Հա

Ազգային

08/05/2019 - 10:20

Շուշին հիմքն էր մեր բոլոր առաջիկայ մեծ յաղթանակների եւ յաջողութիւնների

Երէկ՝ երեկոյեան, ՀՅԴ Հայաստանի ԳՄ ազատամարտիկների յանձնախմբի եւ ՀՅԴ «Նիկոլ Աղբալեան» ուսանողական միութեան նախաձեռնութեամբ, Հայաստանի Առաջին Հանրապետութեան հիմնադիր Արամ Մանուկեանի արձանի մօտ տեղադրւեց մանրակերտ, որը ներկայացնում է Շուշիի ազատագրման գործողութիւնը:

«alikonline.ir» - Երէկ՝ երեկոյեան, ՀՅԴ Հայաստանի ԳՄ ազատամարտիկների յանձնախմբի եւ ՀՅԴ «Նիկոլ Աղբալեան» ուսանողական միութեան նախաձեռնութեամբ, Հայաստանի Առաջին Հանրապետութեան հիմնադիր Արամ Մանուկեանի արձանի մօտ տեղադրւեց մանրակերտ, որը ներկայացնում է Շուշիի ազատագրման գործողութիւնը:

«Շուշին հայ ժողովրդի ազգային-ազատագրական պայքարների բոլոր ժամանակներում ունի առանձնայատուկ տեղ, թէկուզեւ նրա համար, որ բաւական երկար ժամանակահատւած յետոյ հայ ժողովրդին վերջապէս յաջողւեց իսկապէս ռազմաքաղաքական մեծագոյն յաղթանակ տանել: Դրանից յետոյ իսկապէս շրջադարձ եղաւ թէ' Արցախեան պատերազմում, թէ՛, ընդհանրապէս, մեր ժողովրդի հոգեբանութեան մէջ: Շուշին հիմքն էր մեր բոլոր առաջիկայ մեծ յաղթանակների եւ յաջողութիւնների»,- «Yerkir.am»-ի հետ զրոյցում ասաց Շուշիի առանձնակի գումարտակի ազատամարտիկ Թաթուլ Յարութիւնեանը:

ՀՅԴ Շուշիի առանձնակի գումարտակի ազատամարտիկ Անդրանիկ Ափոյեանի կարծիքով էլ` Շուշիի ազատագրումը մեր յաղթանակների եւ մեր ոգու կայացման սկիզբն է: «Սա մեծ յաղթանակ է ու մեր համախմբւածութեան միասնութեան խորհուրդը»,- նշեց նա` յաւելելով. «Մի պահ յեղափոխութեան ընթացքում կարծես դադարեց գործել ազգային միասնականութեան գաղափարախօսութիւնը, բայց կը վերականգնւի, դա մի պահ էր: Ներկայիս սերունդը հզօր է. նա 2016 թւականի ապրիլին էլ ապացուցեց, ապագայում էլ կապացուցի: Մեծ Նժդեհն ասում էր. «Եթէ ուզում ես տեսնել ազգի ապագան, նայիր նրա երիտասարդութեանը»: Մեր սերունդը պատրաստ է շարունակել պապերի կիսատ թողած գործը»:

ՀՅԴ Հայաստանի Գերագոյն մարմնի անդամ Լիլիթ Գալստեանի խօսքով` Շուշիի ազատագրումն Արցախեան ազատամարտի ամենացցուն յաղթանակն է ու ակամայից դարձել է ազատամարտի խորհրդանիշը: «Ամէն անգամ, երբ Շուշի եմ գնում, տեսնում եմ նրա անառիկութիւնը, թագաւորական դիրքը եւ հպարտ հայացքը, ամէն վայրկեան ուղեղիս մէջ է` ինչպէ՞ս էր հնարաւոր կազմակերպել Շուշիի ազատագրումը, բայց երկրորդ վայրկեանին ունեմ համոզումը, որ դա հնարաւոր դարձաւ մեր արդար կամքի, մեր հայրենիքին ու հողին նւիրւածութեան շնորհիւ»,- ասաց նա:

ՀՅ Դաշնակցութեան «Նիկոլ Աղբալեան» ուսանողական միութեան անդամ Տարօն Ղազարեանն էլ յայտնեց, որ նախաձեռնութեան նպատակը Շուշիի ազատագրման գործընթացը մեր հանրութեանը ներկայացնելն է:

Յիշեցնենք, որ մանրակերտը նոյն տեղում կը ցուցադրւի նաեւ այսօր` մայիսի 8-ին, իսկ մայիսի 9-ին` առաւօտեան ժամը 9-ից, այն կը տեղադրւի «Յաղթանակ» զբօսայգում` «Մայր Հայաստան» յուշահամալիրի մօտ:

Յարակից լուրեր

  • «Ստեղծւած լարւածութեան պատճառը իշխանութիւնների հակասարական, չկշռադատւած գործողութիւններն են». Իշխան Սաղաթելեան
    «Ստեղծւած լարւածութեան պատճառը իշխանութիւնների հակասարական, չկշռադատւած գործողութիւններն են». Իշխան Սաղաթելեան

    ՀՅԴ-ն գտնում է, որ Ամուլսարի հանքի շահագործման հարցի շուրջ ստեղծւած լարւածութեան պատճառը ՀՀ իշխանութիւնների հակասարական, չկշռադատւած գործողութիւններն են, որի արդիւնքում՝ հասարակութեան մօտ մեծ սպասումներ էին ձեւաւորւել եւ որն իրենք չկարողացան սպասարկել. Tert.am-ի հետ զրոյցում նման տեսակէտ յայտնեց ՀՅԴ Հայաստանի Գերագոյն մարմնի ներկայացուցիչ Իշխան Սաղաթելեանը: 

  • Ընկեր Վահանին յիշելիս
    Ընկեր Վահանին յիշելիս

    Ծնունդդ շնորհաւոր ընկեր Վահան, քեզ անսահման շատ ենք կարօտում:

  • ԶՈՄ-ականները՝ ՀՅԴ Ստեփանակերտի «Նիկոլ Դուման» կենտրոնում
    ԶՈՄ-ականները՝ ՀՅԴ Ստեփանակերտի «Նիկոլ Դուման» կենտրոնում

    Օգոստոսի 13-ին ՀՅԴ Ստեփանակերտի «Նիկոլ Դուման» կենտրոն են այցելել Արցախի Հանրապետութեան Մարտունի քաղաքում պատանեկան ճամբար իրականացնող ՀՅԴ Լիբանանի «Զաւարեան» Ուսանողական Միութեան անդամներ Հրագ Կարամինասեանը եւ Սելին Գրիգորեանը:

  • Սեւրի երկրորդ շնչառութեանը սպասելիս
    Սեւրի երկրորդ շնչառութեանը սպասելիս

    Սեւրի պայմանագիրը դարձաւ 99 տարեկան:

    1920 թւականի օգոստոսի 10-ին Փարիզի արւարձանում՝ Սեւրում, Անտանտի երկրների եւ Օսմանեան կայսրութեան կողմից ստորագրւեց հաշտութեան պայմանագիր, որը պաշտօնապէս հաստատում էր կայսրութեան բաժանումը Եւրոպայի եւ Մերձաւոր Արեւելքի միջեւ:

  • Կառավարման ճիշտ տարբերակը խորհրդարանական համակարգն է
    Կառավարման ճիշտ տարբերակը խորհրդարանական համակարգն է

    Սահմանադրական բարեփոխումներ իրականացնելու դէպքում, նախեւառաջ, պէտք է վերացնել սուպերվարչապետական ինստիտուտը։ Այս մասին «Փաստինֆօ»-ի հետ զրոյցում ասաց Հայ Յեղափոխական Դաշնակցութեան Գերագոյն մարմնի ներկայացուցիչ Իշխան Սաղաթելեանը։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։