Հա

Ազգային

11/09/2019 - 14:40

Թուրքիոյ մէջ, վտանգի տակ փոքրամասնութիւններ

Օգոստոսի 15-ին Արժանթինի Ազգային խորհրդարանի մէջ տեղի ունեցած դասախօսութեան ատեն, ծագումով հայ պատգամաւոր Կարօ Բայլան, եւ ծագումով քիւրտ պատգամաւորուհի Էպրու Կիւնայ, Թուրքիայի Ազգային Ժողովի անդամներ, նկարագրեցին, իրենց սեփական տեսանկիւններէն, երկրի ծանր իրավիճակը արտացոլող քաղաքական-ընկերային բարդ խճանկարը: Երկուքն ալ կը պատկանին Ժողովուրդներու Ժողովրդավարական Կուսակցութեանը (HDP), երկրի երրորդ ուժը:

Օգոստոսի 15-ին Արժանթինի Ազգային խորհրդարանի մէջ տեղի ունեցած դասախօսութեան ատեն, ծագումով հայ պատգամաւոր Կարօ Բայլան, եւ ծագումով քիւրտ պատգամաւորուհի Էպրու Կիւնայ, Թուրքիայի Ազգային Ժողովի անդամներ, նկարագրեցին, իրենց սեփական տեսանկիւններէն, երկրի ծանր իրավիճակը արտացոլող քաղաքական-ընկերային բարդ խճանկարը: Երկուքն ալ կը պատկանին Ժողովուրդներու Ժողովրդավարական Կուսակցութեանը (HDP), երկրի երրորդ ուժը:

«Pasos perdidos» («Կորսուած քայլերու») դահլիճի մէջ, այցելուները զգուշացուցին մարդկային իրաւունքները պաշտպանելու կարիքի մասին -հիմնական ազատութիւններու մասին՝ ընդհանրապէս, եւ էդնիքական փոքրամասնութիւններու եւ կանանց՝ յատկապէս-, Թուրքիոյ մէջ: Իրենց ելոյթներու մէջ մտահոգութեամբ ահազանգեցին որ, նոյն ահաւոր ցեղասպանութիւնը, հայերու դէմ ոճրագործուած արդէն 104 տարի առաջ, կրնար կրկնուիլ  քիւրտերու դէմ:

Յիշեցնենք որ մեր երկիրը բացայայտ եւ պաշտօնապէս ճանաչել է Հայոց Ցեղասպանութիւնը, մինչդեռ Թուրքիոյ Մեջլիսը առ այսօր ժխտողական ցաւալի դիրքորոշում կը պահպանէ, ճշմարտութեան դէմ, եւ պատմութիւնը կեղծելով: Պատգամաւոր Էպրու Կիւնայ ժամանակին եղեր է քիւրտերու առաջնորդ Ապտուլլահ Օճալանի օրինական ներկայացուցիչը:

Յանկարծակիօրէն, պատգամաւորները ստիպուած եղան Լադին Ամերիկայի այցը ընդհատել, Թուրքիոյ երեք կարեւորագոյն քաղաքապետներու պաշտօնանութեան պատճառով: Քաղապետները կը պատկանին HDP կուսակցութեանը, իսկ դատապարտելի այդ արարքը ժողովրդական բողոքներու ալիք բարձրացուց, պետութեան կողմէ ճնշուած:

Եւս մէկ անգամ, այս այցի ընթաքին հաւաքագրուած բողոքները ցոյց կու տան անհանդուրժողականութեան բարձր բաժինը, որ կը բնութագրէ Թուրքիոյ մենատիրական կառավարութիւնը, նախագահ Ռէճէփ Թայիփ Էրտողանի գլխաւորութեամբ: Ցոյց կու տան նաեւ՝ յարատեւելու անհրաժեշտութիւնը  Թուրքիոյ մէջ ապրող  քիւրտ, հայ եւ ասորի փոքրամասնութիւններու իրաւունքներու պաշտպանութեան հարցին մէջ: Սա այն երկիրն է, որու ղեկավարութիւնը  չէ առերեսուած, ոչ իսկ յաղթահարած՝ էթնիք լարուածութիւնները, որոնք պէտք է վաղուց մնացած ըլլային անցեալի մէջ:

 

Համազգային Հայկական մշակութային միութիւն

Պուենոս Այրէս

28 օգոստոս, 2019

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։