Հա

Ազգային

12/09/2018 - 10:30

Արմէն Ռուստամեան. «Կասկածանքը լաւ վահան է, բայց վատ սուր»

Սեպտեմբերի 10-ին ՀՀ վարչապետ Նիկոլ Փաշինեանը յայտարարել էր, որ ուժեր կան, որոնք ձեւացնում են, թէ յեղափոխութեան առաջամարտիկներ են, բայց խորհրդարանում, ռեստորաններում, «քուչեքում» բանակցութիւնների մէջ են ՀՀԿ-ի հետ, որ դուք մեզ աջակցէք քաղաքապետի ընտրութիւններում ձեր ընտրակեղծարար մեխանիզմներով, մենք ձեզ աջակցենք, որ ՀՀ ԱԺ արտահերթ ընտրութիւններ չլինեն:

«alikonline.ir» - Սեպտեմբերի 10-ին ՀՀ վարչապետ Նիկոլ Փաշինեանը յայտարարել էր, որ ուժեր կան, որոնք ձեւացնում են, թէ յեղափոխութեան առաջամարտիկներ են, բայց խորհրդարանում, ռեստորաններում, «քուչեքում» բանակցութիւնների մէջ են ՀՀԿ-ի հետ, որ դուք մեզ աջակցէք քաղաքապետի ընտրութիւններում ձեր ընտրակեղծարար մեխանիզմներով, մենք ձեզ աջակցենք, որ ՀՀ ԱԺ արտահերթ ընտրութիւններ չլինեն:

Լրագրողների հետ զրոյցում «aravot.am»-ը ՀՅԴ խմբակցութեան ղեկավար Արմէն Ռուստամեանին հարցրեց՝ ըստ ձեզ ո՞ւմ նկատի ունէր Նիկոլ Փաշինեանը եւ արդեօք դուք նման բանակցութիւնների մէջ էք ՀՀԿ-ականների հետ: Նա պատասխանեց. «Նախ, պէտք է դուրս գանք ի վերջոյ այս խորհրդաւորութեան դաշտից, կասկածանքի մթնոլորտից: Եթէ բան կայ ասելու՝ ասէք կոնկրետ անուններով, այլ ոչ թէ ես պիտի մեկնաբանեմ պարոն Փաշինեանի ասածը կամ իր մտքերը»:

Ռուստամեանն ասաց, որ իր տպաւորութեամբ դա քարոզչական հնարք էր, որ հասարակութեան ուշադրութիւնը շեղւի ՔՊ-ի թեկնածուի անյաջող մեկնարկից:

Ըստ Ռուստամեանի, այն յայտարարութիւնները, որ արեց Հայկ Մարութեանը՝ սեւ ու սպիտակի բաժանումը, մեր դէմ խաղ չկայ եւ այլն, քննադատւեց ու Փաշինեանն ուզում էր ինչ-որ բեկում մտցնել այդ անյաջող մեկնարկից. «Ի վերջոյ խնդիրը նրա մասին է, որ ոչ թէ մենք քաղաքապետ ենք ընտրում, աւագանի ենք ընտրում, այլ այս քւէարկութիւնը աւելի շատ խորհրդարանի լուծարման քւէարկութիւն է: Մենք հարցն այդ դաշտ չէինք տեղափոխի»:

Ռուստամեանն ասաց, որ վաղուց են յայտնել իրենց տեսակէտը՝ պատրաստ են գնալ ԱԺ արտահերթ ընտրութիւնների ու որեւէ խոչընդոտ չեն տեսնում. «Դա պատրաստ ենք կատարել յստակ ճանապարհային քարտէզով, որ նորից կրքեր չբորբոքւեն: Կատարւի իսկապէս համախոհութեամբ»:

Հարցին՝ յամենայնդէպս, ռեստորաններում, քուչեքում, ինչպէս պարոն Փաշինեանն է ասում, հանդիպումներ ՀՀԿ-ականների հետ ունենո՞ւմ էք՝ Ռուստամեանը պատասխանեց. «Նախ պէտք է հասկանալ, թէ որտեղից պարոն վարչապետին այդ տեղեկատւութիւնը, տեսել են, խօսակցութիւն են արձանագրել, ձայնագրել են՝ թող հրապարակեն, մենք էլ իմանանք: Եթէ տեսաձայնագրւել է խօսակցութիւնը, դա էլ հարց է…դա տեղափոխում է այլ հարց: Թող հրապարակեն ու ասեն, մենք որեւէ ձեւով դրա հետ կապւած չենք: Կասկածանքը լաւ վահան է, բայց վատ սուր է, կասկածանքով կարելի է պաշտպանւել, բայց չի կարելի յարձակւել»:

Հարցին՝ դուք բացառո՞ւմ էք, որ վարչապետը ՀՅԴ-ին նկատի ունի՝ Արմէն Ռուստամեանը պատասխանեց՝ միանշանակ, տրամաբանութիւն դրա մէջ չկայ:

Ըստ Ռուստամեանի, ստացւում է, որ ՀՀԿ-ն ընտրակեղծիքների ներուժը դեռ պահպանւում է. «Ընտրական բոբոյ պէտք չի սարքել, ակնյայտ է չէ՞, որ հնարաւոր չի համատարած ընտրակեղծիքներ անել երկրում, որտեղ դու ամբողջական իշխանութիւն չունես: Ստւերային պայմանաւորւածութեան գնաս ինչի՞ վերաբերեալ, կեղծիքներ անելու մասի՞ն: Եթէ ուղիղ նայենք այս յայտարարութեանը, սա յայտարարութիւն է՝ յանցագործութեան մասին: Ամենալաւ ցայտուն օրինակն է սահմանադրական կարգի տապալման, եկէք բացատրէք ո՞վ են այդ մարդիկ, ովքեր ուզում են սահմանադրական կարգը տապալել՝ ընտրութիւնները կեղծելով: Չի կարելի յայտարարութիւն անել ու այդպէս մնայ: Այդ յայտարարութիւնից պէտք է հետեւեն քայլեր, պէտք է շատ յստակ ասի՝ ովքե՞ր են այդ դաւադիրները, ապացուցի ու վերջացնե՛նք հարցը, թէ չէ այսպէս մենք ո՞ւր կը գնանք»:

Ռուստամեանն ասաց. «Մեզ ոչ մէկի աջակցութիւնը, որպէս քաղաքական ուժ, պէտք չի այսօր, մենք մեր ընտրազանգւածն ունենք, մեզ պէտք է երեւանցիների աջակցութիւնը: Իսկ այնպիսի աջակցութիւն, որի մասին խօսւում է, այդպիսի աջակցութիւն մեզ բացարձակ պէտք չի»:

Յարակից լուրեր

  • Յայտարարութիւն Հայաստանում դատարանների շուրջ ծաւալւած իրադարձութիւնների վերաբերեալ
    Յայտարարութիւն Հայաստանում դատարանների շուրջ ծաւալւած իրադարձութիւնների վերաբերեալ

    Պետական իշխանութեան թեւերի միջեւ հաւասարակշռութեան եւ փոխզսպումների համակարգի կայացումն ու անխափան գործունէութիւնը ցանկացած երկրի զարգացման գրաւականներից է: Օրէնսդիր, գործադիր ու դատական համակարգերի անկախութիւնն ու ինքնուրոյնութիւնը պարտադիր պայման է՝ բացառելու իշխանութեան կենտրոնացումը մէկ քաղաքական ուժի ձեռքում, ինչը երկրում մենիշխանութեան հաստատման հիմնական նախադրեալներից է: Այս առումով` դատարանների եւ դատաւորների նկատմամբ քաղաքական իշխանութեան կողմից ազդեցութիւն գործադրելու ցանկացած փորձ անթոյլատրելի է։

  • ՀՀ վարչապետը շնորհաւորել է Իսլ. յեղափոխութեան առաջնորդին
    ՀՀ վարչապետը շնորհաւորել է Իսլ. յեղափոխութեան առաջնորդին

    ՀՀ վարչապետ Նիկոլ Փաշինեանը շնորհաւորել է Իսլ. յեղափոխութեան առաջնորդ այաթ. Սէյէդ Ալի Խամենէիին ծննդեան օրւայ կապակցութեամբ:

  • «Այսպիսի կողմնակիցների պարագայում Նիկոլ Փաշինեանին նոյնիսկ թշնամիներ պէտք չեն». Արփինէ Յովհաննիսեան
    «Այսպիսի կողմնակիցների պարագայում Նիկոլ Փաշինեանին նոյնիսկ թշնամիներ պէտք չեն». Արփինէ Յովհաննիսեան

    ՀՀ ԱԺ նախկին փոխնախագահ Արփինէ ՀՅովհաննիսեանը ֆէյսբուքեան իր էջում արձագանքել է ՀՀ իշխանութեան ներկայացուցիչների եւ աջակիցների մեկնաբանութիւններին՝ Վենետիկի յանձնաժողովի զեկոյցի վերաբերեալ։

  • «Ազատութիւն յանուն ինչի՞». Լիլիթ Գալստեան
    «Ազատութիւն յանուն ինչի՞». Լիլիթ Գալստեան

    ՀՅԴ Հայաստանի ԳՄ անդամ Լիլիթ Գալստեանն իր ֆէյսբութեան էջում գրել է. «Օրեր առաջ, խուսափելով իրաւական գնահատական տալուց եւ այն թողնելով սահմանադրագէտներին, տարակուսանքս էի յայտնել Վահէ Գրիգորեանի ինքնահռչակման պահւածքի, նրա արկածախնդրութիւնը նախադէպային դարձնելու վտանգաւորութեան եւ, առհասարակ, այսպէս մտածելու որակների ու գործողութիւնների շուրջ։

  • Ծաւալւած գործընթացն իր մէջ պարունակում է լուրջ վտանգներ
    Ծաւալւած գործընթացն իր մէջ պարունակում է լուրջ վտանգներ

    Սամուէլ Բաբայեանը եւ նրա թիմակիցները փորձում են մեր հանրութեանը մոլորութեան տանելով եւ զգացական թելերի վրայ խաղալու քայլերով բացատրել, որ իբր այս գործընթացով Արցախը վերջնականորեն կը միաւորւի մայր Հայաստանին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։