Հա

Այլ

Շաբաթ, 29 Նոյեմբերի 2014 10:00

Հարթաթաթութիւնը խնդիր է բոլոր տարիքներում

Աւաղ, հարթաթաթութիւնը տարածւած հիւանդութիւն է: Եթէ աւելորդ քաշ ունէք կամ, աշխատանքի բերումով, ստիպւած էք երկար ժամանակ անցկացնել ոտքի վրայ, իսկ եթէ ձեր սիրած կօշիկն էլ բարձրակրունկ է, ապա հաւանական է, որ հարթաթաթութիւն ունենաք: Այժմ մանրամասն. նախ՝ որոշելու համար պարտադիր չէ գնալ բժշկի, այլ կարելի է ընդամէնը ոտքերը թրջել ու կանգնել չոր յատակին: 

Աւաղ, հարթաթաթութիւնը տարածւած հիւանդութիւն է: Եթէ աւելորդ քաշ ունէք կամ, աշխատանքի բերումով, ստիպւած էք երկար ժամանակ անցկացնել ոտքի վրայ, իսկ եթէ ձեր սիրած կօշիկն էլ բարձրակրունկ է, ապա հաւանական է, որ հարթաթաթութիւն ունենաք: Այժմ մանրամասն. նախ՝ որոշելու համար պարտադիր չէ գնալ բժշկի, այլ կարելի է ընդամէնը ոտքերը թրջել ու կանգնել չոր յատակին: Ոտնաթաթի ուրւապատկերը համեմատէք ներկայացւած գծանկարի հետ:
Հարթաթաթութիւնը ոչ միայն ոտնաթաթի տեսքի փոփոխութիւն է, այլեւ՝ անյարմարութիւն, որը յղի է բարդութիւններով: Դրանցից են ողնաշարային հիւանդութիւնները՝ ողների ճողւածքները, ծռումը, օստեխոնդրոզը, ռադիկուլիտը, կոնքոսկրի հիւանդութիւնները: Թւարկւած հիւանդութիւններից բացի՝ յաճախ հարթաթաթութեան հետեւանքով՝ առաջանում են հէնց թաթի հիւանդութիւններ. օրինակ՝ կոշտուկներ, կրունկի ճաքեր, մատների ծռում, նեւրոզ: Սակայն, միշտ չէ, որ ոտքերում ծանրութեան զգացումն ու մկանային ցաւը հարթաթաթութեան ախտանշաններ են:
Բժիշկների հաւաստմամբ՝ «հնացած» հարթաթաթութեան դէպքում՝ այդ ախտանշաններն անհետանում են, քանզի օրգանիզմը յարմարւում է նոր վիճակին: Չպէտք է մոռանալ, որ հարթաթաթութեան հետեւանքով առաջացած բարդութիւնները բուժելիս՝ պետք է բուժել նաեւ հիմնական պատճառը, հակառակ պարագայում՝ դրական արդիւնք չէք ունենայ: Օրինակ՝ կարող էք բուժել հարթաթաթութեամբ հրահրւած օստեխոնդրոզը, սակայն պատճառը չվերացնելու դէպքում հետեւանքը պարզապէս կը սրւի, կը խորանայ:

 

Հարթաթաթութեան բուժումը

Հարթաթաթութիւնը բոլոր հիւանդութիւնների նման համալիր բուժում է պահանջում: Պէտք է կանոնաւոր կերպով զբաղւել յատուկ մարմնամարզութեամբ, մերսումների յաճախել ու յատուկ կօշիկներ հագնել: Դրանք պէտք է կիպ գրկեն ոտքերը, ունենան ճկուն ներբան ու ցածր կրունկ: Խորհուրդ է տրւում կօշիկի մէջ օգտագործել յատուկ միջադիրներ: Կանխարգելման ու բուժման համար օգտակար է աւազի վրայ կամ էլ նօսր ջրում ոտաբոբիկ քայլելը, ցատկոտելն ու սպորտային խաղեր խաղալը: Բուժման նպատակով՝ խորհուրդ է տրւում.
- Կանգնել ոտնաթաթերի վրայ ու այդ դիրքով 20-30 վայրկեան քայլել: Դրանից յետոյ՝ ձեռքերը դնել գօտկատեղին ու քայլել նոյնքան ժամանակ: Ոտքի մատները ծալել, ձեռքերը՝ կոնքին, քայլել ներբանների արտաքին կամարին յենւելով՝ 20-30 վայրկեան: Ներբանի տակ թենիսի գնդակ յարմարեցնել ու նոյն դիրքով քայլել եւս մի քանի վայրկեան:
- Պառկել փորի վրայ, ձեռքերն առաջ մեկնել ու մէջքն ուղղել: Դրանից յետոյ՝ գլուխը, ձեռքերն ու ոտքերը միաժամանակ յատակից բարձրացնել ու այդ դիրքում մնալ 5-7 րոպէ: Պառկել մէջքի վրայ այնպէս, որ ոտքերի ու յատակի միջեւ ստացւի 45 աստիճան անկիւն, այս դիրքը պահպանել 3-5 րոպէ, ապա կրկնել 4-6 անգամ:
Բոլոր գործողութիւնները պէտք է կատարել հանգիստ ու անշտապ:

Յարակից Հրապարակումներ

Ամենաշատ ընթերցւած

Քւէարկութիւն

Կը կայանա՞յ արդեօք Հենրիխ Մխիթարեանի տրանսֆերն «Արսենալ»:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։