Հա

Ազգային

13/09/2018 - 10:10

«Մենք ենք համերաշխութեան կրողը». ՀՅԴ-ականները` Նոր Նորքում

Երեւանի աւագանու ընտրութիւնների քարոզարշաւի շրջանակներում երէկ՝ սեպտեմբերի 12-ին, ՀՅԴ թեկնածուները հանդիպել են Երեւանի Նոր Նորք վարչական շրջանի բնակիչների հետ: 

«alikonline.ir» - Երեւանի աւագանու ընտրութիւնների քարոզարշաւի շրջանակներում երէկ՝ սեպտեմբերի 12-ին, ՀՅԴ թեկնածուները հանդիպել են Երեւանի Նոր Նորք վարչական շրջանի բնակիչների հետ: Տեղեկացնում է «yerkir.am»-ը:

ՀՅԴ-ի թիմը շրջեց փողոցներով, լսեց մարդկանց, ծանօթացաւ խնդիրներին, ներկայացրեց իրենց ծրագիրը, որն ուղղւած է հէնց այդ խնդիրների լուծմանը:

ՀՅԴ քաղաքապետի թեկնածու Միքայէլ Մանուկեանը լրագրողների հետ զրոյցում, անդրադառնալով հարցին` որքանո՞վ է իրենց յաջողւում ընտրողին համոզել, որ հէնց ՀՅԴ-ին ձայն տան, պատասխանեց. «Պէտք է համոզենք, դա մեր պարտքն է: Դա մեզ մօտ ստացւում է»:

Մանուկեանի խօսքով` այսօր քաղաքացիներն, իրօք, համերաշխութեան պահանջ ունեն: «Մենք ենք համերաշխութեան կրողը ու պէտք է մեր գործով եւ պահւածքով համոզենք, որ կարող ենք արդիւնաւէտ կառավարել քաղաքը, ապահովել համերաշխութիւնը»,- ասաց նա:

Իսկ թէ հիմնականում ինչի՞ց են բողոքում երեւանցիները, Մանուկեանը նշեց, որ խնդիրները բազմազան են: «Երեւանում չկայ մի ոլորտ, որ խնդիր չունենայ: Եթէ ինչ-որ բաներ էլ արւած են, դրանք վերջնական փուլին հասած չեն. աղբահանութեան խնդիր կայ, կանաչապատման խնդիր կայ, Երեւանում հիմնականում շեշտը դրւել է ծաղկապատման վրայ, այնինչ շատ կարեւոր է ծառապատումը: Բազմաթիւ են խնդիրները»,- ասաց նա:

Հարցին էլ` ո՞ւմ են համարում իրենց մրցակից, Մանուկեանն ասաց. «Բոլորին էլ մրցակից ենք համարում, բայց ամենալաւը մենք ենք»:

Յարակից լուրեր

  • Հինգ դաս Ալէն Սիմոնեանին
    Հինգ դաս Ալէն Սիմոնեանին

    Կան մարդիկ, որոնք քաղաքական գործիչ են դառնում իրենց աշխատասիրութեան, համառութեան ու կամքի շնորհիւ: Յարգում եմ այդպիսի մարդկանց, բայց եւ չեմ կարող բաւարարել ընթերցողներիս պահանջ-հարցադրումը` ինչո՞ւ Դուք քաղաքական գործիչ չէք դառնում: Ես չեմ ուզում քաղաքական գործիչ դառնալ, որովհետեւ քաղաքական գործիչներին հետեւելն ու նրանց գործունէութիւնը գնահատելն աւելի հետաքրքիր գործ է ինձ համար:

  • ՀՅԴ Հայ Դատի պատւիրակութիւնը վերահաստատել է կուսակցութեան յանձնառութիւնը
    ՀՅԴ Հայ Դատի պատւիրակութիւնը վերահաստատել է կուսակցութեան յանձնառութիւնը

    Յունւարի 19-ին Արցախի Հանրապետութեան արտաքին գործերի նախարար Մասիս Մայիլեանն ընդունել է ՀՅԴ Հայ Դատի Կենտրոնական խորհուրդի նախագահ, ՀՅԴ Բիւրոյի անդամ Յակոբ Տէր-Խաչատրեանի գլխաւորած պատւիրակութեանը։

  • Լիացած Ռոստոմի յիշատակով
    Լիացած Ռոստոմի յիշատակով

    Երէկ՝ Յունուարի 18-ին լրացաւ ազգային պատմութեան ազատագրական պայքարի, հայ ժողովուրդի ինքնապաշտպանութեան փուլի առասպելական գործիչներէն, ՀՅԴ հիմնադիր երրորդութեան կրտսերագոյն անդամի՝ Ռոստոմի (Ստեփան Զօրեան) մահուան հարիւրերորդ տարելիցը: Ան այս աշխարհէն հեռացաւ 1919-ի այդ օրը, վարակուած բծաւոր տիֆէ:

  • Պարզաբանումներ Քաջազնունու հեռագրի վերաբերեալ
    Պարզաբանումներ Քաջազնունու հեռագրի վերաբերեալ

    Վերջին տարիներին տարբեր դրդապատճառներով շատ է շահարկւում Հայաստանի առաջին Հանրապետութեան Կառավարութեան հեռագիրը ուղղւած` Օսմանեան կառավարութեան զինւած մինիստր Էնւեր փաշային: Հեռագիրը ստորագրւած է Հայաստանի Հանրապետութեան Կառավարութեան նախագահ` Յովհաննէս Քաջազնունին, զինւորական մինիստր` Արամ Մանուկեանը եւ Կառավարութեան Խորհրդի նախագահ` Աբրահամ Սահակեանը:

  • Յուշագրութիւն Դաշնակցութեան որոշման եւ ԳԽ առաջին նախագահի ընտրութեան մասին
    Յուշագրութիւն Դաշնակցութեան որոշման եւ ԳԽ առաջին նախագահի ընտրութեան մասին

    Դեկտեմբերի 29-ին Վալերի Բալայեանի բնակարանում կայացել է խորհրդաժողով, որին ներկայ էին ընտրւած գրեթէ բոլոր դաշնակցական պատգամաւորները, կուսակցութեան բոլոր կառոյցների ղեկավարները եւ ներկայացուցիչներ Շահումեանի շրջանից: Ստեփանակերտի «Արամ Մանուկեան» ենթակոմիտէից ներկայ էին Աշոտ Սարգսեանը, Ֆելիքս Գաբրիէլեանը եւ Դաւիթ Իշխանեանը: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։