Հա

Ազգային

17/02/2019 - 15:02

Վարշաւայից՝ Սոչի, Իրանի դիւանագիտական յաղթարշաւը...

Անցնող ու ընթացիկ շաբաթւայ քաղաքական իրադարձութիւնների յաջորդականութիւնը վկայում է տարածաշրջանում մէկ կողմից Թրամփեան վարչախմբի, իսկ միւս կողմից Թուրքիայի արտաքին դիւանագիտութեան կրկնակի ձախողման մասին, յատկապէս հակաիրան արշաւի համատեքստում:

Դ. Մ.

Անցնող ու ընթացիկ շաբաթւայ քաղաքական իրադարձութիւնների յաջորդականութիւնը վկայում է տարածաշրջանում մէկ կողմից Թրամփեան վարչախմբի, իսկ միւս կողմից Թուրքիայի արտաքին դիւանագիտութեան կրկնակի ձախողման մասին, յատկապէս հակաիրան արշաւի համատեքստում:

1- Ամիսներ ի վեր Իրանին Միջին Արեւելքի անվտանգութեան սպառնալիքը ներկայացնելու Բոլտոն-Պոմպէօ նախաձեռնած Վարշաւեան համաժողովը աւարտւեց ապարդիւն, որտեղ տասնեակ երկրների 2-րդ-3-րդական կարգի ներկայացուցիչների կողքին միայնակ մնացած ԱՄՆ փոխնախագահ Փենսը, ԱԳ նախարար Պոմպէօն, ինչպէսեւ՝ Իսրայէլի վարչապետ Նաթանիահուն, հակաիրան հռետորաբանութեան կրկնութիւնից բացի, այլ «ձեռքբերում» չունեցան… Աւելին, վերջիններս Իրանին «Համաշխարհային ահաբեկչութեան առաջնակարգ երկիր» անւանելով, փաստօրէն խայտառակւեցին յաչս աշխարհի, երբ նոյն օրերին Իրանի Զահեդան նահանգում իրանական խաղաղապահ շուրջ 30 աշխարհազօրայիններ «Ջէյշօլադլ» ահաբեկչական խմբաւորման քստմնելի արարքի զոհը դարձան…

2- Վարշաւայի ժողովի հետ գրեթէ միաժամանակ, Սոչիում կայացաւ Իրան-Ռուսաստան-Թուրքիա հերթական նիստը՝ սիրիական ճգնաժամի օրակարգով, որտեղ ի հեճուկս Թուրքիայի սակարկումների, Իրանը դարձեալ ամրապնդեց իր դիրքորոշումը՝ ընդհանրապէս Սիրիայի, իսկ մասնաւորապէս շրջանում հաշւառելի գործօն հանդիսացող քրդական իրականութեան խնդրում, որն էլ տւեալ դէպքում համահունչ էր ռուսական կողմնորոշմանը: Այստեղ, ինչպէս նոյն օրակարգով թեհրանեան եռակողմ նախկին ժողովում, Թուրքիան դարձեալ պարտաւորւեց զիջել դիրքերը ռուս-իրանական սկզբունքային ու ռազմավարական կողմնորոշումներին:

Հարցը, սակայն, կայանում է նրանում, որ թէ՛ Իրանը եւ թէ՛ Ռուսաստանը սիրիական պետութեան պաշտօնական դիմումի տրամաբանութեամբ է, որ ռազմա-քաղաքական ներկայութիւն են ապահովել երկրում, մինչդեռ Թուրքիան ոչ Սիրիայի իշխանութիւնների, ոչ էլ առաւել եւս քրդերի անվտանգութեան սիրոյն է, որ մերթընդմերթ ներխուժում են Սիրիայի տարածք: Իսկ հետաքրքիր կերպով թուրքական զօրքերը Սիրիա ներխուժումից յետոյ, նախընտրաբար տեղակայւում են այն շրջաններում (Աֆրին, Մանբիջ, Իդլիբ), որտեղ ցայժմ ԴԱԷՇ-ական զօրամիաւորումները թէեւ մասնակի, բայց մանեւրելու հնարաւորութիւն ունեն:

Այս իրողութեան լոյսի ներքոյ էլ, բացառւած չէ պատեհապաշտ Թուրքիայի հեռանալը՝ եռակողմ բլոկից ու վերստին միացումը՝ «Միջազգային կոալիցիային», ինչպէս որ էր ԴԱԷՇ-ական «յաղթարշաւի» ժամանակաշրջանում…‎:

Յարակից լուրեր

  • Մովսիսեան. «Կարեւորւել է Իրան-Հայաստան յարաբերութիւնների գծով երկու երկրների ԶԼՄ-ների դերը»
    Մովսիսեան. «Կարեւորւել է Իրան-Հայաստան յարաբերութիւնների գծով երկու երկրների ԶԼՄ-ների դերը»

    Երէկ, յունիսի 19-ի երեկոյեան, «Ալիք» օրաթերթ այցելեցին Հայաստանի Հանրապետութեան վարչապետի աշխատակազմի հանրային կապերի եւ տեղեկատւութեան կենտրոն ՊՈԱԿ-ի (Պետական ոչ-առեւտրային կազմակերպութիւնների) ղեկավար Յովհաննէս Մովսիսեանը եւ Երեւանի Պետական համալսարանի իրանագիտութեան ամբիոնի դասախօս Արմէն Իսրայէլեանը, գլխաւորութեամբ Իրանում ՀՀ արտակարգ եւ լիազօր դեսպան Արտաշէս Թումանեանի եւ դեսպանատան դիւանագիտական կազմի:

  • Թրամփի ժողովրդային «իմփիչմենտը»...
    Թրամփի ժողովրդային «իմփիչմենտը»...

    Օմանի ծովում երկու լցանաւերի պայթիւնները, ինչ խօսք, աշխատում են հակաիրան հռետորաբանութեան օգտին, որին լծւած են ինչպէս ԱՄՆ-ի թրամփեան վարչակազմը, նոյնպէսեւ՝ տարածաշրջանային ռազմական թէ՛ նաւթային խամաճիկները: Այս վերջինները նոյնիսկ պատերազմական իրավիճակների արդարացման կոչերով են շարունակում հանդէս գալ, յար եւ նման անցեալ ամիս Ս. Արաբիայում կայացած արաբական լիգայի հապճեպ ու անարդիւնաւէտ համաժողովի կոչերի...

  • Կրկնակի պարտաւորութիւն...
    Կրկնակի պարտաւորութիւն...

    Յարգելի ընթերցող, պատմութիւնը եւ առհասարակ պատմական նշանակալի իրադարձութիւնները գնահատւում-արժեւորւում են նրանով նաեւ, երբ դրանք սերտելու եւ առաւել եւս՝ դրանցից դասեր առնելու ունակ է տւեալ պատմութեան կրող ժողովուրդը, ազգն ու պետութիւնը...:

  • Ուրմիայի գոյամարտի վճռորոշ դերը՝ 1918 թ. Մայիսեան յաղթանակներում
    Ուրմիայի գոյամարտի վճռորոշ դերը՝ 1918 թ. Մայիսեան յաղթանակներում

    Թուրքական բանակը մինչ 1918 թ. Մայիսեան ջախջախիչ պարտութիւնները, արդէն բազմիցս ճաշակել էր հայի անկոտրում կամքի ու բազկի զօրութիւնը...

  • Դաշինքով, թէ առանց դաշինքի...
    Դաշինքով, թէ առանց դաշինքի...

    Հակաիրան «Եռեակ դաշինքը» ԱՄՆ-ի, Իսրայէլի եւ Ս. Արաբիայի համահեղինակութեամբ անթաքոյց՝ պատերազմական իրավիճակի հեռանկարներ է ուրւագծում, որն յղի է ինչպէս տարածաշրջանային, այնպէս էլ միջազգային մակարդակով պայթիւնավտանգ հանգամանքներով…

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։