Հա

Ազգային

16/11/2018 - 12:20

Արսէն Համբարձումեան. «Շատ կարեւոր է, որ խորհրդարանում սոցիալիստական ուժեր ներկայացւած լինեն»

Դաշնակցութիւնը սոցիալիստական կուսակցութիւն է, եւ այդ իմաստով միակն է այս փուլում առաջադրւած կուսակցութիւններից. երէկ «Երկիր Մեդիա» հեռուստաընկերութեան «Հարցեր` դաշնակցականներին» ծրագրի ընթացքում ասել է ՀՅԴ Հայաստանի ԳՄ ներկայացուցիչ Արսէն Համբարձումեանը:

«alikonline.ir» - Դաշնակցութիւնը սոցիալիստական կուսակցութիւն է, եւ այդ իմաստով միակն է այս փուլում առաջադրւած կուսակցութիւններից. երէկ «Երկիր Մեդիա» հեռուստաընկերութեան «Հարցեր` դաշնակցականներին» ծրագրի ընթացքում ասել է ՀՅԴ Հայաստանի ԳՄ ներկայացուցիչ Արսէն Համբարձումեանը:

Հարցին, թէ ո՞րն է Դաշնակցութեան առաւելութիւնը, նա պատասխանել, որ պէտք է նշել երկու կարեւոր առաձնայատկութիւն: «Առաջինը` երկրում ստեղծւող ազգային արդիւնքը ինչպէ՞ս պիտի վերաբաշւի,  երկրորդը` պետութիւնն ի՞նչ դերակատարութիւն պիտի ունենայ սոցիալական արդարութեան ապահովման առումով: Այս երկու հիմնական կարեւոր հարցերի հետ կապւած մեր մօտեցումները արմատապէս տարբերւում են լիբերալ հայացքներ ունեցող քաղաքաական աջ ուժերից: Ի վերջոյ, շատ կարեւոր է, որ ազգային արդիւնքը վերստեղծւում է բոլորի աշխատանքով` թէ՛ բանւորի, թէ՛ գիւղացու, թէ՛ գործարարի, թէ՛ չինովնիկի: Այդ արդիւնքն ինչպէ՞ս պիտի վերաբաշխւի, որ երկրում լինի սոցիալական համերաշխութիւն: Առանց սոցիալական համերաշխութեան` ուժեղ երկիր կառուցել հնարաւոր չէ, առանց ողնաշար` ստեղծել հնարաւոր չէ: Սա նաեւ ուժեղ պետութիւն կառուցելու միջոց է, որպէսզի մենք կարողանանք հասնել մեր ազգային տեսլականին:

Երկրորդը` պետութիւնն ի՞նչ դերակատարութիւն պէտք է ունենայ: Պետութիւնը պիտի ունենայ պասիւ, հայեցողական, կրաւորական կեցւա՞ծք` թողնելով ամէն ինչ շուկայի կարգաւորմանը, թէ՞ պետութիւնն, այնուամենայնիւ, պիտի ունենայ ռէալ մասնակցութիւն արդարութեան ապահովման գործում` իր արտաքին, մաքսային քաղաքականութեամբ եւ տարբեր կարգաւորումներով: Գաղտնիք չէ, որ իւրաքանչիւր հասարակութիւնում կան մարդիկ, կան խաւեր, որոնք տարբեր պատճառներով ի վիճակի չեն ապահովել իրենց համար անհրաժեշտ կենսապահովման նւազագոյնը: Եւ եթէ չլինի հասարակութեան միւս անդամների, այսպէս ասած, աւելի ուժեղ, աւելի մրցունակ անդամների աջակցութիւնը, սոցիալական այս խաւերի պարագայում մենք կունենանք լրջագոյն խնդիր: Հանրային համերաշխութիւնը սրանում պիտի կայանայ, որովհետեւ մարդը չի կարող երջանիկ լինել, եթէ ունի հարեւան, որն ապրում է ծայրայեղ աղքատութեան պարագայում»,- նշել է Համբարձումեանը:

«Ի վերջոյ, մէկն աշխատասէր է, մէկը` ոչ այնքան, մէկը խելացի է, մէկը` ոչ այնքան, մէկը լաւ գործարար ջիղ ունի, մէկը` ոչ այնքան: Բնականաբար, այդ առումով պիտի լինեն կենսամակարդակի տարբերութիւններ, բայց խօսքը նրա մասին է, որ հասարակութեան ոչ մրցունակ` կարիքաւոր շերտերը պիտի նւազագոյնն  ապահովելու հնարաւորութիւն ունենան» ,- յաւելել է ԳՄ ներկայացուցիչը:

Համբարձումեանը նաեւ յիշեցրել է այն օրէնքըն, որը մեծ ջանքերի գնով` դեռեւս 2004 թւականին ՀՅԴ խմբակցութիւնը կարողացել է ԱԺ-ում ընդունել տալ: «ՀՅԴ-ն կարողացել է այդ օրէնքն ընդունել տալ, չեմ վախենում այս բառից, որովհետեւ այն աննախընթաց պատմութիւն է ունեցել: Այն ժամանակ կարողացանք յաջողել այս հարցում, եւ Հայաստանում ընդունւեց կենսապահովման նւազագոյն բիւջէ եւ կենսապահովման նւազագոյն զամբիւղի մասին օրէնքը: Դժբախտաբար, պիտի արձանագրեմ, որ այդ օրենք այդպէս էլ միս ու արիւն չստացաւ: Եթէ այդ օրէնքն աշխատեր մեր երկրում, ես վստահեցնում եմ ձեզ` մեր երկրում այսօր կունենայինք  էապէս այլ վիճակ, աղքատութեան 30 տոկոս չէինք ունենայ: Սրա համար շատ կարեւոր է, որ խորհրդարանում սոցիալիզմ կամ, եթէ կուզէք, ընկերվարութիւն (այս պարագայում «իզմ»-ը չէ կարեւոր), նման քաղաքական ուժեր ներկայացւած լինեն: Միայն այդ ուժերի ներկայութեան պարագայում է, որ հնարաւոր է` մեր երկրում սոցիալական քաղաքականութիւն փոխւի»,- ընդգծել է Համբարձումեանը:

Նա ուշադրութիւն է հրաւիրել նաեւ աշխատանքի պետական տեսչութեան ստեղծմանը, որը, նրա խօսքով, կեանքի է կոչւել դաշնակցական նախարարի պաշտօնավարման ժամանակ եւ դաշնակցական նախարարների հեռանալուց յետոյ լուծարւել է: «Այսինքն` աշխատաւորների իրաւունքների պաշտպանութեան հարցը, որը մեր երկրում շատ կարեւոր է, սկսեց էլի անտեսւել: Անգամ մեր նւազագոյն հնարաւորութիւնների դէպքում մենք փորձել ենք անել առաւելագոյնը: Անշուշտ, շատ հարցերում միգուցէ չենք յաջողել կամ իսկապէս չենք յաջողել, բայց որ արդիւնքներ արձանագրել ենք` միանշանակ է: Այդպիսի բազմաթիւ օրինակներ կարելի է բերել»,- ասել է Արսէն Համբարձումեանը:

Յարակից լուրեր

  • Տեղի է ունեցել ՀՅԴ - ԲՀԿ հանդիպում
    Տեղի է ունեցել ՀՅԴ - ԲՀԿ հանդիպում

    Յունիսի 17-ին, ՀՅԴ Հայաստանի Գերագոյն մարմնի նախաձեռնութեամբ, «Բարգաւաճ Հայաստան» կուսակցութեան ղեկավարութեան հետ տեղի է ունեցել միջկուսակցական հանդիպում, որին Դաշնակցութեան կողմից մասնակցել են ՀՅԴ Բիւրոյի անդամ Արսէն Համբարձումեանը, ՀՅԴ Հայաստանի Գերագոյն մարմնի ներկայացուցիչ Իշխան Սաղաթելեանը եւ ՀՅԴ մասնագիտական ոլորտային յանձնախմբերի համակարգող Արծւիկ Մինասեանը:

  • Շարունակւում են ՀՅԴ Բիւրոյի ներկայացուցչի հանդիպումները Կիպրոսում
    Շարունակւում են ՀՅԴ Բիւրոյի ներկայացուցչի հանդիպումները Կիպրոսում

    Կիպրոս այցելութեան շրջանակներում յունիսի 11-ին ՀՅԴ Բիւրոյի ներկայացուցիչ Յակոբ Տէր-Խաչատուրեանը հանդիպել է Կիպրոսի պետական-կուսակցական ներկայացուցիչների հետ:

  • Սարգիս Ազնաւորեան՝ Դաշնակցութեան յեղափոխական աւանդներու պահապանը
    Սարգիս Ազնաւորեան՝ Դաշնակցութեան յեղափոխական աւանդներու պահապանը

    Սարգիս Ազնաւորեան մարտական գործի մարդն էր։ Միշտ լռակեաց եւ խոնարհ, խստապահանջութեամբ պատրաստեց սերունդներ՝ պաշտպանելու համար Լիբանանի մեր հայահոծ գաղութները։ Նիկոլ Դումանի հաւատքով ու օրինակով, ան եղաւ Դաշնակցութեան մարտականակերտը եւ մեր յեղափոխական աւանդներու պահապանը։

  • Սոցիալական քաղաքականութեան արդիւնքների ամփոփում` 2018 թ. մայիսից 2019 թ. մայիս. ՀՅԴ ՄՈՀ
    Սոցիալական քաղաքականութեան արդիւնքների ամփոփում` 2018 թ. մայիսից 2019 թ. մայիս. ՀՅԴ ՄՈՀ

    Իշխանափոխութիւնից յետոյ անցել է մէկ տարի, սակայն մեր երկրում աղքատութիւն ծնող հիմնական պատճառներից են շարունակում մնալ գործազրկութեան խրոնիկ բարձր մակարդակը, աշխատանքի վարձատրութեան ցածր մակարդակն ու աշխատող աղքատների պահպանվող բարձր ցուցանիշը: Անապահով ընտանիքները յայտնւում են աղքատութեան ցիկլում՝ այդ ընտանիքներում մեծացող երեխաները չեն ստանում բաւարար սնունդ, որակեալ կրթական եւ առողջապահական ծառայութիւններ, որի արդիւնքում նրանք եւ նրանց ընտանիքները ապագայում եւս դատապարտւած են աղքատութեան:

  • Կազմակերպութիւն, որը պետականութիւն կերտեց
    Կազմակերպութիւն, որը պետականութիւն կերտեց

    Իւրաքանչիւր տարի Հայոց պետականութեան վերականգնման օրը նշելուց, որ այժմ կոչւում է «Հանրապետութեան օր», ինչ-որ բաներ անտեսւում են: Անտեսւում են գաղափարական հիմքերը, արժէքային եւ կազմակերպչական հզօր համակարգը, որոնց բացակայութեան պարագայում չէր կարող իրականութիւն դառնալ պետականութեան ստեղծումը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։