Հա

Այլ

Շաբաթ, 13 Օգոստոսի 2016 09:20

Պարզւել է, որ գէր մարդկանց ուղեղն աւելի արագ է ծերանում

Աւելորդ քաշը կարող է արագացնել ուղեղի ծերացումը. բարեկազմ եւ գէր մարդկանց նեարդային համակարգի վիճակի դիտարկումները ցոյց են տւել, որ գէրերի ուղեղի հիւսւածքը միջին հաշւով 10 տարով աւելի ծեր է երեւում, քան քաշի հետ կապւած խնդիր չունեցող իրենց հասակակիցներինը:
Այդ մասին, ինչպէս տեղեկացնում է «Արմէնպրես»-ը, ասւած է Neurobiology of Aging հանդէսում հրապարակւած յօդւածում:

«armenpress.am» - Աւելորդ քաշը կարող է արագացնել ուղեղի ծերացումը. բարեկազմ եւ գէր մարդկանց նեարդային համակարգի վիճակի դիտարկումները ցոյց են տւել, որ գէրերի ուղեղի հիւսւածքը միջին հաշւով 10 տարով աւելի ծեր է երեւում, քան քաշի հետ կապւած խնդիր չունեցող իրենց հասակակիցներինը:
Այդ մասին, ինչպէս տեղեկացնում է «Արմէնպրես»-ը, ասւած է Neurobiology of Aging հանդէսում հրապարակւած յօդւածում:
«Ծերանալու համեմատ մեր ուղեղի ծաւալն աստիճանաբար փոքրանում է, եւ գէր մարդկանց մօտ այդ գործընթացը չգիտես ինչո՛ւ աւելի արագ է ընթանում, քան նորմալ քաշ ունեցող մարդկանց մօտ: Մենք չգիտենք, թէ ինչու է դա տեղի ունենում, եւ միայն կարող ենք գուշակել՝ արդեօք ճարպակալումն ուղեղի գէրչորացում է առաջացնո՞ւմ կամ, ընդհակառակը, արդեօք ճարպակալումն այնպիսի գործընթացներ է առաջացնում, որոնք ուղեղին ստիպում են աւելի արագ ծերանալ»,- յայտարարել է Քեմբրիջի համալսարանի (Անգլիա) աշխատակցուհի Լիզա Ռոնանը: Ռոնանը եւ նրա գործընկերները այդ տարօրինակ ֆենոմենը բացայայտել են՝ ուսումնասիրելով Քեմբրիջի 20-ից մինչեւ 87 տարեկան հասակի աւելի քան 500 բնակիչների ուղեղի նկարահանումները, որոնք մագնիսառեզոնանսային տոմոգրաֆիայի օգնութեամբ ստացւել են քաղաքի հիւանդանոցներից մէկում, հաղորդել է «ՌԻԱ Նովոստի»-ն:

Յարակից Հրապարակումներ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։