Հա

Այլ

20/05/2015 - 09:40

Ի՞նչ է «BODY LANGUAGE» կամ ՄԱՐՄՆԻ ԼԵԶՈՒ կոչւածը (Շար. 2)

Բերանը բացի խօսելուց, սկսած մանկան կերակրելուց մինչեւ սիրոյ զգացումների փոխանցման կարեւորագոյն արտայայտիչն է համարւում:
Ժպիտը համարւում է մարմնի լեզւի ամենամեծ ազդանշանը: Այն իրական լինելու պարագային բերանի եւ աչքերի շուրջ կնճիռներ առաջացնելով՝ զանազանւում է արհեստական ժպիտից, որն միայն բերանի թեթեւ շարժումն է:

(Շարունակութիւն նախորդ համարից)


Բերան-շուրթեր՝ մարմնի լեզւում

Բերանը բացի խօսելուց, սկսած մանկան կերակրելուց մինչեւ սիրոյ զգացումների փոխանցման կարեւորագոյն արտայայտիչն է համարւում:
Ժպիտը համարւում է մարմնի լեզւի ամենամեծ ազդանշանը: Այն իրական լինելու պարագային բերանի եւ աչքերի շուրջ կնճիռներ առաջացնելով՝ զանազանւում է արհեստական ժպիտից, որն միայն բերանի թեթեւ շարժումն է:
Ժպիտն ունի զանազան բացատրութիւններ. իրական ուրախութեան ժպիտ, կեղծ՝ ուրախ ձեւանալու համար, հեգնանքի եւ անգամ վատատեսութեան ժպիտ:

150520e03a

Մարմնի լեզւի վերլուծելու ժամանակ պիտի ուշադրութիւն դարձնել բերանի ու շրթունքի հետեւեալ ազդանշաններին
* Հպւած շուրթեր՝ հակառակութեան, ատելութեան եւ անվստահութեան նշան է:
* Շուրթերի կծելը՝ մտահոգութեան, ջղային յուզմունքի նշան է:
150520e03b* Բերանի ծածկելը
Մարդիկ իրենց ժպիտը կամ հեգնանքը թաքցնելու համար ծածկում են բերանը:
Բայց յօրանջելիս կամ փռշտալիս բերանի ծածկելը քաղաքավարութեան նշան է. այլապէս բերանը ծածկելն ոչ համամիտ վերաբերմունքի պարագային է արւում:
* Բերանը վեր ու վար թեքումը
Շուրթերի թեքումը դէպի վեր՝ ուրախութեան եւ գոհունակութեան նշան է:
Դէպի ցած թեքւած շուրթերը՝ տխրութեան եւ կորուստի կամ որեւէ անախորժ զգացումի արտացոլում է:

 

Մարմնի լեզւին մաս են կազմում հետեւեալ ջղային շարժումները

* Չափազանցւած եւ էներգետիկ շարժումներով խօսելը՝ խնդրի նկատմամբ հետաքրքրութիւնն է նշանակում:
* Եթէ անձը խօսելիս մատներով սանրում է գլխի յետեւի մազերը՝ նա սիրալիր կերպով խօսակցին ջանում է համոզել: Գումարելով յօնքերի խաղին նա համակարծիք չէ եւ ցանկանում է վիճել:
* Եթէ խօսակիցը առանց որեւէ պատճառի շարունակ ակնոցը հպում է քթի վրայ կամ երկու մատերով անհանգիստ կերպով ակնոցը՝ յօնքերի հետ միասին իջեցնում ու բարձրացնում է՝ նա համակարծիք չէ դիմացինի հետ. ուստի ջղային շարժումներ է թոյլ տալիս:
(Ուրիշ է՝ երբ ակնոցը յարմարեցւում է դէմքին՝ միաժամանակ աչքերը չհեռացնելով խօսակցից՝ աւելի ուշադիր խնդրին հետեւելու համար:)
* Եթէ որեւէ անձ ընդօրինակում է ձեր շարժումները՝ նա անտարբեր չէ ձեր նկատմամբ. անգամ տեղափոխութեան պարագայում դա շարունակւում է, ուրեմն ցանկութիւն կայ ընկերական կապի:

 

Ձեռքերը՝ մարմնի լեզւում

Ձեռքերը մարմնի արտայայտչական հիմնական միջոցն են, որոնք ուղղակի հրաման ստանալով ուղեղից՝ արտայայտում են թաքուն զգացումներ՝ ակամայ շարժումներով՝ ըստ հետեւեալի՝
* Պատկերաւոր ներկայացնելու համար՝ ձեռքով նկարել կամ նմանակել, օդում որեւէ չափի մեծ ու փոքր լինելը ցոյց տալ:
* Ձեռքի թափահարելով շնորհաւորել կամ բարի երթ մաղթել:
* Բռունցքը՝ բարկութեան եւ միասնականութեան նշան է ու նաեւ ենթակայի դիւրագրգիռ եւ ջղային լինելու վիճակն է բնորոշում:

 

Ձեռքի շարժումներ

150520e03cV - յաղթանակ
Սա Վինստոն Չրչիլի եւ համախոհների միջոցով 2-րդ Աշխարհամարտին ընդհանրացաւ:
1960-70-ականներին Հիփփիներն «Ընդդէմ պատերազմի» խորհրդանշով օգտւեցին, որից յետոյ դարձաւ «Խաղաղութեան խորհրդանիշ», ու նաեւ Վիետնամի կռւին հակառակ, որով կոչ են անում խաղաղութեան եւ յաղթանակի:
Ցուցամատն եւ միջնամատը իրարից հեռու պահելով եւ անգլերէն V տառի տեսք ստանալով, յաղթանակի եւ խաղաղութեան նշան է:
Անգլիայում եւ Աւստրալիայում՝ այդ դիրքով ձեռքի երեսը դէպի դիմացինը պահելն անյարգանք է:

 

150520e03dOK - կատարեալ է
Սա սուզորդների միջոցով ընդհանրացաւ: Քանի որ բթամատն վեր ու վար անելիս, նշանակում է բարձրացնել ու իջեցնել: Այս դիրքն ակնավաճառներն դարեր ի վեր թանկագին քարերն ճանաչելու համար, լոյսի դիմաց ստուգելով քարի իրական լինելն էին ճշտում:
Նման շարժում կատարելապէս O եւ K տառերն են բնորոշում: Բթամատի ու ցուցամատի միացումով կլոր շրջան կազմելով միաժամանակ միւս երեք մատները միացած իրար ճիշտ իմաստն են տալիս:
Նոյն ձեւն Եւրոպայում նշանակում է թէ դուք ոչինչ էք, իսկ Հարաւային Ամերիկայում շատ վատ իմաստ ունի:


150520e03eԲթամատն դէպի վեր - հիանալի է
Ըստ տւեալների՝ Հին Հռոմոմ հսկաների մենամարտի աւարտին այս նշանով գնահատւում է հզօր հսկայի ուժը՝ համաձայնւելուվ թոյլի մահւան:
Իսկ 2-րդ Աշխարհամարտում ամերիկացի ու չինացի օդաչուների կողմից, այն որպէս թիւ մէկ կամ առաջին կարգ ընդհանրացաւ եւ դրական իմաստ էր ներառում:
Այս շարժումը միաժամանակ յաջողութեան բարեմաղթանքի նշան լինելով հանդերձ, ԱՄՆ-ում ուրիշ իմաստ ունի:

 

150520e03fՄատներն ծալած իրար վրայ (խաչած)
«Ցանկանում եմ ամենայն բարիք եւ յաջողութիւն» ... Այս դիրքն քրիստոնէական ու նախաքրիստոնէական արմատներ ունի եւ «յոյսի» ինչու չէ նաեւ չարն խափանելու միջոց է ծառայում:
Հասարակ խաւը հաւատացած է, որ ձեւական ստի պահին այդ շարժումը սատանայի խաբկանքից հեռու մնալու համար է: Դա նաեւ խաչի նշան է: Վստահելի միջոց չարից հեռու մնալու համար:

 

150520e03gԲթամատը դէպի ցած
Առանց որեւէ փնտրտուքի, այս շարժման արմատի մասին, այս դիրքը նշանակում է հակառակութիւն եւ ձեռքի շարժումների միակն է դժգոհութեան ցուցադրութեան համար:
Բթամատի շարժումն կոշտ ու կոպիտ վերաբերմունք է որեւէ խնդրի նկատմանբ եւ անյաջողութեան ակտի ցուցադրում է:

 

150520e03hԿանգ առ - բաւական է
Մայրերի եւ ուսուցիչների կողմից այն խրատական եւ ուշադրութեան կենտրոնացման բնոյթ է կրում:
«Կանգ առ, հետեւիր իմ խօսքերին եւ նմուշներին» նաեւ «լռութիւն» իմաստն ունի երեխաների համար՝ ծնողների կողմից, որն նշանակում է դաստիարակութեան թելադրանք՝ անշնորհքութիւնը վերացնելու համար:
Ըստ հոգեբանների՝ այս նշանը ճիպոտի ու մտրակի փոխաբերական իմաստն է:

 

150520e03iԿանգ առ - հանդարտ
1- Թեքւած աջ՝ հսկւած իմաստով, որն տիրապետելու նպատակով ասում է. «կանգ առ»:
2- Մատներն թեքւած առաջ, որն «նստելու» կամ «բացատրելու» իմաստով է:
Երկու շարժումն միասին արտայայտում է ինքնավստահութիւն եւ իրավիճակն կատարեալ տիրապետելու ունակութիւն:

 

150520e03jՀեռու մնա՛
Այս դիրքն փոխաբերական իմաստով արգելքի նշան է՝ ափի ու մատների ուղղահայեաց տեսքով: Նաեւ թարգմանւում է «կանգ առ, ես անհանգիստ եմ այս յարաբերութիւնից եւ հեռու եմ մնում»:
Սա երկրորդ կոշտ ու կոպիտ վերաբերմունքն է, որն ենթական ինքնավստահ կերպով՝ անտարբերութեամբ է վերաբերւում որեւէ հարցի նկատմամբ:

 

150520e03kՇարժւիր - շտապիր
Մարդիկ նայելով իրենց ձեռքի դաստակին, որն անգամ ժամացոյց չկայ. անհամբերութեան իմաստն են փոխանցում: Այս դիրքն նաեւ օգտագործւում է շփման «ժամի» աւարտւելու իմաստով, որն իրականում շփումն արագացնելու եւ շուտ աւարտելու պատգամ է:
Նշելի է, որ այս շարժումը Միջին Ասիայի երկրներում անպարկեշտ է. համոզւած լինելով որեւէ հանդիպում - շփում, երբ սկսւում է պէտք է «իր ժամանակին» էլ աւարտւի:

 

150520e03lԴո՛ւք
Ծնողների ասութեամբ մէկին ուղղակի դիմելն անպարկեշտութիւն է: Նոյնն է երբ մէկին «յառած» աչքերով դիմում ենք:
Ընդհանրապէս այս շարժումը յարձակողական իմաստով է եւ նշանակում է «աւելի ուշադիր եղիր ինձ»: Նաեւ բազմութեան մէջ մէկին նշմարելու եւ առանձնացնելու իմաստ ունի:
Վերը նշւած ձեռքի շարժումները ընդհանրական բնոյթ են կրում:
Մասնագէտները համոզւած են, որ դէմքից յետոյ ձեռքերն ամենաշատ դերակատարութիւնն ունեն մարմնի լեզւի մէջ:

 

Թեւերը՝ մարմնի լեզւում

150520e03m

* Թեւերը մարմնի վրայ փակւած լինելու պարագային պաշտպանական եւ ինքնամփոփ լինելու զգացում է փոխանցում. հակառակ պարագայում այն ազատ լինելով վստահութեան եւ հանգստութեան զգացումից է խօսում:
* Ծալած թեւեր ու ոտքեր, գումարած կիտած յօնքերին ու բռունցք արած ձեռքերին՝ խիստ պաշտպանական եւ թշնամական վիճակ են փոխանցում:
* Կրծքի վրայ ծալած (խաչած) թեւերի դիրքն՝ երբեմն անձի սովորոյթն է. իսկ պահեր կան որ մարդ զուսպ է լինում իր շարժուձեւի մէջ, կամ իր մարմնի ու շապիկի վրայ անհանգստացնող բիծն է ուզում ծածկել:
* Մարդիկ ովքեր կանգնած վիճակում՝ ծալած թեւերով իրեց ոտքերն էլ նոյն չափի են բացում՝ դիմացկուն եւ շրջապատին տիրապետող նկարագրի տէր են:
150520e03nԵրբեմն անկախ շրջապատից, կլիմայի ցրտի պատճառով է նման դիրք ստացւում: Դա միայն տաքանալու համար կիրառած դիրք է:
* Կանգնած վիճակում ձեռքերը կոնքին՝ մարդու պատրաստւած լինելու, պաշտպանական, փակւածութեան եւ զսպւածութեան նշան է:
* Եթէ ձեռքերը կոնքի վրայ են՝ անհատն սպասումի մէջ է կամ պարզապէս յոգնած է:
* Թեւերի միւս դիրքերն եւս ունեն իրենց յատուկ իմաստը. մարմնից հեռու եւ լայն վիճակում պահւած թեւերն իշխելու, իսկ հակառակն՝ մարմնին հպւած թեւերն աննկատ մնալու իմաստ ունեն:
* Եթէ ձեռքերը ծալւած է վզի կամ գլխի յետեւ, անձը հանգիստ կերպով պատրաստ է ամէն տեսակի խօսակցութեան կամ վիճաբանութեան:
* Ձեռքերը յետեւից շղթայած դիրքը՝ մարդու ձանձրոյթի, յուզւածութեան եւ անգամ բարկութեան նշան է:
* Մատների անդադար զարկն՝ մարդու անհամբերութեան, անկայուն եւ յուսահատ լինելն է նշանակում:

(Շար. 2)

Յարակից լուրեր

  • Ձեռքերի դող. վտանգաւո՞ր է արդեօք այն եւ ինչի՞ հետ կարող է կապւած լինել  
    Ձեռքերի դող. վտանգաւո՞ր է արդեօք այն եւ ինչի՞ հետ կարող է կապւած լինել  

    Շատերի մօտ ձեռքերում անսպասելի դողը լուրջ անհանգստութիւն է առաջացնում, քանի որ դա Պարկինսոնի հիւանդութեան նախանշան է: Սակայն իրականում այդպիսի դողը կարող է նորմա լինել կամ այլ հիւանդութիւնների մասին վկայել:

  • Շւէյցարիայում մշակել են մտքի ուժով կառավարւող ձեռքի արտակմախք
    Շւէյցարիայում մշակել են մտքի ուժով կառավարւող ձեռքի արտակմախք

    Լօզանի Ֆեդերալ պոլիտեխնիկական դպրոցի (EPFL) մասնագէտներն ստեղծել են ձեռքի արտակմախք, որը կառավարւում է մտքի ուժով: Այս գիւտը կոչւած է թեթեւացնելու հաշմանդամների կեանքը:

  • Ի՞նչ անել, եթէ ձեռքերն ու ոտքերն ամբողջ ժամանակ սառն են
    Ի՞նչ անել, եթէ ձեռքերն ու ոտքերն ամբողջ ժամանակ սառն են

    Շատերն են բողոքում, որ ձեռքերն ու ոտքերը սառն են, ըստ որում՝ ոչ միայն ձմռանը, տարւայ այլ եղանակներին նոյնպէս: Բժիշկ Ջոն Բրիլը մի քանի խորհուրդ է տալիս, որոնք կարող են նման մարդկանց օգնել:

  • Ճապոնիայում ոտքերով կառավարւող ռոբոտ ձեռքեր են ստեղծւել
    Ճապոնիայում ոտքերով կառավարւող ռոբոտ ձեռքեր են ստեղծւել

    Ճապոնական «Ինամի Հիէամա» լաբորատորիայի գիտնականները մշակել են «MetaLimbs» մանիպուլեատորը. երկու ռոբոտացւած ձեռք ամրացւում է մարդու մէջքի յետեւում եւ կառավարւում ոտքերով:

  • Ինչպէ՞ս բուժել ճաքճքած շուրթերը
    Ինչպէ՞ս բուժել ճաքճքած շուրթերը

    Ինչպէ՞ս բուժել ճաքճքած շուրթերը: Եղանակը փոփոխւում է, քամին եւ ցածր ջերմաստիճանը վնասում են շուրթերը: Սակայն ոչ միայն քամու եւ ցածր ջերմաստիճանի պատճառով են շուրթերը ճաքճքում, այլեւ տարբեր դեղահաբերի, ջրազրկման, եւ այլն: Այնուամենայնիւ, երբ շուրթերը ճաքճքում են, անմիջապէս փորձում ենք գտնել մի միջոց, որը դրական ազդեցութիւն կունենայ շուրթերի վրայ: Ներկայացնում ենք մի միջոց, որով կարող էք վերականգնել շուրթերի նախկին տեսքը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։