Հա

Ազգային

12/09/2018 - 11:10

Ուզում ենք մեր օրինակով քաղաքացիներին ցոյց տալ, որ ժամանակն է աղբը տեսակաւորելու

«Կարգաւորել աղբահանութեան խնդիրը, ստեղծել աղբի տեսակաւորման եւ էկոլոգիական վերամշակման տնտեսութեան». սա ՀՅԴ աւագանու ընտրութիւնների պլատֆորմի դրոյթներից մէկն է: Սեպտեմբերի 11-ին Հ.Յ. Դաշնակցութեան Երեւանի աւագանու երիտասարդ թեկնածուներ՝ Արաբկիր վարչական շրջանից առաջադրւած Ազատուհի Սիմոնեանը եւ Աջափնեակ վարչական շրջանից առաջադրւած Արգիշտի Գէորգեանը նախաձեռնել էին աղբի հաւաքագրում եւ տեսակաւորում:

«alikonline.ir» - «Կարգաւորել աղբահանութեան խնդիրը, ստեղծել աղբի տեսակաւորման եւ էկոլոգիական վերամշակման տնտեսութեան». սա ՀՅԴ աւագանու ընտրութիւնների պլատֆորմի դրոյթներից մէկն է: Սեպտեմբերի 11-ին Հ.Յ. Դաշնակցութեան Երեւանի աւագանու երիտասարդ թեկնածուներ՝ Արաբկիր վարչական շրջանից առաջադրւած Ազատուհի Սիմոնեանը եւ Աջափնեակ վարչական շրջանից առաջադրւած Արգիշտի Գէորգեանը նախաձեռնել էին աղբի հաւաքագրում եւ տեսակաւորում: Նախաձեռնութեանը միացան ՀՅԴ Հայաստանի Երիտասարդական միութիւնն ու ՀՅԴ աւագանու թեկնածուներ Լուսինէ Քարամեանը, Նանէ Հայրապետեանը եւ Սօսէ Մուրադեանը:

ՀՅԴ աւագանու թեկնածուներն Արաբկիր վարչական շրջանի Գիւլբենկեան խաչմերուկից, որտեղ գտնւում է ՀՅԴ Արամ Մանուկեան երիտասարդական կենտրոնը, քայլեցին դէպի Կոմիտասի շուկայ եւ նորից յետ՝ ճանապարհին հաւաքելով ու տեսակաւորելով աղբը:

Ազատուհի Սիմոնեանը նշեց, թէ քանի որ ՀՅԴ նախընտրական պլատֆորմում ներառւած է աղբի տեսակաւորման, վերամշակման եւ դրանից այլընտրանքային էներգիայի ստացման  գաղափարը, ուզում էին իրենց օրինակով ցոյց տալ, թէ ինչպէս են պատկերացնում այդ գործընթացը: «Որպէս թեկնածուներ, երիտասարդներ եւ այս քաղաքի բնակիչներ՝ ՀՅԴ երիտասարդական միութեան հետ որոշեցինք քայլել ու մեզ հետ ունենալ տեսակաւորւած աղբի համար նախատեսւած աղբամաններ, որոնք մշտական գործածութեան մէջ կը դրւեն այս տարածքում գտնւող աղբամանների կողքին: Ուզում ենք մեր օրինակով քաղաքացիներին ցոյց տալ, որ այլեւս ժամանակն է աղբը տեսակաւորել: Աղբի տեսակաւորումից յետոյ փորձելու ենք քաղաքային իշխանութիւն-մասնաւոր ընկերութիւն համագործակցութեամբ ունենալ աղբի վերամշակման գործարան՝ այն վերամշակելու եւ որպէս աւելացւած արժէք մեր տնտեսութեան մէջ գործածելու»,- ասաց Սիմոնեանը:

Նրա խօսքով՝ փորձելու են համայնք առ համայնք քաղաքացիներին ցոյց տալ, որ պէտք է աղբը տեսակաւորել.«Բացի այդ՝ որպէս համահայկական, ցանցային միակ կուսակցութիւն մեր Սփիւռքի օգնութեամբ էլ փորձելու ենք դրսից, Սփիւռքից ներդրողներ բերել՝ քաղաքի մասշտաբներին համապատասխան վերամշակող գործարան բացելու համար: Նախ պէտք է մարդկանց բացատրել այս ամէնը եւ միասին գալ այն համոզմանը, որ պէտք է այլեւս այսպէս ապրել»:

ՀՅԴ աւագանու թեկնածու Արգիշտի Գէորգեանն էլ  տեղեկացրեց, որ տեսակաւորւած աղբով լեցուն աղբամանները կը տեղադրեն ՀՅԴ Արամ Մանուկեան երիտասարդական կենտրոնի տարածքում, որտեղ աւելի հեշտ կը լինի դրանց հետեւելը, ինչպէս նաեւ մարդկանց բացատրելը՝ որ աղբը որտեղ է պէտք գցել: «Մեր տարածքի բնակչութեան հետ աշխատելով՝ կը փորձենք տեսակաւորել աղբը, որպէսզի հետագայում վերամշակման յանձնենք: Ես վստահ եմ, որ սա երեւանցիների համար կարող է մշակոյթ դառնալ: Հայաստանը, լինելով փոքր երկիր, բայց ունենալով մեծ քանակութեամբ աղբ՝ ուղղակի այլ ելք չունի: Տեսէք՝ մենք պլաստիկի, թղթի, ապակու վերամշակող ընկերութիւններ ունենք, սակայն մեզ մօտ աղբի տեսակաւորումն ընդունւած չէ: Եթէ մենք կարողանանք տեսակաւորել աղբը, նման ընկերութիւնների պահանջարկն աւելի մեծ կը լինի եւ ավելի կը շատանա դրանց թիւը»,- ասաց Գէորգեանը:

 

Յարակից լուրեր

  • «Ապառաժ»-ի խմբագրական. Դաշնակցութեան ներկայութիւնը՝ աներկբայ ու անփոխարինելի
    «Ապառաժ»-ի խմբագրական. Դաշնակցութեան ներկայութիւնը՝ աներկբայ ու անփոխարինելի

    Հայ իրականութեան մէջ վերջին 30 տարիներին ձեւաւորւած քաղաքական դաշտում ժամանակ առ ժամանակ ականատեսը եղանք քաղաքական ուժերի, որոնք անամպ երկնքում անհետացող ասուպների նման մի պահ երեւացին ու անհետացան: Քաղաքականութեան մէջ լինելն ինքնին պատասխանատւութիւն է, պատասխանատւութիւն, որը պէտք է կարողանալ կրել յարատեւօրէն, իսկ այդ պատասխանատւութեան զգացումը արտացոլւում է այն ժամանակ, երբ քաղաքականութիւն ես մտնում գաղափարական հենքով:

  • Կեցցէ՛ Դաշնակցութիւնը
    Կեցցէ՛ Դաշնակցութիւնը

    Վահրամ Աթանեստանի արձագանգը գուցէ թողնէի անպատասխան, եթէ այն վտանգաւոր ուղերձներ չպարունակէր, եւ եթէ այդպէս մտածողները հրապարակում շատ չլինէին։ 

  • Ապատեղեկատւութիւնը կաթիլ-կաթիլ ազդում է մարդկանց վրայ
    Ապատեղեկատւութիւնը կաթիլ-կաթիլ ազդում է մարդկանց վրայ

    Սովորաբար չեմ զայրանում, բայց երբեմն աւելի զայրացկոտ բնոյթով եմ հանդէս գալիս, երբ դիպչում են ազգային արժէքներին, Դաշնակցութեանը դիպչելը նոյնպէս այդ կոնտեքստում եմ տեսնում. երէկ «Երկիր մեդիա» հեռուստաընկերութեան «Հարցեր` դաշնակցականներին» հաղորդման ժամանակ ասել է ՀՅԴ Հայաստանի Գերագոյն մարմնի անդամ Արթուր Եղիազարեանը:

  • ՀՅԴ ԳՄ անդամ. «Մենք համակարգի կայացման կողմնակից ենք»
    ՀՅԴ ԳՄ անդամ. «Մենք համակարգի կայացման կողմնակից ենք»

    ՀՅԴ Հայաստանի Գերագոյն մարմնի անդամ, տնտեսագէտ Արմէն Գրիգորեանը, որն Արարատի մարզում վարկանիշային կարգով առաջադրւել է պատգամաւորութեան թեկնածու, «Իրատես»-ի հետ զրոյցում հաւաստիացրեց՝ դաշնակցականներն առաջիկայ խորհրդարանական ընտրութիւններին մասնակցում են իշխանութիւն ունենալու համար։ Ըստ նրա՝ նախընտրական շրջանը հեշտ չէ, քանի որ մասնակցում է 11 ուժ, բայց ընտրապայքարին պէտք է դուրս գալ առաջինը լինելու ձգտումով: 

  • ՀՅԴ-ն, անկախ ընտրութեան արդիւնքներից, չի դադարելու հայ ժողովրդի կուսակցութիւնը լինելուց
    ՀՅԴ-ն, անկախ ընտրութեան արդիւնքներից, չի դադարելու հայ ժողովրդի կուսակցութիւնը լինելուց

    Մենք, առնւազն իմ գնահատմամբ, յաւակնում ենք բաւական լաւ ձայների, քանի որ խորհրդարանը առանց «Դաշնակցութեան» պատկերացնելը, կարծում եմ, որ անհնար է: Այս մասին «tert.am»-ի հետ զրոյցում ասաց ՀՅԴ-ական Արծւիկ Մինասեանը` անդրադառնալով արտահերթ խորհրդարանական ընտրութիւններին ՀՅԴ-ի շանսերին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։