալիք Ֆրանկոֆոնիայի գագաթնաժողովի, ինչպէս նաեւ Կանադայի Հայ Դատի յանձնախմբի քաղաքականութեան առաջնահերթութիւնների հետ կապւած հարցեր:

Կողմերը պայմանաւորւել են շարունակել համագործակցութիւնը քննարկւած հարցերի եւ Կանադայում հայկական համայնքի հետ կապւած հարցերի շուրջ:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։