Հա

Ազգային

29/05/2019 - 12:20

Եղել են տարիներ, երբ Մայիսի 28-ը նշելը կեանք կարող էր արժենալ

Պատմակագան գիտութիւնների թեկնածու, ՀՅԴ անդամ Վահէ Սարգսեանն իր ֆէյսբուքեան էջում գրում է.

«Եղել են տարիներ, երբ Մայիսի 28-ը նշելը կեանք կարող էր արժենալ․․․ Դաժան, մղձւանջային տարիներ․․․

«alikonline.ir» - Պատմակագան գիտութիւնների թեկնածու, ՀՅԴ անդամ Վահէ Սարգսեանն իր ֆէյսբուքեան էջում գրում է.

«Եղել են տարիներ, երբ Մայիսի 28-ը նշելը կեանք կարող էր արժենալ․․․ Դաժան, մղձւանջային տարիներ․․․

1937 թ․ Մայիսի 28-ն էր, Հայրենիք վերադարձած եւ ծանր յուսախաբութեան գիրկը ընկած Հայաստանի Առաջին Հանրապետութեան առաջին վարչապետ Յովհ․ Քաջազնունին իջնում է Զանգուի ափը եւ միայնակ նշում Մայիսի 28-ը։

70-ամեայ ալեզարդ ծերունին միայնակ յիշում է իր անցած փոթորկուն, վայրիվերումներով լի ուղին, յիշում Հայոց պետականութեան համար պայքարի ելած իր ընկերներին, որոնցից ոմանք արդէն չկային, իսկ ոմանց էլ ճակատագիրը նետել էր օտար ափեր, յիշում է Հայաստանի անկախութեան եւ ազատութեան համար հերոսաբար նահատակւած իր սիրասուն որդիներին՝ Արամին, Աշոտին ու Ռուբէնին, յիշում է բոլորին, յիշում ամէն ինչ եւ․․․լեռնական այդ ջաւախքցին երկար արտասւում է․․․․

․․․․Ուղիղ երկու ամիս անց՝ 1937 թ․ յուլիսի 28-ին ՆԳ ժողկոմ Խ․ Մուղդուսու ստորագրութեամբ տրւում է Յ․ Քաջազնունու բնակարանը խուզարկելու եւ նրան ձերբակալելու վերաբերեալ թիւ 6/41 օրդերը։ Հայկական ՍՍՌ ՆԳԺԿ եռեակը 1937 թ․ դեկտեմբերի 5-ին Յ․ Քաջազնունու՝ որպէս ակտիւ դաշնակցականի, նախկին վարչապետի հանդէպ կայացրեց մահապատժի դատավճիռ՝ անձնական գոյքի բռնագրաւումով։
Սակայն, նրա մօտ տուբերկուլեոզ ախտորոշած բանտային բժշկի եզրակացութեան հիման վրայ գնդակահարութիւնը յետաձգւեց։

․․․1938 թ․ յունւարի 15-ին Երեւանի բանտային հիւանդանոցում մահացաւ Հայաստանի Առաջին Հանրապետութեան առաջին վարչապետ Յովհաննէս Քաջազնունին․․․

Փա՛ռք Հայաստանի անկախութեան համար ընկած երախտաւորներին»։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։