Հա

Ազգային

21/05/2019 - 14:00

Ժողովրդավարութեան տապալում

Ժողովրդավարութիւնը մի համակարգ է որում իշխանութիւնը պատկանում է ժողովրդին, որի կառավարումը իրականացւում է ժողովրդի հանրաքւէով հաստատւած սահմանադրութեան սկզբունքների հիման վրայ, կառավարող մարմինների համար պարբերաբար անցկացւող ազատ ու արդար ընտրութիւններով ժողովրդի ընտրեալների միջոցով, ոչ թէ փողոցում մութ նպատակների համար հաւաքւած մի խումբ՝ խուլիգանների:

ԹԱԹՈՒԼ ՕՀԱՆԵԱՆ

 

Ժողովրդավարութիւնը մի համակարգ է որում իշխանութիւնը պատկանում է ժողովրդին, որի կառավարումը իրականացւում է ժողովրդի հանրաքւէով հաստատւած սահմանադրութեան սկզբունքների հիման վրայ, կառավարող մարմինների համար պարբերաբար անցկացւող ազատ ու արդար ընտրութիւններով ժողովրդի ընտրեալների միջոցով, ոչ թէ փողոցում մութ նպատակների համար հաւաքւած մի խումբ՝ խուլիգանների: Ժողովրդավարութեան գլխաւոր յատկանիշներից են վաւերացւած սահմանադրութեամբ ամրագրւած օրէնսդիր, գործադիր եւ դատական մարմինների տարանջատումը, համազօրութիւնն ու անկախութիւնը, այնպէս որ ոչ մէկը միւսին գերադաս կամ ստորադաս չի կարող լինել:

Արդ հետաքրքիր է իմանալ, ՀՀ վարչապետ պարոն Փաշինեանը սահմանադրութեան, որ մէկ յօդւածի հիման վրայ է իրեն թոյլ տւել արգելափակել ՀՀ դատական համակարգը, որը համահաւասար մի մարմին է գործադիր իշխանութեան, այն էլ ոչ թէ ազգային ժողովի որոշմամբ եւ պետական համապատասխան մարմինների այլ մի խումբ անպատասխանատու անձանց միջոցով:

Պարոն Փաշինեանի կատարածը, ոչ միայն երկրի սահմանադրութեան ոտնահարում եւ ժողովրդավարութեան տապալում է այլ յիշեցնում է պատմական մի քանի դէպք, ինչպէս օրինակ Անգլիայի յայտնի դիկտատոր Կրոմւէլին որ բռնի ուժով ցրեց Անգլիայի խորհրդարանը եւ մուտքի դռան վրայ գրեց «այս շինութիւնը վարձու է տրւում» եւ կամ բռնակալ Լենինին, որ իր արհեստավարժ յեղափոխակաների միջոցով գնդացիրով ցրել տւեց Ռուսատանի Դուման: Յուսանք պարոն Փաշինեանը վերանայելով իր որոշումը, պիտի չնմանւի վերոնշեալ բռնակալներին:

 

Նոր Ջուղա

20.5.2019 թ.

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։