Հա

Ազգային

14/11/2018 - 09:00

Արմէն Ռուստամեան. «Ազգային արժէքների պահպանման հարցում Դաշնակցութեան դերակատարութիւնը մեծ է»

Ժողովուրդը Դաշնակցութեան կարիքը միշտ ունի, որպէսզի առնւազն զերծ պահի երկիրն ինչ-որ անորոշ ապագայից, ցնցումներից: Այս մասին, նոյեմբերի 13-ին ՀՀ ԱԺ-ում լրագրողների հետ զրոյցում յայտարարեց ՀՀ ԱԺ ՀՅԴ խմբակցութեան ղեկավար Արմէն Ռուստամեանը:

«alikonline.ir» - Ժողովուրդը Դաշնակցութեան կարիքը միշտ ունի, որպէսզի առնւազն զերծ պահի երկիրն ինչ-որ անորոշ ապագայից, ցնցումներից: Այս մասին, նոյեմբերի 13-ին ՀՀ ԱԺ-ում լրագրողների հետ զրոյցում յայտարարեց ՀՀ ԱԺ ՀՅԴ խմբակցութեան ղեկավար Արմէն Ռուստամեանը: Տեղեկացնում է «yerkir.am»-ը:

«Այսօր ապագայի նկատմամբ անորոշութիւնը շատ մեծ է, եւ ազգային արժէքների պահպանման հարցում Դաշնակցութեան դերակատարութիւնը մեծ է: Ես ասել եմ` Դաշնակցութեան գոյութիւնը պայմանաւորւած չի լինելու այս ընտրութիւնների արդիւնքներով: Դաշնակցութիւնն, անկախ ամէն ինչից, եղել է, կայ ու կը լինի, քանի այս ազգային խնդիրները չեն լուծւել: Միւս կուսակցութիւնները պէտք է մտածեն, որ եթէ յանկարծ իշխանութիւնը կորցնեն, կը պահպանւե՞ն, թէ՞ ոչ, ընտրութիւններում ձախողւեն, այլեւս կը մնա՞ն, թէ՞ ոչ: Դաշնակցութիւնն այդպիսի խնդիր չունի»,- շեշտեց նա:

Ռուստամեանն ասաց, որ մարդիկ կան, որ դեռ ազդւած են 70 տարիների հակադաշնակցական քարոզչութիւնից: «Դաշնակցութիւնը ներկայացւել է որպէս դաւաճան, որպէս հողեր տւող եւ այլն: Ինչ ասես, ասել են: Այնպիսի մթնոլորտ են ձեւաւորել Դաշնակցութեան շուրջ, որ մարդկանց հետ խօսում ես ու զարմանում, որ մարդիկ այդ ազդեցութեան տակ են դեռ: Ֆիլմերը նայէք` ինչեր են ցոյց տալիս»,- նշեց նա:

Հարցին` այդ անվստահութիւնը ՀՅԴ-ի քայլերի պատճառով չէ՞, Ռուստամեանը պատասխանեց. «Ցանկացած կուսակցութիւն, թէկուզ` 128 օրական լինի, տեսէք, թէ քանի սխալ թոյլ կը տայ: Բա Դաշնակցութիւնը 128 տարի գործել է: Իհարկէ, եղել են նաեւ սխալներ»:

Ըստ նրա` հիմնական սխալներից մէկն այն է, որ ՀՅԴ-ն կոալիցիա է կազմել, որտեղ վճռորոշ ձայն չի ունեցել: «Չէր կարելի կոալիցիա կազմել, որտեղ կարող են առանց քեզ որոշումներ կայացնել: Դրա պատճառով մենք չենք կարողացել լիարժէք լուծել մեր առջեւ դրւած խնդիրները: Հիմա այդպիսի բան չի կրկնւի»,- վստահեցրեց Ռուստամեանը:

Հարցին` վերջին կոալիցիա՞ն նկատի ունի, նա պատասխանեց` բոլորը: «Վերջինը մի քիչ տրամաբանութիւն ունէր: 3/5-ի պահանջ կար, առանց մեզ չէին կարողանում ձեւաւորել այդ 3/5-ը: Երբ սահմանադրական օրէնքներ պէտք է փոխւէին, այդ ժամանակ առանց ՀՅԴ-ի չէին կարողանում` այդտեղ դերակատարութիւն կար: Բայց մնացած հարցերում դերակատարութիւնը եղել է ՀՀԿ-ինը, մեր դերը վճռորոշ չի եղել»,- ասաց պատգամաւորը եւ յաւելեց, որ եթէ իրենք չեն ունենալու վճռական ձայնի իրաւունք եւ առանց իրենց կարող են որոշումներ կայացնել, այդպիսի դաշինքների, միութիւնների մէջ չեն մտնելու:

Յարակից լուրեր

  • Չքնէք, տղաներ
    Չքնէք, տղաներ

    Մենք հիւանդանում ենք, երբ ընկնում է մեր օրգանիզմի իմունիտետը: Այն ուժը, ներքին այն դիմացկունութիւնը, որը կայ ու ամէն օր պայքարում է մեր օրգանիզմի վրայ արշաւող հազար տեսակ ախտ-աղարտի դէմ, թուլանում է ու մենք դառնում ենք խոցելի: Սովալլուկ մանրէներն ու հիւանդածին բակտերիաները արագ անցնում են գործի ու ախտահարում մեր առողջ օրգանները:

  • Հայրենի մեր ժողովուրդը ինչո՞ւ իր քւէն չի վստահում Հայ Յեղափոխական Դաշնակցութեան
    Հայրենի մեր ժողովուրդը ինչո՞ւ իր քւէն չի վստահում Հայ Յեղափոխական Դաշնակցութեան

    Աւարտւեց Հայաստանի խորհրդարանի արտահերթ ընտրութիւնները, իր յետեւից թողնելով բազմաթիւ՝ դեռեւս անպատասխան մնացած հարցեր:

    Մեզ՝ սփիւռքահայերիս համար, որ առօրեայ լրահոսի միջոցով կապւած ենք Հայաստանի եւ Արցախի իրադարձութիւնների հետ, հարցերի հարցը թերեւս այն է, թէ ինչու հայրենի մեր ժողովուրդն իր քւէն չի վստահում Հայ Յեղափոխական Դաշնակցութեան: Ո՞րն է պատճառը, որ ՀՅԴ ծրագրերն ու գործելաոճը չի ընկալւում Հայաստանի քաղաքացիների կողմից:

  • «Էս չորս փամփուշտից մէկը Դուշմանինն է, մէկը՝ Ուզբեկինը, միւսը՝ Վարդան Բախշեանինը, չորրորդն էլ` իմը»
    «Էս չորս փամփուշտից մէկը Դուշմանինն է, մէկը՝ Ուզբեկինը, միւսը՝ Վարդան Բախշեանինը, չորրորդն էլ` իմը»

    Այսօր Արցախեան ազատամարտի դաշնակցական հերոս Արթուր Ղարիբեանի ծննդեան օրն է։

  • «Ես մեկնում եմ կռիւ՝ մեռնելու կամ յաղթելու, բայց՝ յաղթելու»
    «Ես մեկնում եմ կռիւ՝ մեռնելու կամ յաղթելու, բայց՝ յաղթելու»

    Այսօր Արցախեան ազատամարտի հերոս, ՀՅԴ անդամ, Հայաստանում սկաուտութեան վերահիմնադիր Վարդան Բախշեանի նահատակութեան օրն է։

  • Ընկեր Աբոյին յիշելիս
    Ընկեր Աբոյին յիշելիս

    Արամ Թովմասնեանը «Facebook»-ի իր էջում գրութիւն է տեղադրել, յիշելով Հայ Յեղափոխական Դաշնակցութեան կարկառուն գործիչներից մէկին՝ Աբօ Աշճեանին:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։