Հա

Ազգային

12/11/2018 - 14:20

Դաշնակցութիւնը իր գործին խստագոյն քննադատն է

Դիմատետրի էջիս տեղադրած «ԻՆՉՈ՞Ւ ՉԻ ԳԱՐ ՅԵՂԱՓՈԽՈՒԹԻՒՆԸ» յօդուածիս առիթով երէց ընկերս Կարօ Արմէնեան կատարած է սքանչելի նկատողութիւն, որուն ճշմարտութիւնը, հարազատութիւնը եւ իմաստութիւնը թարգմանն է իւրաքանչիւր Դաշնակցականի գաղափարական բծախնդրութեան։

ՍԵԴՕ ՊՈՅԱՃԵԱՆ

 

Դիմատետրի էջիս տեղադրած «ԻՆՉՈ՞Ւ ՉԻ ԳԱՐ ՅԵՂԱՓՈԽՈՒԹԻՒՆԸ» յօդուածիս առիթով երէց ընկերս Կարօ Արմէնեան կատարած է սքանչելի նկատողութիւն, որուն ճշմարտութիւնը, հարազատութիւնը եւ իմաստութիւնը թարգմանն է իւրաքանչիւր Դաշնակցականի գաղափարական բծախնդրութեան։

Կ՛ուզեմ հրապարակաւ բաժնել ընկերոջս այս գրառումը, որ թէ՚ դաստիարակող է եւ թէ յուշող՝ այն ծանր պատասխանատուութեան մասին որ տեւաբար կը պատկանի Դաշնակցութեան.-

«Կեցցե՛ս, Ընկ. Սեդօ։ Հարի՛ւր առ հարիւր եւ բառ առ բառ կը բաժնեմ ախտորոշումներդ։ Այնուամենայնիւ Դաշնակցութիւնը, իր կարգին, պատասխանատու է երկրի ներկայ կացութեան համար։ Երկրի քաղաքական բեմին վրայ պատասխանատւութիւն վերցուցած կուսակցութիւնը հպարտօրէն պիտի իր ուսերուն վերցնէ նաեւ մեղքի իր բաժինը եւ գործի անցնի։

Մենք ճիշտ ըրինք մէկդի հրելով ձախաւեր «ընդդիմութիւն»-ը եւ մտնելով գայլերու որջը մեր պլատֆորմի առաջադրութիւնները իրականութեան վերածելու վճռակամութեամբ փոխանակ հեռուէն որջը քարկոծելու անմիտ եւ անպտուղ վարքագիծը որդեգրելու։ Այսպէս կը գործէ յեղափոխական Դաշնակցութիւնը։

Մենք մեծ ոստիւն մը ապահովեցինք մեր պետութեան եւ իր քաղաքացիներուն համար առաջնորդելով սահմանադրական փոփոխութիւններու գործը եւ իրականութեան վերածելով ՀՀ Սահմանադրութիւնը մաքուր եւ անբիծ համաժողովրդական հանրաքուէով։ Եթէ մեր այսօրուան «տեսաբան»-ները յեղափոխութիւն կ՚ուզեն տեսնել Փաշինեանի իշխանափոխութեան մէջ, թող նախ գնահատական տան այն մեծ յեղափոխութեան՝ ՀՀ Սահմանադրութեան, որ Դաշնակցութիւնը իրագործեց գայլերու որջին իսկ ընդմէջէն։

Մենք նաեւ այն ուժն էինք, որ մեր պլատֆորմը հրապարակաւ պարտադրեց օրուան Նախագահին եւ օրուան Վարչապետին համակարգային փոփոխութիւններու խնդրով զիրենք հրապարակաւ բերելով յանձնառութեան։ Բոլորիս յայտնի քաղաքական մեքենայութիւնները վիժեցուցին Դաշնակցութեան գործը մենաշնորհային համակարգի կազմաքանդման հետ կապուած։ Յետագային նաեւ նոյնպիսի մեքենայութիւններով Նախագահն ու իր կուսակցութիւնը փորձեցին առեւանգել Սահմանադրութիւնը։

Ասոնք այն քաղաքական բացերն են, որոնց համար մենք անկեղծօրէն պիտի վերցնենք պատասխանատւութեան մեր բաժինը, որպէսզի սկսինք պատրաստել վաղուան մեր գործը։ Մեր խստագոյն քննադատը պիտի ըլլանք մենք՝ ինքնե՛րս։ Հրապարակը աղմկող գրիչները շատ հեռու են այդ մէկը կարենալ ընելէ։ Յեղափոխական կուսակցութիւնը ամէն օր պիտի յեղափոխէ ինքզինք, որպէսզի յեղափոխութիւնը չըլլայ ինքնանպատակ եւ ծառայէ երկրին։ Այդ կուսակցութիւնը մենք ենք եւ մեր այդ հանգանակը իրաւունք չունինք յանձնելու Փանջունիներուն»։

Յարակից լուրեր

  • Արցախը եւ ամբոխային տրամաբանութեան ասպետները
    Արցախը եւ ամբոխային տրամաբանութեան ասպետները

    Դաշնակցական մտաւորական, հրապարակագիր եւ հրածարակախօս Սեդօ Պոյաճեանը «Facebook»-ի իր էջում գերլ է. «Կ՚ըսեն Արցախը բեռ է Հայաստանի վրայ։

  • Սարգիս Ազնաւորեան՝ Դաշնակցութեան յեղափոխական աւանդներու պահապանը
    Սարգիս Ազնաւորեան՝ Դաշնակցութեան յեղափոխական աւանդներու պահապանը

    Սարգիս Ազնաւորեան մարտական գործի մարդն էր։ Միշտ լռակեաց եւ խոնարհ, խստապահանջութեամբ պատրաստեց սերունդներ՝ պաշտպանելու համար Լիբանանի մեր հայահոծ գաղութները։ Նիկոլ Դումանի հաւատքով ու օրինակով, ան եղաւ Դաշնակցութեան մարտականակերտը եւ մեր յեղափոխական աւանդներու պահապանը։

  • Միացեալ Հայաստանը հայութեան գոյատեւման հիմնաքարն է
    Միացեալ Հայաստանը հայութեան գոյատեւման հիմնաքարն է

    Պատմահայր Մովսէս Խորենացի մեզի փոխանցած է մեր նախնիներու այն սկզբունքը, թէ «Սահմանք քաջաց զէնն իւրեանց» - քաջերուն սահմանը իրենց զէնքն է։ Սահմանները կը գծուին ունեցած զէնքի ուժի տարողութեան համապատասխան։

  • Կասեցնենք երեսնամեայ մայրամուտը
    Կասեցնենք երեսնամեայ մայրամուտը

    Ազատութեան հրապարակի վրայ Հ. Յ. Դաշնակցութեան հանրահաւաքը ազգային հրամայականն էր ի դէմ երկիրը շրջապատող այն համայնապատկերին, ուր աստիճանաբար կը զարգանայ վտանգաւոր իրավիճակ՝ իր բոլոր տեսանելի եւ անկանխատեսելի ճգնաժամերով։ Ներկայ պայմաններու տակ, վստահաբար, միայն Դաշնակցութիւնն էր, որ իր քաղաքական փորձառութեամբ եւ ազգային բծախնդրութեամբ, կարող էր ներկայացնել հարցերը իրենց ամբողջ մերկութեամբ՝ ի հեճուկս վարչապետի վայելած ժողովրդականութեան եւ Ազգային Ժողովի մէջ ամբարած ջախջախիչ մեծամասնութեան։

  • Մենք տակաւին այդ շունն ենք
    Մենք տակաւին այդ շունն ենք

    Սփիւռքը սունկի նման չբուսաւ։ Ան պարտադրուեցաւ, որպէսզի վերանայ հայրենիքը եւ ընդհուպ չքանայ ազգը։ Սփիւռքահայը մացառի նման չչորացաւ, հողմերուն զարնուեցաւ բայց դիմացաւ, որպէսզի ապրի եւ իրմով ապրեցնէ կորսուած հայրենիքը։

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։