Հա

Ազգային

10/12/2018 - 15:00

«Մենք շնորհակալ ենք ՀՅԴ-ին կողմ քւէարկած քաղաքացիներին». Հ.Յ.Դաշնակցութեան յայտարարութիւնը

Արտահերթ խորհրդարանական ընտրութիւնների արդիւնքում Հայ Յեղափոխական Դաշնակցութիւնը ներկայացւած չի լինի Հայաստանի Հանրապետության 7-րդ գումարման Ազգային Ժողովում:

Արտահերթ խորհրդարանական ընտրութիւնների արդիւնքում Հայ Յեղափոխական Դաշնակցութիւնը ներկայացւած չի լինի Հայաստանի Հանրապետության 7-րդ գումարման Ազգային Ժողովում:

Սա պարտութիւն է, սակայն ոչ մեր ընտրողների:

Եւ այս պարտութեան մէջ մենք տեսնում ենք հետեւեալը.

Ա. ընտրողն այսօր իր ձայնը տւեց անհատին, ոչ գաղափարին ու ծրագրին,

Բ. ընտրութեան մասնակիցների մի ստւար զանգւածն այսօր կենտրոնացած է «ներքին թշնամու» կերպարի վրայ ու ապշելու աստիճան անհոգ է արտաքին եւ ներքին վտանգներին հանդիման,

Գ. Դաշնակցութեան մօտեցումներն այսօր ընկալւում են փոքրամասնութեան կողմից,

Դ. պատշաճօրէն չի կարեւորւում Արցախեան գործօնը քաղաքական օրակարգում,

Ե. Ձեւաւորւում է Ազգային ժողով առանց յստակ գաղափարական եւ ազգային դիմագծի:

Այս կարճատեւ քարոզարշաւը նաեւ կարեւորւեց նրանով, որ մենք՝

Ա. Ստացանք իրատեսական պատկերացում համակիրների այն բանակի մասին, որը կը մասնակցի մեր պայքարին: Այդ բանակը փոքրաթիւ է, բայց փոխարէնը իրական, նրա որոշումը յստակ է, ոչ մոդայիկ եւ թելադրւած է միայն ու միայն ներքին համոզմամբ ու յստակ գիտակցութեամբ: Ոչ մի անգիտակից քւէ, ոչ մի պատահական մարդ:

Բ. Կարողացանք բանավիճել, բարձրաձայնել մեր մտահոգութիւնները, հակադարձել վտանգաւոր միտումներին, բերել մեր փաստարկները: Այս պահին մեր խօսքը լայն ընկալում չունեցաւ ու թերագնահատւեց, սակայն մեզ յաջողւեց ցոյց տալ իրավիճակն անտեսւած կողմից, մտածելու ու վերլուծելու առիթ ստեղծել ու արթնացնել զգօնութիւնը: Ժամանակի ընթացքում անկողմնակալ, հայրենիքի ճակատագրով մտահոգ ու Արցախի հիմնախնդրի նշանակութիւնը ճիշտ պատկերացնող մեր քաղաքացիները կը համադրեն ամէն օր ստացւող նորութիւնները մեր հնչեցրած մտահոգութիւնների հետ եւ կը գիտակցեն, թէ ինչի մասին էինք խօսում, ահազանգում:

Մենք շնորհակալ ենք ՀՅԴ-ին կողմ քւէարկած քաղաքացիներին,

Մենք շնորհակալ ենք մեր երիտասարդներին՝

- անմնացորդ նւիրումի ու կրակոտ էներգիայի համար,

- մեր ընդհանուր գործի մէջ հոգի դնելու համար,

- հայութեան ամենաազգային եւ ամենապատասխանատու կազմակերպութեան հետ իրենց կեանքը կապելու համար,

Շնորհակալ ենք մեր շարքերին՝

l ամենօրեայ հետեւողական աշխատանքի,

l տարիներով ապացուցւած հաւատարմութեան,

l խստապահանջութեան, դիտողութիւնների, բայց եւ կարգապահութեան համար:

Փակւում է պատմութեան այս փուլը ու գալիս է նորը: Մենք մուտք ենք գործում այդ նոր պատմութեան մէջ համազգային կուռ կառոյցով, ապագայի մեր երազանքով ու պայքարելու վճռականութեամբ:

Հայ Յեղափոխական Դաշնակցութիւն

10 դեկտեմբեր 2018 թ.

Յարակից լուրեր

  • Հրամայական են արտախորհրդարանական հակակշռման գործողութիւնները
    Հրամայական են արտախորհրդարանական հակակշռման գործողութիւնները

    Մայիս 23-ի հանրահաւաքը, ըստ էութեան, զուտ պետական դիտանկիւնէ` անհրաժեշտ գործողութիւն էր երկրին մէջ կառուցողական ընդդիմութեան բանաձեւ ձեւաւորելու ուղղութեամբ:

  • «Պահն է լրջանալու ու ազգովին համախմբւելու». Բենիամին Պչաքճեան
    «Պահն է լրջանալու ու ազգովին համախմբւելու». Բենիամին Պչաքճեան

    Մայիսի 23-ին Ազատութեան հրապարակում #Լրջացէք #Յանուն Երկրի կարգախօսով` Հայ Յեղափոխական Դաշնակցութեան նախաձեռնած հանրահաւաքում ելոյթով հանդէս եկաւ ՀՅԴ Բիւրոյի անդամ Բենիամին Պչաքճեան: Ելոյթը ներկայացնում ենք ստորեւ` ամբողջութեամբ:

  • Պետականութեանը սատար կանգնելով` կը կարողանանք 1919-ի հռչակագրի խորհուրդն իրականութիւն դարձնել ապագայ սերունդների համար
    Պետականութեանը սատար կանգնելով` կը կարողանանք 1919-ի հռչակագրի խորհուրդն իրականութիւն դարձնել ապագայ սերունդների համար

    1919-ին, երբ հռչակւեց Միացեալ Հայաստանի ակտը, այն այդ ժամանակ, միանշանակ, իրատեսական գաղափար էր, իսկ դրա ապացոյցը 1920-ի օգոստոսի 10-ի` Սեւրի պայմանագիրն ու նոյեմբերի 22-ի` Վուդրօ Վիլսոնի իրաւավճիռն էին:

  • Կասեցնենք երեսնամեայ մայրամուտը
    Կասեցնենք երեսնամեայ մայրամուտը

    Ազատութեան հրապարակի վրայ Հ. Յ. Դաշնակցութեան հանրահաւաքը ազգային հրամայականն էր ի դէմ երկիրը շրջապատող այն համայնապատկերին, ուր աստիճանաբար կը զարգանայ վտանգաւոր իրավիճակ՝ իր բոլոր տեսանելի եւ անկանխատեսելի ճգնաժամերով։ Ներկայ պայմաններու տակ, վստահաբար, միայն Դաշնակցութիւնն էր, որ իր քաղաքական փորձառութեամբ եւ ազգային բծախնդրութեամբ, կարող էր ներկայացնել հարցերը իրենց ամբողջ մերկութեամբ՝ ի հեճուկս վարչապետի վայելած ժողովրդականութեան եւ Ազգային Ժողովի մէջ ամբարած ջախջախիչ մեծամասնութեան։

  • Կիրօ Մանոյեան. «Անհրաժեշտ է պետականօրէն նշել իրաւական ակտերի 100-ամեակները»
    Կիրօ Մանոյեան. «Անհրաժեշտ է պետականօրէն նշել իրաւական ակտերի 100-ամեակները»

    ՀՀ ԳԱԱ-ում տեղի է ունեցել Հ.Յ. Դաշնակցութեան եւ ՀՀ ԳԱԱ պատմութեան ինստիտուտի կողմից նախաձեռնած «Միացեալ Հայաստանի անկախութեան` 1919 թ. մայիս 28-ի ակտը. պատմութիւն եւ արդիականութիւն» գիտաժողովը, որը նւիրւած է Անկախ, Միացեալ Հայաստանի հռչակման 100-ամեակին: Գիտաժողովը նպատակ ունի քննարկել ակտի պատմական կարեւորութիւնը, հասկանալ դրա քաղաքական նշանակութիւնը, հեռանկարները եւ այլն:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։