Հա

Ազգային

20/07/2019 - 10:20

ՀՅԴ ԳՄ ներկայացուցիչները եւ «Ազգային օրակարգ» կուսակցութեան անդամները քննարկել են Հայաստանի ներկայիս իրավիճակը

ՀՅ Դաշնակցութեան Գերագոյն մարմինը շարունակում է խորհրդարանական եւ արտախորհրդարանական ուժերի հետ քաղաքական հանդիպումների շարքը՝ քննարկելու համար երկրի արտաքին եւ ներքին քաղաքական զարգացումներին առնչւող հարցեր։

«alikonline.ir» - ՀՅ Դաշնակցութեան Գերագոյն մարմինը շարունակում է խորհրդարանական եւ արտախորհրդարանական ուժերի հետ քաղաքական հանդիպումների շարքը՝ քննարկելու համար երկրի արտաքին եւ ներքին քաղաքական զարգացումներին առնչւող հարցեր։ Այս մասին տեղեկացնում է «Yerkir.am»-ը:

Երէկ` յուլիսի 19-ին, ՀՅԴ Հայաստանի Գերագոյն մարմնում տեղի ունեցաւ հանդիպում «Ազգային օրակարգ» կուսակցութեան խորհրդի անդամներ Արա Յակոբեանի, Աշոտ Ղազարեանի, Նորայր Աղայեանի եւ Արա Գասպարեանի հետ:

Դաշնակցութեան կողմից հանդիպմանը մասնակցում էին ՀՅԴ Հայաստանի Գերագոյն մարմնի ներկայացուցիչ Իշխան Սաղաթելեանը, ՀՅԴ մասնագիտական ոլորտային յանձնախմբերի համակարգող Արծւիկ Մինասեանը, ՀՅԴ Գերագոյն մարմնի անդամներ Լիլիթ Գալստեանը եւ Արթուր Խաչատրեանը։

Քննարկւեց երկրի ներքաղաքական իրավիճակին առնչւող հարցերի լայն շրջանակ: Կողմերը, կարեւորելով դատա-իրաւական համակարգում բարեփոխումների անհրաժեշտութիւնը, միաժամանակ իրենց մտահոգութիւնները յայտեցին դատական համակարգի շուրջ ընթացող գործընթացների վերաբերեալ: Երկրի ներքին ու արտաքին` առկայ մարտահրաւէրների համատեքստում կարեւորւեց համագործակցութեան հնարաւորութիւնն ու անհրաժեշտութիւնը: Ձեռք բերւեց քաղաքական համագործակցութիւնն ու խորհրդակցութիւնները շարունակելու եւ արդիւնաւորելու պայմանաւորւածութիւն:       

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։