Հա

Ազգային

18/03/2019 - 09:50

Արցախը պէտք է լինի բանակցութիւնների ուղղակի եւ լիիրաւ կողմ

«Factor.am»-ի հարցազրոյցը Արցախի ԱԺ ՀՅԴ խմբակցութեան ղեկավար Արմէն Սարգսեանի հետ:

«alikonline.ir» - «Factor.am»-ի հարցազրոյցը Արցախի ԱԺ ՀՅԴ խմբակցութեան ղեկավար Արմէն Սարգսեանի հետ:

 

- Պարոն Սարգսեան, ԵԱՀԿ Մինսկի խմբի համանախագահների յայտարարութեանը յաջորդեց Հայաստանի եւ Արցախի ԱԽ համատեղ նիստը: ՀՅԴ-ն ինչպէ՞ս է գնահատում համանախագահների եւ Հայաստանի ղեկավարի յայտարարութիւնը:

- Մենք միանշանակ դէմ ենք Մադրիդեան սկզբունքներին եւ այն հիմնական կէտերին, որ դրւած է բանակցութիւնների սեղանին: Մենք կողմ ենք, որ պէտք է խաղաղ ճանապարհով լուծւի: Ողջունում ենք Հայաստանի եւ Արցախի ԱԽ համատեղ նիստը: Առաջին անգամ բաց ձեւով քննարկւեցին սկզբունքները, որոնցով պէտք է շարունակւեն բանակցութիւնները: Ոչ թէ բանակցութիւններից յետոյ ինֆորմացիա տրւեց արդիւնքների մասին, այլ քննարկւեցին սկզբունքները: Մենք կողմ ենք, որ Արցախը պէտք է լինի բանակցութիւնների ուղղակի եւ լիիրաւ կողմ:

 

- Համանախագահները յայտարարում են, որ պէտք չէ բանակցային գործընթացի վերաբերեալ յայտարարութիւններ անել, որոնք համաձայնեցւած չեն հակառակ կողմի հետ` նկատի ունենալով Արցախին բանակցութիւններում ներգրաւելու հայկական փորձերը: Այս երկու տարբեր մօտեցումներն ինչի՞ կը յանգեցնեն:

- ՀՀ-ն առաջ է քաշել նոր գաղափար եւ ոչ թէ ենթարկւում է Մինսկի խմբի համանախագահների առաջադրած պայմաններին, այլ առաջարկում է նոր սկզբունքներ: Հայաստանն ինքն է առաջադրում, թէ ֆորմատը ինչպէս պէտք է լինի: Մինսկի խմբի յայտարարութիւնն այս փուլում պայմանաւորւած է այն հանգամանքով, որ Հայաստանի կողմից հնչեցւել է նոր գաղափար: Այն փոփոխութիւնները, որոնք առաջարկում է Հայաստանը, հիմնականում ճիշտ են եւ պէտք է զարգացնել:

 

- Սահմանի զօրավարժութիւններն Արցախում մտահոգութիւններ առաջացնո՞ւմ են:

- Մենք զգուշանում ենք, վերլուծում ենք, բայց չէի ասի, որ լուրջ մտահոգում է: Այնքան քաղաքական խաղեր ու զօրավարժութիւններ ենք տեսել, որ արցախցին կարողանում է լաւ կողմնորոշւել: Պէտք է զգուշանալ եւ պատրաստւել ամէն ինչի:

 

- Պարոն Սարգսեան, արցախցին մի իրավիճակում է, որ իր ճակատագիրը պէտք է որոշեն այլ պետութիւնները: Այս իրավիճակն ինչպէ՞ս էք գնահատում:

- Արցախի ժողովրդի ճակատագիրը պէտք է որոշւի Արցախի համապատասխան ղեկավարութեան մասնակցութեամբ:

 

- Պարոն Սարգսեան, առաջիկայում ընտրութիւններ են: Դաշնակցութիւնը պատրաստւո՞ւմ է, նախագահի հաւանական թեկնածուներ ունէ՞ք:

- Մենք կողմ ենք, որ առաջիկայ քաղաքական ընտրութիւններում լինի ծրագրային պայքար, ոչ թէ անհատական պայքար: Անհատական պայքարը չի բերում նրան, ինչը որ ժողովուրդը երազում է: Դաշնակցութիւնն ունի նախագահի երեք-չորս թեկնածուներ, բայց ՀՅԴ-ն այնպիսի կուսակցութիւն է, որ չի բացառւում, որ առաջադրի անկուսակցական թեկնածուի:

Յարակից լուրեր

  • Արցախի ի նպաստ յաղթանակ մը
    Արցախի ի նպաստ յաղթանակ մը

    Միացեալ Նահանգներու Ներկայացուցչական տունը հինգշաբթի, 11 յուլիսին որդեգրեց բանաձեւ մը, որ ամերիկեան կառավարութեան կ՛արգիլէ Ատրպէյճանին ծախել այնպիսի զէնքներ, որոնք կրնան գործածուիլ Ստեփանակերտի օդակայանը օգտագործող օդանաւերու դէմ։ Ատրպէյճանի այս սպառնալիքին եւ անոր յաճախակի գործադրութեան հետեւանքով, Արցախի մայրաքաղաքին օդակայանը անդամալոյծ կը մնայ տասնամեակներէ ի վեր։

  • «Ազատութիւն յանուն ինչի՞». Լիլիթ Գալստեան
    «Ազատութիւն յանուն ինչի՞». Լիլիթ Գալստեան

    ՀՅԴ Հայաստանի ԳՄ անդամ Լիլիթ Գալստեանն իր ֆէյսբութեան էջում գրել է. «Օրեր առաջ, խուսափելով իրաւական գնահատական տալուց եւ այն թողնելով սահմանադրագէտներին, տարակուսանքս էի յայտնել Վահէ Գրիգորեանի ինքնահռչակման պահւածքի, նրա արկածախնդրութիւնը նախադէպային դարձնելու վտանգաւորութեան եւ, առհասարակ, այսպէս մտածելու որակների ու գործողութիւնների շուրջ։

  • Արցախի մէջ հիմնուեցաւ Հ.Մ.Ը.Մ.-ի 111-րդ մասնաճիւղը
    Արցախի մէջ հիմնուեցաւ Հ.Մ.Ը.Մ.-ի 111-րդ մասնաճիւղը

    Հ.Մ.Ը.Մ.-ի երկրորդ հարիւրամեակի ծրագիրներուն առաջնահերթութիւնը Արցախի մէջ Հ.Մ.Ը.Մ.-ի մասնաճիւղ հիմնելու անհրաժեշտութիւնն էր։

  • Ծաւալւած գործընթացն իր մէջ պարունակում է լուրջ վտանգներ
    Ծաւալւած գործընթացն իր մէջ պարունակում է լուրջ վտանգներ

    Սամուէլ Բաբայեանը եւ նրա թիմակիցները փորձում են մեր հանրութեանը մոլորութեան տանելով եւ զգացական թելերի վրայ խաղալու քայլերով բացատրել, որ իբր այս գործընթացով Արցախը վերջնականորեն կը միաւորւի մայր Հայաստանին:

  • «Դաշնակցութիւն» խմբակցութիւնը հանդիպել է Արարատ Դանիէլեանին
    «Դաշնակցութիւն» խմբակցութիւնը հանդիպել է Արարատ Դանիէլեանին

    Երէկ՝ յուլիսի 12-ին, ԱՀ Ազգային ժողովի «Դաշնակցութիւն» խմբակցութեան պատգամաւորները հանդիպել են ԱՀ արդարադատութեան նախարար Արարատ Դանիէլեանի հետ՝ մանրամասն քննարկելու առաջին ընթերցմամբ ընդունւած ԱՀ Ընտրական օրէնսգրքի եւ Կուսակցութիւնների մասին օրէնքի նախագծերը, բանաւոր ներկայացնելու խմբակցութեան առաջարկութիւնները եւ մտքեր փոխանակելու մի շարք այլ հարցերի շուրջ:

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։