Հա

Ազգային

24/10/2018 - 15:00

«Իշխանութեան մէջ ըլլալ շի նշանակեր անպայման իշխողներուն նման ըլլալ». Հաստատեց Յակոբ Բագրատունի

ՀՅԴ Լիբանանի Կեդրոնական կոմիտէի եւ Հայկական երեսփոխանական պլոքի ներկայացուցիչ, երեսփոխան Յակոբ Բագրատունի վերջերս Լիբանան գտնուող հայաստանեան լրատուամիջոցներու լրագրողներուն հետ ունեցած զրոյցին ընթացքին անդրադարձաւ Հայաստանի մէջ տեղի ունեցած թաւշեայ յեղափոխութեան եւ զայն ողջունելի նկատեց: Ան դիտել տուաւ, որ Դաշնակցութիւնը տարբեր առիթներով շեշտած է, որ դէմ է փտածութեան, սակաւապետութեան, անհրաժեշտ նկատած է արտագաղթի կասեցումը, թափանցիկութեան հաստատումը:

ՀՅԴ Լիբանանի Կեդրոնական կոմիտէի եւ Հայկական երեսփոխանական պլոքի ներկայացուցիչ, երեսփոխան Յակոբ Բագրատունի վերջերս Լիբանան գտնուող հայաստանեան լրատուամիջոցներու լրագրողներուն հետ ունեցած զրոյցին ընթացքին անդրադարձաւ Հայաստանի մէջ տեղի ունեցած թաւշեայ յեղափոխութեան եւ զայն ողջունելի նկատեց: Ան դիտել տուաւ, որ Դաշնակցութիւնը տարբեր առիթներով շեշտած է, որ դէմ է փտածութեան, սակաւապետութեան, անհրաժեշտ նկատած է արտագաղթի կասեցումը, թափանցիկութեան հաստատումը:

«Եւ մեզի համար մեծ գոհունակութիւն է, որ, հակառակ նախորդ 27 տարիներու դժուարութիւններուն, այսօր Հայաստանի մէջ կայ իշխանութիւն, որուն համար այս հարցերը առաջնահերթութիւն են: Ուրեմն սկզբունքային իմաստով տարբերութիւն չկայ թաւշեայ յեղափոխութեան պահանջածին եւ մեր` Լիբանանի, Հայաստանի եւ սփիւռքի մէջ պահանջածին միջեւ: Խնդիրը հարցերուն մօտենալու, մարդկային յարաբերութիւններու խնդիրն է, որ, կ՛ենթադրեմ ու կը հաւատամ, թէ վերացած է, չկայ դժուարութիւն: Կը յուսանք, թէ փոխգործակցութիւնը, առողջ հիմերու վրայ դրուած ըլլալով հանդերձ, կը շարունակուի, եւ յառաջիկայ խորհրդարանական ընտրութիւններուն Հայաստանը կը յաղթէ», շեշտեց ան: ՀՅԴ Լիբանանի Կեդրոնական կոմիտէի ներկայացուցիչը դիտել տուաւ, որ փտածութիւնը միշտ ալ առկայ է ամէն տեղ, անիկա մարդու ծնունդին հետ կը ծնի, ուստի պէտք է անպայման անոր դէմ պայքարիլ: Ըստ անոր, Դաշնակցութիւնը կը հաւատար, որ սահմանադրութեամբ, փոփոխութիւններով, ներքին զրոյցներով կարելի էր փտածութիւնը արմատախիլ ընել, արտագաղթի դէմ պայքարիլ, սակայն կարելի չեղաւ:

Պատասխանելով լրագրողին այն հարցումին, որ դեկտեմբերը խորհրդարանական արտակարգ ընտրութիւններ կատարելու ընդունելի՞ ժամկէտ է` Յակոբ Բագրատունի ըսաւ, որ նախընտրելի պիտի ըլլայ յաւելեալ ժամանակ տալ, որպէսզի կարելի ըլլայ լաւապէս պատրաստուիլ: Ան հասկնալի նկատեց նաեւ իշխանութիւններուն մտահոգութիւնները, որ այդ ժամանակը կրնայ անպայման օգտակար չըլլալ: Ամէն պարագայի, երեսփոխանը դիտել տուաւ, որ ՀՅԴ Գերագոյն մարմինը աւելի քաջատեղեակ է եւ ճիշդ կրնայ կողմնորոշուիլ:

«168.am»-ի թղթակիցը հարցուցած է, թէ ի՞նչ է երեսփոխան Յակոբ Բագրատունիի կարծիքը այն մասին, որ Հայաստանի իշխանութիւններուն հետ քանի մը անգամ քոալիսիոն կազմած Դաշնակցութեան վարկանիշը անկման մէջ է, ինչ որ յայտնի դարձաւ Երեւանի քաղաքապետական ընտրութիւններուն արդիւնքներուն մէջ: Երեսփոխանը ըսաւ, որ քաղաքական ըմբռնողութեան հարց կայ, ՀՅԴ-ն տասնամեակներ շարունակ կը սպասուէր, որ Հայաստան պիտի գար: Կար համայնավարութենէն ժառանգ մնացած Դաշնակցութեան դէմ ընդհանուր մթնոլորտ: Ապա տասնամեակ մը ամբողջ առաջին վարչակարգին` ՀՅԴ-ի դէմ մղած պայքարը: Ան դիտել տուաւ, որ մարդիկ կը հաւատային, թէ ՀՅԴ-ն ազգային կուսակցութիւն է, սակայն չէին քուէարկեր Դաշնակցութեան: Ժողովուրդը այնքան դժգոհ էր նախկին իշխանաւորներէն, որ, դժբախտաբար, այդ մէկը կը տարածուէր նաեւ կառավարութեան մաս կազմած ուժերուն վրայ:

Երեսփոխան Յակոբ Բագրատունի յայտնեց, որ յեղափոխութիւնը երբ կատարուեցաւ, Դաշնակցութիւնը եղաւ առաջինը, որ քոալիսիոնը քանդեց: «Պարոն վարչապետը անձամբ ակնարկեց ինծի այդ մասին: Մեր ուսանողութիւնը, երիտասարդութիւնը առաջիններէն էր, որ զօրակցեցաւ յեղափոխութեան: Ես այս մասին օրին յօդուած ստորագրեցի «Ազդակ»-ի մէջ», ըսաւ ան` դիտել տալով որ, ի վերջոյ քաղաքական ընտրութիւնները ցուցանիշ չեն կուսակցութիւններու վարկին, այլ գաղափարական ենթահողն է կարեւորը:

Իր խօսքի աւարտին Յակոբ Բագրատունի շեշտեց, որ պէտք է գիտակցիլ, թէ իշխանութեան մէջ ըլլալ չի նշանակեր, որ անպայման անոնց նման ըլլալ:

«Ազդակ»

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։