Հա

Ազգային

16/03/2019 - 12:10

Իրանցի զբօսաշրջիկների վճարունակութիւնը նւազել է, Հայաստանի փոխարէն նրանք գերադասում են Թուրքիան. ոլորտի ներկայացուցիչ

Նովրուզի շրջանում Հայաստան այցելող իրանցի զբօսաշրջիկների թւաքանակը զգալիօրէն նւազել է։ Այդ են վկայում Հայաստանում իրանական «Aseman Airline» մասնաւոր ընկերութեան վաճառքի գլխաւոր գործակալ հանդիսացող «Տաթեւ» տուրիստական գործակալութեան տւեալները։ 

«alikonline.ir» - Նովրուզի շրջանում Հայաստան այցելող իրանցի զբօսաշրջիկների թւաքանակը զգալիօրէն նւազել է։ Այդ են վկայում Հայաստանում իրանական «Aseman Airline» մասնաւոր ընկերութեան վաճառքի գլխաւոր գործակալ հանդիսացող «Տաթեւ» տուրիստական գործակալութեան տւեալները։

Ինչպէս «Aysor.am»-ի հետ զրոյցում ասաց տուրիստական գործակալութեան մենեջեր Սեւակ Դաւուդեանը, իրանցի զբօսաշրջիկների կողմից ամրագրումների թիւն իրենց մօտ այս տարի չափազանց փոքր է՝ հաշւի առնելով, որ Նովրուզին հաշւած օրեր են մնացել։

«Հիմնական պատճառն իրանական թումանի արժէզրկումն է, ինչի հետեւանքով իրանցիների վճարունակութիւնը զգալի նւազել է։ Անցեալ տարւայ նոյն ժամանակահատւածի համեմատութեամբ՝ թումանն արժէք չունի»,- ասաց նա։

Հարցին՝ արդեօք սա միակ պատճառն է, որ ազդում է դէպի Հայաստան իրանցի զբօսաշրջիկների հոսքի վրայ, մեր զրուցակիցը դրական պատասխան տւեց։

Սեւակ Դաւուդեանը խորհուրդ տւեց Հայաստանում հարցի խորքային պատճառներ չփնտրել, քանի որ մեր երկրում օտարերկրացի հիւրերին մատուցւող հիւրանոցային եւ միւս բոլոր ծառայութիւնների գներն այս տարի բաւական մատչելի են։

«Բոլոր հիւրանոցներն իրենց գներն իջեցրել են։ Ոչ շատ թանկարժէք հիւրանոցներում երկտեղանոց սենեակի գինը՝ ներառեալ նախաճաշ, կազմում է մօտաւորապէս 30 հազար դրամ, այսինքն՝ իւրաքանչիւրին՝ 15 հազար դրամ։ Կոնկրետ մեր գործակալութեան միջոցով որոշ իրանցիներ նոր-նոր են սկսել պատւէրներ տալ, շուկայով հետաքրրքւել»,- ասաց տուրիստական գործակալութեան մենեջերը։

Ի պատասխան մեր այն դիտարկմանը, որ վերջին շրջանում իրանցի զբօսաշրջիկները գերադասում են իրենց արձակուրդն անցկացնել Վրաստանում՝ այդ երկրում ծառայութիւնների որակի եւ մատչելիության նկատառումներով, Սեւակ Դաւուդեանն ասաց.- «Մեր վրացի գործընկերներին հարցումներ ենք արել։ Իրանցի զբօսաշրջիկների հոսքը Վրաստան եւս շատ թոյլ է։ Հիմնական ուղղութիւնը հիմա Թուրքիան է, քանի որ այնտեղ գործող հիւրանոցները շատ լաւ պայմաններ են առաջարկում, բաւականին մատչելի են»:

Յարակից լուրեր

  • «Կարող են փակւել դէպի ՀՀ տանող բեռնուղիները». Հրանտ Բագրատեան
    «Կարող են փակւել դէպի ՀՀ տանող բեռնուղիները». Հրանտ Բագրատեան

    ՀՀ նախկին վարչապետ Հրանտ Բագրատեանն իր ֆէյսբուքեան էջում անդրադարձել է Վրաստանում տեղի ունեցող իրադարձութիւններին եւ դրանց հետեւանքներին Հայաստանի վրայ:

  • Ինչով աչքի ընկաւ Մնացականեան-Մամեդեարով վաշինգտոնըան հանդիպումը
    Ինչով աչքի ընկաւ Մնացականեան-Մամեդեարով վաշինգտոնըան հանդիպումը

    Վաշինգտոնում յունիսի 20-ին ԵԱՀԿ Մինսկի խմբի համանախագահների միջնորդութեամբ կայացաւ Հայաստանի եւ Ադրբեջանի ԱԳ նախարարների հանդիպումը: Յունւարին Փարիզում եւ ապրիլին Մոսկւայում կայացած հանդիպումներից յետոյ որոշում էր կայացւել ԱԳ նախարարների միջեւ յաջորդ հանդիպումը երրորդ համանախագահ երկրում` ԱՄՆ-ում անցկացնելու մասին։ Սա բաւական խորհրդանշական էր մի կողմից հաւասարակշռութեան պահպանման, միւս կողմից երկարատեւ պասիւութիւնից յետոյ ամերիկեան կողմի ակտիւացման առումով:

  • Իրանի ՓՊ նախագահը հայկական կողմի հետ քննարկել է իրանցի 14 դատապարտեալների էքստրադիցիայի հարցը
    Իրանի ՓՊ նախագահը հայկական կողմի հետ քննարկել է իրանցի 14 դատապարտեալների էքստրադիցիայի հարցը

    Հայաստանի քրէակատարողական հիմնարկներում ներկայումս պահւում է շուրջ 100 իրանցի դատապարտեալ: Հայաստանի Հանրապետութեան եւ Իրանի Իսլամական Հանրապետութեան Փաստաբանների պալատների միջեւ փոխըմբռնման յուշագրի ստորագրումից յետոյ «Արմէնպրես»-ի հետ զրոյցում այս մասին ասաց Իրանի ՓՊ նախագահ Իսա Ամինին:

  • Ադրբեջանը սրում է սահմանային իրավիճակը
    Ադրբեջանը սրում է սահմանային իրավիճակը

    Վերջին շրջանում Ալիեւը դարձեալ փորձում է սրել սահմանային իրավիճակը արցախեան ուղղութեամբ։ Դա նախեւառաջ պայմանաւորւած է Հայաստանի ու Ադրբեջանի ներքաղաքական գործընթացներով։ Սահմանային լարւածութեան մեծացման դինամիկան ուղղակիօրէն փոխկապակցւած է նաեւ Արցախեան հակամարտութեան կարգաւորման շուրջ ընթացող բանակցութիւններին, բանակցային գործընթացից կողմերի ակնկալիքներին ու դրանց իրացման հնարաւորութիւններին: 

  • Նիկոլ Փաշինեանի յայտարարութիւնը եւ ՔՊ-ի՝ քաղաքական մտքի սնանկութիւնը
    Նիկոլ Փաշինեանի յայտարարութիւնը եւ ՔՊ-ի՝ քաղաքական մտքի սնանկութիւնը

    2018 թ. մայիսին, երբ Հայաստանի նոր իշխանութիւնը պաշտօնապէս ստանձնեց երկրի կառավարման ղեկը, հայաստանեան քաղաքականութեամբ հետաքրքրւած բոլոր շրջանակներում ծագեց այն հարցը, թէ նոր իշխանութիւններն ինչպիսին սոցիալ-տնտեսական քաղաքականութիւն են որդեգրելու՝ երկիրը կառավարելու համար:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։