Հա

Ազգային

29/12/2018 - 12:00

Ընկեր Աբոյի Պուրճ Համուտը

Քաղաքացիական երկարամեայ կռիւներու ընթացքին, Լիբանանի հայութեան պաշտպանութեան վէմն էր Աբօ Աշճեան։ Այդ պաշտպանութեան մարտկոցը Պուրճ Համուտն էր։ Այդ մարտկոցին ռազմավարական միտքն ու արիութեան ոգին ընկ. Աբոն էր։

ՍԵԴՕ ՊՈՅԱՃԵԱՆ

 

Քաղաքացիական երկարամեայ կռիւներու ընթացքին, Լիբանանի հայութեան պաշտպանութեան վէմն էր Աբօ Աշճեան։ Այդ պաշտպանութեան մարտկոցը Պուրճ Համուտն էր։ Այդ մարտկոցին ռազմավարական միտքն ու արիութեան ոգին ընկ. Աբոն էր։

Արդարացիօրէն պէտք է ըսել որ ասիկա ընկեր Աբոյի Պուրճ Համուտն էր։ Պուրճ Համուտը գրեթէ մեր նոր Կարսն էր։ Ան մեր արդի մարտականացման հնոցն էր, մեր քաղաքականացման քուրան էր, արդարութեան մարտիկին դարբնոցն էր։ Այս բոլորի մէջ ֆիզիկապէս տեսանելի չէր եւ չէր ուզեր ըլլալ մեր մեծ ընկերը, սակայն ողջ ժողովուրդը գիտէր ու կը զգար անոր կամքին ներկայութիւնը։

Ա՛յո, ասիկա ընկ. Աբոյի Պուրճ Համուտն էր։ Այստեղ, Դաշնակցութիւնը կը պաշտպանէր բովանդակ հայութեան շահերը՝ առանց դասակարգային կամ կուսակցական խտրութեան։ Նաեւ այստեղ, Դաշնակցութիւնը կը ծառայէր Հայաստանի եւ հայութեան դատին՝ իր բոլոր ուժերով եւ երբ հարկ է՝ իր արդարութեան մարտիկին կեանքով։

Այս բոլորն էր ընկ. Աբոյի Պուրճ Համուտը։ Բանակի համազօր կազմակերպ ուժեր, թաղերու պաշտպանութիւն՝ գրոհներու դէմ, հայկական հաստատութիւններու ապահովութիւն, ժողովուրդին պարէնաւորում, առողջապահութեան հոգատարութիւն... Գրեթէ կառավարութեան համազօր կառոյց եւ աշխատանք։ Բառերը անբաւարար են նկարագրելու համար գործը։ Վարի մի քանի լուսանկարները բաւարար են պատկերացնելու այն մեծ գործը, որ կատարուեցաւ ընկ. Աբոյի Պուրճ Համուտին մէջ։

Ընկ. Աբոյի Պուրճ Համուտը կը մնայ կանգուն։ Մեր ընկերոջ ներկայութիւնը տակաւին կը սաւառնի անոր վերեւ, որպէսզի շարունակէ իր ծոցէն ծնիլ նոր Աբոներ, Խաչիկներ, Անդոներ, Ղամպուրներ..., միշտ ի սպաս մեր ժողովուրդի պաշտպանութեան եւ Հայ Դատի պահանջատիրութեան պայքարին։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։