Հա

Ազգային

14/11/2018 - 08:50

Մուրադ Փափազեան. «Դաշնակցութիւնը լաւագոյն ուժն է, որը կարող է միաւորել Հայաստանն ու Սփիւռքը դէպի Հայաստանի հզօրացում»

Հայաստանում Հայ Յեղափոխական Դաշնակցութեան դերի, ծրագրային եւ գաղափարական առաջնահերթութիւնների մասին «yerkir.am»-ը զրուցել է ՀՅԴ Բիւրոյի անդամ, Ֆրանսիայի հայկական կազմակերպութիւնների համակարգող խորհրդի համանախագահ Մուրադ Փափազեանի հետ:

«alikonline.ir» - Հայաստանում Հայ Յեղափոխական Դաշնակցութեան դերի, ծրագրային եւ գաղափարական առաջնահերթութիւնների մասին «yerkir.am»-ը զրուցել է ՀՅԴ Բիւրոյի անդամ, Ֆրանսիայի հայկական կազմակերպութիւնների համակարգող խորհրդի համանախագահ Մուրադ Փափազեանի հետ:

 

- Պարո'ն Փափազեան, որպէս Սփիւռքում եւ Հայաստանում քաղաքական փորձ ունեցող կուսակցական, ինչպէ՞ս էք գնահատում Դաշնակցութեան դերն ապագայ Հայաստանում:

- Դաշնակցութիւնը լաւագոյն ուժն է, որը կարող է միաւորել Հայաստանն ու Սփիւռքը դէպի Հայաստանի հզօրացում: Դաշնակցութիւնն իր պատմութեան ամբողջ ընթացքում միշտ պաշտպանել է հայ ժողովրդի շահերը: Երբ երկիրը սովետական բռնատիրութեան տակ էր, լինելով Հայաստանի անկախութեան զինւորը, Դաշնակցութիւնը միակ ուժն էր, որ երազում էր հայ ժողովրդի փայլուն ապագայի մասին: Դժբախտաբար, ծայրայեղ հակադաշնակցական եւ էժանագին սովետական քարոզչութիւնը հասել է իր նպատակին: Ցաւօք, պէտք է ընդունել, որ մենք չենք յաջողել Հայաստանի ժողովրդին ՀՅԴ-ի իրական պատկերը փոխանցելու հարցում, սակայն ուշ չէ:

 

Ի՞նչ պէտք է անել այդ ուղղութեամբ:

- Այսօր, երբ Հայաստանը դարձել է անկախ պետութիւն, եւ որպէս առաջնահերթութիւն` պէտք է բարձրացնել պետականութեան հզօրութիւնը, Դաշնակցութիւնը միասնականութեան պատգամ է յղում բոլորին: Միասնական ու պատասխանատու ուժը նշանակալի իմաստ ունի մեր ժողովրդի համար, յատկապէս այն դէպքում, երբ անվտանգութեան լուրջ մտահոգութիւններ կան: Չկարծենք, որ Թուրքիան ու Ադրբեջանը հրաժարւել են իրենց պատերազմական ոճը գործադրել Հայաստանի, Արցախի եւ Սփիւռքի դէմ:

 

- Ձեր կարծիքով` տեսանելի ապագայում որո՞նք պէտք է լինեն ՀՅԴ ծրագրային եւ գաղափարական առաջնահերթութիւնները:

- Դաշնակցութիւնը` աշխարհի աւելի քան 30 երկրներում իր ներկայութեամբ, Հայ Դատի իր յանձնախմբերի եւ գրասենեակների միջոցով, իր տասնեակհազարաւոր աշխոյժ անդամներով, հաւատարիմ երիտասարդական շարքերով, ազդեցիկ համակիրներով, այն ուժն է, որի կարիքը ժողովուրդն ունի: Համահայկական բնոյթ ունեցող Դաշնակցութիւնը` իր ներքին փայլուն ռեսուրսներով եւ արտաքին լայն լծակներով ու կապերով, անպաշտօն եւ լրջագոյն դիւանագիտութիւն, ուժ է` ի նպաստ հայ ժողորդի շահերի:

Այսօր, ժողովրդի կամքի շնորհիւ, ժողովրդական շարժման հետեւանքով նոր սկիզբ է որդեգրւել: Լիովին յարգելով ժողովրդի` փոփոխութեան ուղղութեամբ յոյսերը, միասին վերանայենք Դաշնակցութեան մասին հին եւ սխալ գաղափարները: Հաւատանք նորին եւ ճշտին` մի կողմ դնելով կեղտոտ, օտար ուժերի կողմից դեռեւս հին ժամանակներից ՀՅԴ-ի դէմ տարւող քաղաքականութիւնը: Յարգենք նոր սկզբի գաղափարը` դեկտեմբերի 9-ին քւէարկելով ՀՅԴ-ի կողմից առաջադրւած թեկնածուների օգտին:

Յարակից լուրեր

  • Հրամայական են արտախորհրդարանական հակակշռման գործողութիւնները
    Հրամայական են արտախորհրդարանական հակակշռման գործողութիւնները

    Մայիս 23-ի հանրահաւաքը, ըստ էութեան, զուտ պետական դիտանկիւնէ` անհրաժեշտ գործողութիւն էր երկրին մէջ կառուցողական ընդդիմութեան բանաձեւ ձեւաւորելու ուղղութեամբ:

  • «Պահն է լրջանալու ու ազգովին համախմբւելու». Բենիամին Պչաքճեան
    «Պահն է լրջանալու ու ազգովին համախմբւելու». Բենիամին Պչաքճեան

    Մայիսի 23-ին Ազատութեան հրապարակում #Լրջացէք #Յանուն Երկրի կարգախօսով` Հայ Յեղափոխական Դաշնակցութեան նախաձեռնած հանրահաւաքում ելոյթով հանդէս եկաւ ՀՅԴ Բիւրոյի անդամ Բենիամին Պչաքճեան: Ելոյթը ներկայացնում ենք ստորեւ` ամբողջութեամբ:

  • Պետականութեանը սատար կանգնելով` կը կարողանանք 1919-ի հռչակագրի խորհուրդն իրականութիւն դարձնել ապագայ սերունդների համար
    Պետականութեանը սատար կանգնելով` կը կարողանանք 1919-ի հռչակագրի խորհուրդն իրականութիւն դարձնել ապագայ սերունդների համար

    1919-ին, երբ հռչակւեց Միացեալ Հայաստանի ակտը, այն այդ ժամանակ, միանշանակ, իրատեսական գաղափար էր, իսկ դրա ապացոյցը 1920-ի օգոստոսի 10-ի` Սեւրի պայմանագիրն ու նոյեմբերի 22-ի` Վուդրօ Վիլսոնի իրաւավճիռն էին:

  • Կասեցնենք երեսնամեայ մայրամուտը
    Կասեցնենք երեսնամեայ մայրամուտը

    Ազատութեան հրապարակի վրայ Հ. Յ. Դաշնակցութեան հանրահաւաքը ազգային հրամայականն էր ի դէմ երկիրը շրջապատող այն համայնապատկերին, ուր աստիճանաբար կը զարգանայ վտանգաւոր իրավիճակ՝ իր բոլոր տեսանելի եւ անկանխատեսելի ճգնաժամերով։ Ներկայ պայմաններու տակ, վստահաբար, միայն Դաշնակցութիւնն էր, որ իր քաղաքական փորձառութեամբ եւ ազգային բծախնդրութեամբ, կարող էր ներկայացնել հարցերը իրենց ամբողջ մերկութեամբ՝ ի հեճուկս վարչապետի վայելած ժողովրդականութեան եւ Ազգային Ժողովի մէջ ամբարած ջախջախիչ մեծամասնութեան։

  • Կիրօ Մանոյեան. «Անհրաժեշտ է պետականօրէն նշել իրաւական ակտերի 100-ամեակները»
    Կիրօ Մանոյեան. «Անհրաժեշտ է պետականօրէն նշել իրաւական ակտերի 100-ամեակները»

    ՀՀ ԳԱԱ-ում տեղի է ունեցել Հ.Յ. Դաշնակցութեան եւ ՀՀ ԳԱԱ պատմութեան ինստիտուտի կողմից նախաձեռնած «Միացեալ Հայաստանի անկախութեան` 1919 թ. մայիս 28-ի ակտը. պատմութիւն եւ արդիականութիւն» գիտաժողովը, որը նւիրւած է Անկախ, Միացեալ Հայաստանի հռչակման 100-ամեակին: Գիտաժողովը նպատակ ունի քննարկել ակտի պատմական կարեւորութիւնը, հասկանալ դրա քաղաքական նշանակութիւնը, հեռանկարները եւ այլն:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։